Kiirikow, hadamadenw ka hakɛw labatoli ani jamana taamasiyɛnw marali minisiri Mahamadu Kasoge y’a ɲɔgɔndanw daminɛni nun don kunun, Lise Ba Aminata Jalo (LBAD) la. Lakɔlikaramɔgɔw tali ɲɔgɔndan in foroba baara kama sigidaw tɔgɔ la, a bɛ ka kɛ ni san 2023 baarakɛnafolo ye. Kalanko minisiri Dr Amadu Si Sawanɛ tun b’a kɛrɛfɛ, ka fara maaba caman wɛrɛw kan.
Nin ɲɔgɔndan in bɛna a to, lakɔlikaramɔgɔ kura 684 ka ta ka bila kalan koɲɛnabɔ cakɛdaw (akademiw) ka bolo kan, karamɔgɔkodɛsɛ min bɛ yen k’a daminɛ denmarayɔrɔw la ka se kalan kun fɔlɔ, kun filanan ani fɛɛrɛko ni baaradegekalanyɔrɔw la, dɔ ka se ka ɲɛnabɔ o la. Nin tali in ɲɛsinnen bɛ dɔnniyatigi 49 ma, a bɛ fɔ minnu ma kategori « A» ani «B2» lakɔlikaramɔgɔya kalanw kɛbaaw la. Mɔgɔ 21.765 de y’a ɲɔgɔndanw kɛ kunun, u tun tilalen bɛ kalanyɔrɔ 21 cɛ jamana fan bɛɛ fɛ
Mamadu Kasoge tun bɛ ka mara ni desantaralizasɔn minisiri jɔyɔrɔ fa kɛnɛ in kan. A y’a jira ko nin ɲɔgɔndan in ye gɔfɛrɛnaman ka cɛsiriw dɔ ye denmisɛnw ka baarasɔrɔ ɲɛtaa la. A sɔrɔla k’a ɲinin kɔlɔsilikɛlaw fɛ, u k’u janto namara kana kɛ.
Kiirikow, hadamadenw ka hakɛw labatoli ani jamana taamasiyɛnw marali minisiri y’a ɲinin ɲɔgɔndannaw fana fɛ, u k’u timinandiya, k’u jigi da u yɛrɛ kan. Sabula ko a dabɔlen bɛ a ka se ka latɛmɛn jɛlenya la, mɔgɔ ni min ka kan, a ka se k’o sɔrɔ, ka kɛɲɛ ni furancɛlafanga jamanakuntigi Kolonɛli Asimi Goyita ka laɲinin ye.
A ka fɔ la, an mako bɛ dɔnniyabatigiw de la, minnu ka kan ka se ka baara kɛ faso ye. O bɛ kɛ ni mɔgɔw tali ye foroba baara la. Furancɛlafanga ɲɛmɔgɔw hami ye min bɛ se min na ka tɛmɛn bɛɛ kan, o ka bila o la.
Kalanko minisiri y’a jira ko nin ɲɔgɔndan in ye ka tɛmɛn ni kalanko minisiriso ka layidu tiimɛni ye ; n’o ye k’a ɲinin ka lakɔlikaramɔgɔ 700 ɲɔgɔnna bolo don baara la. Dr Amadu Si Sawanɛ sinsinna jɛlenya kan ; o min ye taamasiyɛn ɲuman ye ɲɔgɔndanko bɛɛ la an ka jamana kɔnɔ.Faranfasiyali la, ɲɔgɔndan ninnu sɛbɛn fɔlɔ dayɛlɛla kategori « A » mɔgɔw ka so kɔnɔ kalanbolofara « fiziki-simi kama.
Dɔkala Yusufu JARA
Mohamɛdi JAWARA
Rédaction Lessor
Minisiriw y’u ka laadalatɔnsigi kɛ araba utikalo tile 20 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Minisiriw y’u ka laadalatɔnsigi kɛ araba zuluyekalo tile 09 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakutigi Zenerali darimɛ Asimi Goyita bolo..
Minisirw y’u ka laadalatɔnsigi kɛ juma zuluyekalo tile 04 san 2025 Kuluba, jamanakuntigiso la. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Waatiba foroba taama in kɔnɔ Irisila : Ɲɔgɔnye Asimi Goyita ni a tɔɲɔgɔn Irisila jamanakuntigi Wiladimiri Putini cɛ. U jamanakuntigi fila ka tɛgɛdiɲɔgɔnma jɛlen kɛra Kɛrɛmulɛn bisimilaso kɔnɔ nɛgɛ kanɲɛ 16 Musuku lɛrɛ la..
