Dɔnkilidala
Ciyara Pɛrɛnsɛsi Wilisɔn, n’a dɔnnen don kosɛbɛ Ciyara la, a kɛra Benɛn
jamanaden ye. A si bɛ san 39 na. Lamerikɛnjamana dɔnkilidalaba in, min bɛ sanga
la kosɛbɛ R&B, pop ani hip-hop la, zuluyekalo tile 26 san 2025, a y’a ka
fasodenyasɛbɛn sɔrɔ Benɛn jamana ɲɛmɔgɔw bolo lajɛ kɛrɛnkɛrɛnnen senfɛ Kotonu,
Benɛn faaba la.
Nin fasodenyasɔrɔ in sera ka kɛ k’a
sababu kɛ bɛn kɛra sariya min kan Benɛn san 2024, min b’a to mɔgɔ minnu buruju
ye Afiriki ye, kɛrɛnkɛrɛnnenya la a bɛ fɔ minnu ma « afrodescendanw »,
n’u bɛ Afiriki kɔkan, u ka se ka Benɛn jamanadenya sɔrɔ. Nin ye dabali ye, min
yankan ka bon kosɛbɛ tariku kɔnɔ, n’a b’a ɲinin jɔnya ye mɔgɔ minnu lase kɔgɔji
Atilantiki kɔfɛ, k’o joliw furakɛ.
Walasa mɔgɔ ka se ka Benɛn
jamanadenya sɔrɔ, a ka sɔrɔ a tigi ye baliku ye, a faso wɛrɛ tɛ Afiriki kɔnɔ, sɛbɛn
jɔnjɔnw ka sɔrɔ a bolo seerew ye, walima dɔgɔtɔrɔw ka sɛgɛsɛgɛliw k’a sɛmɛntiya
k’a buruju ye Benɛn ye walima Afiriki tilebinyanfan.
Muso in nisɔndiyabaatɔ y’a jira a ka
erezo sosiyow kan ko : « Nin ye dannayakoba ye ne bolo. Ka segin k’i bɔnsɔnw ka
dugukolo lasɔrɔ, ani ka laban k’i kunbɛn ni bonya ye i tɔw cɛla, o ye bonyaba
ye min nisɔndiya bɛna to n dusukun na n ka ɲɛnamaya kɔnɔ. Benɛn, i ni ce nin kanu
ani lakodɔnni na ».
Nin hakilila in bɛ dɔ fara tin kan
Afiriki n’a den tungarankew cɛ. Benɛn bɛ Gana, Sɛnɛgali walima Siyera Leyɔni
sennɔ fɛ nin ko la. A y’a ŋaniya jira a tuguli la a ka fasoden yɛrɛkɛlenw na
tariku fɛ ani ka bonya to Afiriki hakililaw la.
Dɔkala Yusufu JARA
Makan SISƆKƆ
Makan SISSOKO
Fɛɛrɛjɛkulu dɔ bɛna taama na Mali kɔnɔ yan walsa fura kuntaala jan ka se ka sɔrɔ ko in na. Yanni o cɛ, a k’u kɔnna ka lafaamuyaliw kɛ Lajinɛ sariya labatoli la. A k’u b’a la ka dɔ fara dumuniko ani ji sɔrɔyɔrɔw fanga kan baganw mininniko la, minnu bɛ taa ka segin kɛ..
A ka bɔli la Mali Kura Taasira 3 jɛmukan kɛnɛ kan, min labɛnna zuwɛnkalo tile 3 tɛmɛnnen in Kati Darali la, baganmara ni mɔnni minisiri Yuba Ba kumana Mali baganw kunnafoni kan, baganw ka taa ka segin gɛlɛyaw ani baganw labɔli kɔkan, baganfagayɔrɔw, disidako minnu dɛnnen bɛ.
Minisiriɲɛmɔgɔ ZenErali de diwisɔn Abudulayi Mayiga min ye lajɛ in daminɛni baaraw ɲɛmɔgɔya kɛ, a y’a jira ko San mara sugandikun ye lamini tiɲɛcogo, a disidakow a yiriwali kuntaala jan nɔgɔyaw ka kɛɲɛ ni hadamadenya ɲɛtaa ani lamini fɛnw tagancogo ye.
Sefawari miliyari 2,6 ni kɔ bɔra gɔfɛrɛnaman fɛ ka don jibolisirabaw ni misɛmanw labɔli dafɛ walasa ka jisonko ɲɛsigi faaba kɔnɔ.
