Yεlεko don, k’a fɔ ko
lakananbaaw t’u seko la jamana lafasali la, ani hadamadenw n’u bolofεnw
lakananni na. O siratigε la, a bε ɲinin ka kε laada
ye, furancεlafanga jamanakuntigi Kolonεli Asimi Goyita ye lakananbaaw sɔrɔdasiɲεmɔgɔw wele lajε la jamanakuntigiso la Kuluba kunun tarata feburuyekalo tile 20
san 2024, ka kumaɲɔgɔnya kε basigiko kan.
Sɔrɔdasiɲεmɔgɔw dama tun tε, lakanankulu fεn o
fεn jamana kɔnɔ, o bεε ɲεmɔgɔw tun b’a la, ka fara minisiri caman
kan. Kεrεnkεrεnnenya la, mara ni desantaralizasɔn minisiri Kolonεli Abudulayi Mayiga, lafasa ani sɔrɔdasi kɔrɔw minisiri Kolonεli Sajo Kamara, fɔkabεn, jamanadenw tin donni ɲɔgɔn na ka taa a fε, ka ɲεsin Alize
bεnkan waleyali ma, o minisiri Kolonεli-mazɔri Isimayεli
Wage ani basigi ni siwiliw lakananni minisiri Zenerali Dawudu Ali Mohamedini.
Mɔgɔ suguya wεrε ma ye lajε in kεnε kan. A kuncεtɔ, lafasa ni sɔrɔdasi kɔrɔw minisiri ye foli kε ka ɲεsin
lakananbolow ɲɔgɔndεmεncogo kan ; o min ye jamanakuntigi ani fasojama ka laɲinni ye. A y’a jira ko a b’a sεmεn nin lajε in na, ka foli ni waleɲuman kε fasojama ye, u ka dannaya toli la lakananbaaw kan, kow gεlεya n’a
ta bεε. A k’a ye fεn min ye, o bε jigisigiko bɔ. Ko an bε don min na, sɔrɔdasiw ni lakananbaa
tɔ bεε labεnnen don kosεbε k’u ka baaraw kε ni wasa ye, u yεrε kolo la fana, jamana
lafasali siratigε la, ani hadamadenw ni bolofεnw lakananni na. Nin bεε bε dabɔ fasojama ka hεrε kama ani AES jama ka hεrε kama.
Nin lajε in bεnna ni waati ye, waati min, ni sɔrɔdasiw ye sebaaya sɔrɔ basigibaliya kan jamana fan bεε fε.
Nka, o n’a ta bεε, halibi yɔrɔ kelen-kelenw bε yen, basigibali bε ka to ka kɔlɔsi minnu na. Furancεlafanga faamaw
ka cεsiri ka fara jamanaden tɔw ta kan, o
kosɔn, denmisεn caman tara k’u kalan sɔrɔdasiya taabolow la, ka laban ka jεɲɔgɔn sεbεw sɔrɔ jamana na. O jaabi sɔrɔlenw sera k’a to an ka se ka nɔ bɔ ko caman na, kɔnɔna ni kɔkanna gεlεya musεnninw n’u ta bεε. Kolonεli Sajo Kamara ka fɔ la, bi, fasojama bε se k’a jigi da jamana lakananbaaw kan.
O de la, a b’a kun bɔ jamanakuntigi
min ye lakananbaaw kuntigiba ye, o k’a jira ko yεrεmahɔrɔnya bε daminε ni basigi ye. A ko
Malidenw ye laɲinin minnu kε
sigikafɔba senfε, gɔfεrεnaman b’a la k’olu waleya. O siratigε la, sɔrɔdasiw donna Kidali, Tesaliti, Agelihɔku, Bεri, ani yɔrɔ wεrεw la. Jamanakuntigi ye foli ni tanuni di jamanaden bεε ma u ka senkɔrɔmadonni na ka ɲεsin lakananbaaw ma jamana kunmabɔli la, juguw
ka gεrεntεw n’u ta bεε.
Umaru
JAKITE
Dɔkala
Yusufu JARA
Dɔkala Yusufu Jara
Nun donna kunun, furancɛlafanga jamanakuntigi Zenerali darimɛ Asimi Goyita fɛ ; n’o ye faso ka san 2025 fɛɛrɛ tigɛlen ye, k’a ɲinin ka dɛmɛn don dɛsɛbaatɔ miliyɔn 2,3 la baloko la jamana kɔnɔ..
Lamɛnnen kɔ siɲɛ fɔlɔ la juma utikalo tile 1lɔ, minisiriɲɛmɔgɔ kɔrɔ Dr Sogɛli Kokala Mayiga welela kokura k’a lamɛn kunun faso nafoloko an’a wariko kɔlɔsili cakɛda fɛ, ka laban k’a lamara bolo kɔrɔ. Kunnafoni in dira a ka awoka Me Sɛki Umaru Konarɛ fɛ..
Minisiriw y’u ka laadalatɔnsigi kɛ araba utikalo tile 6 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Liputako-Guruma jamanaw ka yiriwali cakɛda bɛ bayɛlɛmani sira kan ka kɛ saheli kungo jamanaw ka kɔnfederasɔn (AES) ka waleyali cakɛda ye. A ɲɛmɔgɔ bɛna kɛ kalo wɔɔrɔ kuntaala kɔnɔ, an Maliden ɲɔgɔn Eli Pɔrɔsipɛri Arama ye..
N’o ye jamanakuntigiso la yiriwaljɛkulu ani fɛɛrɛjɛkulu ye. O fɛɛrɛjɛkulu in dagayɔrɔ bɛna kɛ nafoloko minisiriso ye. O cakɛda fila in bɛna, ka da ɲɔgɔn kan, u wasa don yecogo waleyali kɔlɔsili kɛrɛnkɛrɛnnen na ani porozew waleyali kɔlɔsili la. Jamanakuntigi jɛnna ni daj.
Minisiriw ka tɛmɛnni kɔfɛ, Zenerali dediwisɔn Abudulayi Mayiga tun ye mɔgɔ welelen ye Mali Kura Taasira 3 jɛmukan kɛnɛ kan telewisɔnsoba la sibiri tɛmɛnnen in na, ka jɛmukan in sigili kuncɛ. Minisiriɲɛmɔgɔ da sera sisan masalakun gɛlɛn caman ma, jɔyɔrɔ saba b’ale min kelen .
