Jamana fεn o fεn tun ye sεbεn ladon a labεnni kama, Marɔku ta bεnna bεε ma kεnε kan. Alizeri tun b’a nɔfε, Nizeriya ni Benεn tun fila tun bε k’a ɲinin ɲɔgɔn fε, Zanbi fana tun b’a nɔfε ; nka nin bεε labanna k’u senbɔ a ɲininni na.
A bε san caman bɔ sa, Marɔku tun b’a la ka KANI labεnni laɲinin kε. Nka a y’a sɔrɔ arabadon. Kasɔrɔ Alizeri, Benεn ni Nizeriya fila ani Zanbi kεlen kɔ k’u senbɔ a labεnni ɲininni na, k’a tɔ to Marɔku kelen ye.
A ko ma bila ka suma tuguni, u sinna ka san 2025 KANI labεnni don Marɔku bolo. Saratiw fana dafalen don a la ka fara o kan. U ka ntolantannaw sera hakε min na kupudimɔni san 2022 senfε, sinsin kεra o fana kan.
KANI 2023 bεna kε Kɔnɔwari, k’a daminε zanwuyekalo tile 13 la, ka se feburuyekalo tile 11 ma san 2024. A tun ka kan ka kε san 2023 kɔnɔ, nka a tεntεnna ka se san 2024 ma. O n’a ta bεε, a bε wele KANI san 2023. Nin bεna kε a siɲε fɔlɔ ye kupudafitiki tako 34nan in na, jamana 24 ka ɲɔgɔn sɔrɔ kεnε kan ; Mali b’o la. A ntolantanw bεna kε Kɔnɔwari dugu duuru kɔnɔ : Abijan, Buwakε, Korogo, San-Pedoro ani Yamosokɔrɔ.
Ntolantankuluw sigili bolodalen bε ka bila ɔkutɔburukalo in tile 12 kan Abijan, nεgε kanɲε 19 waati la. Jamana 24 ninnu bε tila ntolantankulu 4 ye, ka kεɲε ni u cogoya ye FIFA fε.
Lεrε damadɔ o kɔfε, (CAF) ye Tanzani-Keniya-Uganda saba sugandi KANI 2027 labεnni jatigiya kama ɲɔgɔn fε.
Abubakari Tarawele
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
