Kiiritigɛso sanfɛdan ye layidu ta, k’a mana fɛn minnu kɔlɔsi bɛnkansɛbɛn in na, a bɛna olu dajira kolabɛnkulu la yɛlɛma ɲuman donni kama a la
Bɛn ni fɔkabɛn ɲɛbila-poroze kolabɛnkulu ɲɛmɔgɔ ye Usumani Isufi Mayiga ye. Kunun tarata sɛtanburukalo tile 24 san 2024, u sera jamana kiiritigɛso sanfɛdan mɔgɔw ma k’u kumaɲɔgɔnya, walasa ka se k’u fɛla dɔn a ko kan, ka laadilikanw ɲinin u fɛ sɛbɛn in labanni na. O kiiriso in ɲɛmɔgɔba ye Dr Fatoma Tera ye.
Usumani Isufi Mayiga y’a jira ko kiirisow bilalen
don hukumu kɛrɛnkɛrɛn kɔnɔ. O de kosɔn, k’u sera kiirikow minisiriso
la k’o baarakɛlaw kumaɲɔgɔnya ani ka Malidenw ka foli lase
u ma. A ko hali n’i bɔra
minisiriso la, a ɲuman ye
ka se fangabulon fana na ; n’o ye jamana kiiritigɛso sanfɛdan ye, k’u ladɔnniya jamanadenw haminankow la. Kolabɛnkulu ɲɛmɔgɔ ka fɔ la, jamanakuntigi de y’u
bila sɛbɛn in
dilanni na ; n’o ye bɛn
ni fɔkabɛn bɛnkansɛbɛn ye ; o min laɲinin kɛra kosɛbɛ Malidenw yɛrɛ dama cɛ sigikafɔba senfɛ.
A y’a jira k’o ka kan ka kɛ sɛbɛn barikama ye, min bɛ kunun, bi ani sini kofɔ. Nka, a ka kan fana, ka kɛ walanda ye an bolo an dɛsɛkow la, an ka jaabi sɔrɔlenw na bɛnkan tɛmɛnnenw na ani ka Mali kura jɔli baju sigi. O siratigɛ la, bɛn ni fɔkabɛn bɛnkansɛbɛn ɲɛbila-poroze kolabɛnkulu y’a sinsinnanw sɔrɔ. A ko a ɲuman ye Malidenw ka bɛn, ka yaafa ɲɔgɔn ma, ka kuma ɲɔgɔn dala. An kɔni tɛ se ka pan kiiriko kunna ;
sabula o ye jɛlenya ɲinincogo ye, ka da a kan wo b’an
ka hadamadenya la bi fɔlɔ.
Kolabɛnkulu ɲɛmɔgɔ ye hakililajigin kɛ, k’olu sera basigi ni siwiliw lakananni minisiriso la, ka kumaɲɔgɔnya kɛ bɛnkansɛbɛn in nafaw an’a kɔlɔlɔw kan. A kɛra o cogo kelen fana na bɛn ni fɔkabɛn ani donɲɔgɔnna minisiriso la, ani lafasa ni sɔrɔdasi kɔrɔw ka minisiriso la. O kumaɲɔgɔnyaw bolila bɛn, lafasa, mɔgɔ dɔw bilali ani dɔw tali kan ka fara jamana lakananbaaw kan.
Jamana kiiritigɛso sanfɛdan n’o ye kuuru supɛrɛmu ye tubabukan na, a ɲɛmɔgɔba ye foli di kolabɛnkulu ma a ka cɛsiri la.
Dr Fatoma Tera y’a jira ko hadamaden baara kɔnɔ, ko bɛɛ tɛ se ka dafa, nka, jama nafa an’an
ka jamana nafa kama, an ka kan k’an seko jira kiiriko la, min b’a to bɛn ni fɔkabɛn ka sɔrɔ. A ko u mana kɔlɔsili minnu kɛ sɛbɛn in kɔnɔ, o kunnafoni na kolabɛnkulu sɔrɔ, walasa ka se ka yɛlɛma ɲuman don a kɔnɔko la.
Mɔgɔkodɛsɛ, mazisitaraw ka baara tɔpɔtɔli, kiirisow ka baaraw kɛli u yɛrɛ kolo la, ninnu ye kiiritigɛso sanfɛdan haminankobaw ye
Ani fana, jamana jɔli kura minisiri Ibarahimu Ikasa Mayiga ka ɲɛsin gɔfɛrɛnaman ni fangabulonw cɛ koɲɛnabɔ ma, o y’a jira ko taama kun ye ka se ka bɛnkansɛbɛn ɲuman sɔrɔ, mɔgɔlawoloma tɛ min na. Sabula ko sɛbɛn min bɛ kuma bɛn, basigi, ku-ɲɔgɔn-kan ani fɔkabɛn kan, a ɲuman ye o ka labɛn ka ɲɛ. O de kosɔn jama hakilila ɲininnen don a ko la. Wulikajɔw kun y’o ye ka fangabulonw sɛgɛrɛ u hakililaw ɲininni na bɛnkansɛbɛn ɲɛbila-poroze in dagunniko la.
Mɔgɔ min ɲɛsinnen bɛ jamana ka hakɛw lafasali ma kiiritigɛso sanfɛdan na Mahamudu Tinbo n’o ye korokirɛri zenerali ye, o ye kuma ta ka segin jamanadenw haminanko gɛlɛnw kan : tilennenya ani basigi sɔrɔli. O fɛn fila in tɛ se ka fara ka bɔ ɲɔgɔn na bi. O siratigɛ la, a sago ye jamana ɲɛmɔgɔw ka kɔn kow ma ka taa a fɛ fasodenw basigili la.
Dɔkala Yusufu JARA
Namori KUYATE
Rédaction Lessor
Minisiriw y’u ka laadalatɔnsigi kɛ araba utikalo tile 20 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Minisiriw y’u ka laadalatɔnsigi kɛ araba zuluyekalo tile 09 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakutigi Zenerali darimɛ Asimi Goyita bolo..
Minisirw y’u ka laadalatɔnsigi kɛ juma zuluyekalo tile 04 san 2025 Kuluba, jamanakuntigiso la. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Waatiba foroba taama in kɔnɔ Irisila : Ɲɔgɔnye Asimi Goyita ni a tɔɲɔgɔn Irisila jamanakuntigi Wiladimiri Putini cɛ. U jamanakuntigi fila ka tɛgɛdiɲɔgɔnma jɛlen kɛra Kɛrɛmulɛn bisimilaso kɔnɔ nɛgɛ kanɲɛ 16 Musuku lɛrɛ la..
