Cakɛda in ɲɛmɔgɔw, u bisimilalen ntɛnɛndon jamanakuntigiso la Kuluba, AES kɔnfederasɔn ɲɛmɔgɔba Kolonɛli Asimi Goyita fɛ
Sahelikungo jamanaw ka faraɲɔgɔnkan tɔnba (AES), n’o ye Mali, Burukina Faso ani Nizɛri ye, u ye fɔkabɛnw daminɛ ni cakɛda « Glavkosmos » ye ; ale ye Irisijamana ka cakɛda min bɛ wele « Roscosmos », o bolofara ye, satelitiw sigili kama, walasa u ka se k’u ka basigi ni yiriwali sabati.
O siratigɛ
la, kumaɲɔgɔnya, numeriki sɔrɔ ani baara kɛcogo yɛlɛma kuraw minisiri, Alihamudu Agi
Iliyɛni,
nafoloko ni wariko minisiri Aluseyini Sanu, Nizɛri kumaɲɔgɔnya minisiri Sidi Mohamɛdi Araliyu ani Burukina Faso sannayɛlɛnkalan, ɲininni ni ko kuraw minisiri Pr
Ajima Tiyɔnbiyano, olu
bɛ lajɛ la Bamakɔ bolonɔ bilali kama bɛnkansɛbɛn na ni Irisijamana cakɛda
in ye porozeba in waleyaliko la.
U bisimilala ntɛnɛndon Mali furancɛlafanga jamanakuntigi Kolonɛli Asimi Goyita fɛ jamanakuntigiso la Kuluba, ni AES kɔnfederasɔn ɲɛmɔgɔba don. Ɲɔgɔnye in kɛra Mali ka kunnafoni latɛmɛnni cakɛda (SMTD) ɲɛmɔgɔ Sɛki Umaru Tarawele ɲɛna.
A ɲɔgɔnye kuncɛlen, Nizɛri kumaɲɔgɔnya minisiri y’a jira, k’u ni ɲɔgɔn cɛ kɔrɔfɔw bolila sanfɛla kɔlɔsili minɛnko kan ni Irisijamana cakɛda « Glavkosmos » ye. Ko ni fɔkabɛnw bɛnna sen ma, o bɛna sateliti suguya fila sigi AES kɔnɔ. A fɔlɔ ye kumafoniko sabatili sateliti ye, ɛntɛrinɛti, tele ani arajo lasɔrɔko ɲuman kama. A filanan ye kɔlɔsilikɛ aradariw ye basigi sabatili kama, ani kasaaraw kunbɛnni, ka fara dugukolo kan gɛlɛya suguya wɛrɛw tɔpɔtɔli kan. Poroze in dakun sabanan ye an ka dɔnnikɛlaw kalanni ye.
Kɔnfederasɔn ɲɛmɔgɔba ye poroze in foli kɛ, ka segin k’a ka senkɔrɔmadonni kofɔ a waleyali sennateliyali la. A
sinsinna fɛn min kan
kosɛbɛ, an y’an ka dɔnnikɛlaw kalanni ye Irisijamana fɛ, minɛn ninnu labaarako ɲuman na. A kun ye u ka se ka famuyaliba sɔrɔ,
ka baaraw kɛ u yɛrɛ kolo la yɛrɛmahɔrɔnya kɔnɔ. Sidi Mohamɛdi Araliyu y’a ka nisɔndiya jira jamanakuntigi Kolonɛli Asimi Goyita ka kandili la, a
jɔyɔrɔ kama kɔnfederasɔn ɲɛmɔgɔya la sateliti ninnu sigili
baaraw senkɔrɔmadonni na an ka jamanaw ka nafa
kama.
Irisijamana cakɛda in « Glavkosmos » ɲɛmɔgɔ yɛrɛ Iliya Tarasenko ye jigisigi kɛ Irisijamana fan fɛ, poroze in waleyali la, min nafa bɛna bonya kosɛbɛ AES kɔnfederasɔn kan. Ka da a kan a bɛna jamana saba ninnu bɛɛ makow ɲɛ. N’o ye basigi sabatili ye u ka dancɛw la, ani sɔrɔ yiriwali ɲɛtaa n’a minɛn kuraw ye.
Ko basigilen waleyali senna bɛ se ka sumaya, AES b’a la k’a yɛrɛ kofɔ an ka marayɔrɔ la ani diɲɛ mumɛ kɔnɔ ni poroze nafamabaw ye basigi ni yiriwaliko la, k’a sababu kɛ Irisijamana cakɛda (Roscosmos) ka jɛɲɔgɔnya ye. Cakɛda don, min lakodɔnnen bɛ diɲɛ kɔnɔ sanfɛla kunkankow tɔpɔtɔli la.
Dɔkala Yusufu JARA
Abubakari TARAWELE
Rédaction Lessor
Bɛn ni fɔkabɛn bɛnkansɛbɛn ɲɛbila-poroze kolabɛnkulu ɲɛmɔgɔ, minisiriɲɛmɔgɔ kɔrɔ Usumani Isufi Mayiga n’a ka cakɛda mɔgɔw, u ye gɔfɛrɛnaman minisiriw kumaɲɔgɔnya alamisa tɛmɛnnen in minisiriɲɛmɔgɔso la, wulayanfan fɛ..
Nafoloko ni wariko minisiri kɔrɔ, lɛrɛ 6 kuntaala kɔrɔfɔw kɔnɔ, a ma bɔ a kumakan kan. A y’a jira k’ale y’a jɔyɔrɔ fa foroba jate bɔli la, ni wariw sarali ani jamana ka kɛta waleyali ye.
Nin tali in ɲɛsinnen bɛ dɔnniyatigi 49 ma, a bɛ fɔ minnu ma kategori « A» ani «B2» lakɔlikaramɔgɔya kalanw kɛbaaw la. Mɔgɔ 21.765 de y’a ɲɔgɔndanw kɛ kunun, u tun tilalen bɛ kalanyɔrɔ 21 cɛ jamana fan bɛɛ fɛ.
-.
Bɛnkan talen kɔ ka bagansuguw datugu Bamakɔ faaba kɔnɔ ka da basigiko kan, yɔrɔ kuraw dira baganfeerelaw ma Sanankɔrɔba ani Zantigila kominiw kɔnɔ. O yɔrɔ ninnu labaarali hukumu kɔnɔ, baganmara ni mɔnni minisiri Yuba Ba ye taama kɛ ka taa a ɲɛ da u kan alamisa tɛmɛnnen in na..
Kameruni balontanna kɔrɔ Samuyɛli Etoo, ni Kameruni ntolantan tɔnba (Fecafoot) ɲɛmɔgɔ don bi, a dulonna kalo wɔɔrɔ kuntaala FIFA fɛ, k’a sababu kɛ musomannin U20 minnu ka kupudimɔni kɛra Kolɔnbi, k’a sababu kɛ a y’a fɔli min kɛ, k’o jalatigilaw ye hakilidumantigiya kɛ..
