Laseli min
kɛra jamana telewisɔnsoba la basigi ni siwiliw lakananni minisiri Zenerali de
diwisɔn Dawudi Ali Mohamedini fɛ, gɔfɛrɛnaman ye fanga dafiribaaw bugunnatigɛ
di. Zenerali de birigadi Abasi Danbɛlɛ (Moti mara gɔfɛrɛnɛri kɔrɔ) ani sanfɛkɛlɛcɛ
Zenerali de birigadi Nɛma Sagara, u tun farala ɲɔgɔn kan Faransi kunnafoniko
cakɛda mɔgɔ dɔ fɛ.
Laselisɛbɛn
in ka fɔ la, a mɔgɔ minnu minɛna Faransi jamanaden kelen in b’a la ; a
tɔgɔ ye Nfeziliye Yanni. A bɛ baara kɛ Faransi kunnafoniko cakɛda tɔgɔ la. A
tun bɛ ka politikiɲɛmɔgɔw, jɛkulu minnu tɛ politikitɔnw olu ɲɛmɔgɔw ani
lakananbaa jalatigiba fila ; n’o ye Zenerali de birigadi Abasi Danbɛlɛ ani
Zenerali de birigadi Nɛma Sagara ye.
Lakananbaa
tɔ minnu b’a la, olu ye : Liyetenan-kolonɛli Baba Danbɛlɛ, Liyetenan-kolonɛli Sayibu
Keyita, Liyetenan-kolonɛli Mamadu n’a bɛ wele Cɛkɔrɔ Jara, Liyetenan-kolonɛli Sunkalo
Jɔpu, Kapitɛni Mohamɛdi Watara.
Kaporali
Amadu Buba Kulubali, Sɛrizan-Sɛfu Bukari Karakojo, ka fara Yakuba Koio kan, ale
ye siwili ye. Nin tun ye a siɲɛ damadɔ ye dɔw b’a ɲinin ka furancɛlafanga
dafiri, kasɔrɔ an bɛ waati min na Malidenw bɛ k’a ɲinin ka fara ɲɔgɔn kan ka
wuli k’u jɔ jamana ka yɛrɛmaɔrɔnya sɔrɔlen kura makaranni na, ani ka kojugubakɛ
kɛlɛ saheli kungo kɔnfederasɔn AES kɔnɔ. Gɔfɛrɛnaman bɛ hakililajigin kɛ, ko
« lakananbaa ni siwili » dɔw hami ma kɛ dɔwɛrɛ ye o wulikajɔ kɔnɔ, fo
k’a ɲinin k’o cɛsiriw don nkalama na ni kɔkanjamana dɔw ka dɛmɛn ye, ka Mali
kura jɔli sennasiri.
Laselisɛbɛn in ka fɔ la, jamana kunnafoniko cakɛda kɛrɛnkɛrɛnnenw ka ɲɛmadaba
de sera ŋaniya jugu sirilen ka se ka waranga, k’a labɛnbaaw minɛni daminɛ
kabini utikalo in tile 1lɔ san 2025.
Furancɛlafanga gɔfɛrɛnaman bɛ nin waleya jugu in sɛbɛkɔrɔ kɔn, ani ka jigisigi
di jamanadenw ma ko sɛgɛsɛgɛli tɔ bɛ sen na k’a dɔn n’u dɛmɛnbaa tɔ bɛ ji
jukɔrɔ halibi ; wa ko jamana lakananbaaw bɛ to wulikajɔ la kojugubakɛ
kɛlɛli la, a kɛra a suguya o suguya ye.
A bɛ
jigisigi kɛ fana ko, kow bɛ jamana lakananbaaw ka bolo kan. A b’a ɲinin
sigidalamɔgɔw fɛ, u k’u hakili sigi ka tɛmɛn n’u ka baaraw ye hakililatigɛ
kɔnɔ, ani fana, u k’u ɲɛmada kosɛbɛ mɔgɔ juguw fɛ sanni u ka tɔɔrɔ lase mɔgɔ
ma, ka kofɔli kɛ a tuma na u ka se k’u tɔɔrɔ ta ka bɔ u dala ni Ala sɔnna.
Furancɛlafanga gɔfɛrɛnaman bɛ jamanadenw ladɔnniya, ko Mali lakananbaa dɔamadɔnin de minɛna minnu tun b’a fɛ ka ko kolon kɛ, ka jamana fangabulonw dafiri.
Dɔkala Yusufu Jara
Minisiriw y’u ka laadalatɔnsigi kɛ araba utikalo tile 13 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Wulikajɔ demokarasiko ani politikitɔn camanko la an ka jamana kɔnɔ, o cɛba dɔ taara i da. Kɔkankow ni diɲɛ tɔnbaw cɛ koɲɛnabɔ minisiri kɔrɔ Cɛbilen Daramɛ fatura kunun utikalo tile 12 Pari, Faransi faaba la k’a si to san 70 la bana kuntaala jan senfɛ. A ka denbaya de ye nin kunn.
Nun donna kunun, furancɛlafanga jamanakuntigi Zenerali darimɛ Asimi Goyita fɛ ; n’o ye faso ka san 2025 fɛɛrɛ tigɛlen ye, k’a ɲinin ka dɛmɛn don dɛsɛbaatɔ miliyɔn 2,3 la baloko la jamana kɔnɔ..
Lamɛnnen kɔ siɲɛ fɔlɔ la juma utikalo tile 1lɔ, minisiriɲɛmɔgɔ kɔrɔ Dr Sogɛli Kokala Mayiga welela kokura k’a lamɛn kunun faso nafoloko an’a wariko kɔlɔsili cakɛda fɛ, ka laban k’a lamara bolo kɔrɔ. Kunnafoni in dira a ka awoka Me Sɛki Umaru Konarɛ fɛ..
Minisiriw y’u ka laadalatɔnsigi kɛ araba utikalo tile 6 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Liputako-Guruma jamanaw ka yiriwali cakɛda bɛ bayɛlɛmani sira kan ka kɛ saheli kungo jamanaw ka kɔnfederasɔn (AES) ka waleyali cakɛda ye. A ɲɛmɔgɔ bɛna kɛ kalo wɔɔrɔ kuntaala kɔnɔ, an Maliden ɲɔgɔn Eli Pɔrɔsipɛri Arama ye..
