Jeda
ye duguba filanan ye. A bε kɔgɔji bilenman da la Arabi Sawuditi jamana na. Lεrε 24
Samatasεgε mankanw selen kɔ yen, Femafuti ye ntolantanna 25 kofɔ, minnu donna degelikaramɔggɔ Sumayila Kulubali bolo. Jeda farifoni mana kuncε, mɔgɔ
21 bε ɲεnatɔmɔ,
minnu bεna taa kupudimɔni kεnε kan Ɛndonezi. Maliden minnu tε ntolantan na jamana kɔkan,
o hakε ye 21 y’u cεla. A tɔ 4 kε ntolantanw na kɔkan.
Sumayila
Kulubali ka fɔ la, ntolantan sariya de bε jamana bεε wajibiya
ni ntolantanna 21 ye kεnε kan. Nka, a k’u bε dabalitigεw la, min b’a to Ɛndonezi
janjo ka se ka kε mɔgɔ 4 tɔ ɲεna. Ko a man di u ye k’u lasegin Bamakɔ
tuguni Jeda farifoni bannen kɔfε.
Samatasεgε mankanw bεna teriyantolantanw kε Ni Ekatεri ani Arabi Sawuditi tɔn
dɔw
ye. U bεna u hakili sigi o teriyantolantanw fε, mɔgɔ
kana jogin, ka gεlεya don baara tɔ la.
Samatasεgε
mankanw ni Ekatεri bε ɲɔgɔn sɔrɔ tarata. Laɲinin ye ntolantannaw ka se ka sεbεkɔrɔ
labεn u jɔyɔrɔ
bε se ka bonya cogo min na u ka kupudimɔni in na.
Hakililajigin
na, Sumayila Kulubali ka cεdenw bε kulu B kɔnɔ.
U ni Ɛsipaɲi, Kanada ani Uzubekisitan bε ɲɔgɔn kan yen. Mali bε tulon datigε ni Uzubekisitan ye
nowanburukalo tile 10, sanni a ni Ɛsipaɲi ka ɲɔgɔn sɔrɔ nowanburukalo tile 13, ka kuluntolantan kuncε ni
Kanada ye nowanburukalo tile 16 Surabaya farikoloɲεnajεkεnε
na.
Jamana 24 de bε U17 kupudimɔni Ɛndonezi san 2023 janjo la ; Afiriki jamana 4
b’o la : Mali, Sεnεgali (o min ye Afiriki ŋana ye), Marɔku
(o min ye Afiriki ŋana dankan ye) ani Burukina Faso. Jamana 24 ninnu tilalen
don kulu 6 ye ; jamana naani b’a kelenna kɔnɔ. Jamana minnu mana kε jɔyɔrɔ fɔlɔ ye u ka kulu kɔnɔ,
ka fara jɔyɔrɔ sabanan naani ɲumanw kan, olu de bε wicεmudefinali kε.
Jεnεba
BAGAYƆKƆ
Dɔkala
Yusufu JARA
Ntolanna
25
Jɔkɔlɔsilaw : Burama Kɔnε (Yeelen olympique), Janguinε Sidibe (Centre
sportif de Bamako), Seriba Dunbiya (Centre sportif de Bamako).
Kɔfεmɔgɔw : Usumani Sεnpara (Étoile du Mandé), Bayi Kulubali
(Étoile du Mandé), Musa Tarawele (Centre sportif de Bamako), Gawusu Kɔnε
(Yeelen olympique), Seku Kɔnε (Guidars FC), Isa Tarawele (Djoliba), Abudulayi
Mayiga (Burgos club football, Espagne), Alasani Togola (Guidars FC), Suleyimani
Sanɔgɔ
(Yeelen olympique).
Cεmancεlamɔgɔw : Musa
Masire Jɔpu
(Guidars FC), Usumani Cεrɔ (ASB), Modiba Sisɔkɔ
(Guidars FC), Bi Yuwan Z. Nene (Academy Right, Ghana), Anzi Marisiyali Tiya
(AFE), Hamidu Makalu (Guidars FC).
Ɲεfεmɔgɔw :
Ibarahimu Jara (Africa foot), Ibarahimu Kanate (AFE), Mahamudu Bari (Étoile du
Mandé), Salifu Nowa Leyintu (Bethesda, Pays-Bas), Mamadu Dunbiya (AS Black
star) Badara F. Tarawele (FC Metz), Usumani Jara (Génération foot).
Degelikaramɔgɔ
: Sumayila Kulubali
Umaru
SANKARE
Dɔkala
Yusufu JARA
Dɔkala Yusufu Jara
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
Selen Marɔku sibiri su k’a dugu jɛ kari la, degelikaramɔgɔ Tɔmu Sɛnfiye n’a ka cɛdenw y’u ka farifoni balontanko fɔlɔ kɛ ntɛnɛn marisikalo tile 17 san 2025. Cidenkulu mɔgɔ tɔw ka kan ka se Ujuda bi tarata ni Ala sɔnna. Ujuda ye dugu ye, min bɛ Marɔku ni Alizeri dancɛ la.
Kameruni sennantolantan tɔnba (Fecafoot) ɲɛmɔgɔ Samuyɛli Eto’o kɛra Afiriki sennantolantan tɔnba « CAF » ɲɛmɔgɔkulu mɔgɔ ye..
An ye Afiriki jamanaw ntolantantɔnw ka kupu U17 bolodacogo dɔn. A bɛ daminɛ marisikalo tile 30 k’a kuncɛ awirilikalo tile 19 san 2025 Marɔku jamana na..
A ɲininnen don sigidalamɔgɔw fɛ, u ka fara Bamakɔ faaba Meriba tɔpɔtɔ jɛkulu kɛrɛnkɛrɛnnen ka taabolo kura kɔ, min b’a to Bamakɔ bɛ se ka segin ka kɛ dugu saniman ye k’a sigili diya an bolo.
