SARIYAKO NASIRA LA
1. Minisirilajɛ jɛnna ni Mara ni desanbtaralizasɔn minisiri ka laselisɛbɛn ye, ɔridonanzi poroze dɔ kan, min bɛ yɛlɛma don sariya n°06-023 min tara zuwɛnkalo tile 28 san 2006 duguw, bugudaw ani kinw sigili la.
Duguw, bugudaw ani kinw ye mara baju dɔ ye ; sariya n°06-023 min tara zuwɛnkalo tile 28 san 2006, u kun b’o kɔrɔ.
O sariyasɛbɛn in labanyanfan fɛ, dugu kelen o kelen, buguda kelen o kelen ani kin kelen o kelen maralen don dugutigi, bugudatigi walima kintigi dɔ fɛ, ka laadibaakulu k’a la a ye min ɲɛmɔgɔ ye. O laadibaakulu mɔgɔw bɛ sugandi dutigiw walima u ka cidenw ka lajɛba senfɛ.
Dugutigi, bugudatigi ani kintigi ka fanga sarati ye san 5 ye. Nka, o laadibaakulu ka sarati bɛ se ka mɔɔnɔbɔ, ka kɛɲɛ ni sariya min ye dugu, buguda ani kin sigi, o cogoyaw ye.
Dugutigi, bugudatigi ani kintigi laadibaakuluw lakurayako laban kɛra san 2015. Wulikajɔw n’u ta bɛɛ, yɛlɛmani kura selen tɛ ka kɛ fɔlɔ ka da basigiko ni politiko gɛlɛyaw kan jamana kɔnɔ.
O kɛlen bɛ gɛlɛya ye fanga bolicogo la marayɔrɔ bajuw la, ka gɛlɛya don dugutigi, bugudatigi ani kintigi sigandicogo la, kasɔrɔ laadibaakulu jɔyɔrɔ ka bon ko caman na.
Jɛn kɛra n’o ɔridonanzi poroze min ye, o bɛ yɛlɛma don duguw, bugudaw ani kinw sigili sariya cogoya la ; sabula dan sigili laadibaakulu ka sarati la, o bɔra a ma, ani ka laadibaakulu sugandili lajɛba nɔnabila ni sugandili kɛcogo wɛrɛ ye yɔrɔnin kelen, ka kɛɲɛ n’an ka laadaw ye.
2. Minisirilajɛ jɛnna ni kiiriko, hadamadenw ka hakɛw labatoli ani jamana taamasiyɛnw lamarali minisiri ka laselisɛbɛn ye ɔridonanzi poroze dɔ kan, min bɛ yɛlɛma don sariya sariya n°05-014/P-RM min tara marisikalo tile 22 san 2005, ni yɛlɛma tun donna o fana na, n’a bɛ dantigɛli kɛ kiiritigɛlaw dɛmɛnbaaw n’u ka sekeretɛriw kunkan ; n’o ye « gɛrɛfiyew ni sekeretɛri dɛ gɛrɛfuw » ye, ani kiiritigɛlaw yɛrɛ.
Gerefiyew wasa donnen bɛ kiirisɛbɛnw labɛnni na, ka kiiritigɛlaw dɛmɛn u ka baara la ani kiiri kalanw ni kiirisɛbɛnw lamarali, seereyaw kama. U ni gerefiyew ka sekeretɛriw ni kiiritigɛlaw, ka fara gerefiyew baarakɛɲɔgɔn tɔw kan, ɔridonanzi n°05-014/P-RM min tara marisikalo tile 22 san 2005, ni yɛlɛma donna a la, u kun b’o kɔrɔ.
Jɛn kɛra n’o ɔridonanzi poroze min ye, a bɛ « gerefiye an sefu » ka dipulɔmu ni baarakɛla kategori (suguya) « A » ta damakɛɲɛ taliko la baara la, si hakɛ min na a bolo bɛ don baara la, ani si hakɛ min na a bɛ bolobɔ.
3. Minisirilajɛ jɛnna ni baganmara ni mɔnni minisiri ka laselisɛbɛn ye poroze dɔw kan, minnu bɛ tali kɛ bagan minnu bɛ dumuni wɔgɔ, olu lamarali, u labugunni an’u kunnafoni gansili cakɛda dɔ sigili, a labɛnni an’a ka baara kɛcogo la.
O cakɛda min bɛ Madina-Jasa, o sigira senkan sariya n°2013-027 fɛ, min tara zuluyekalo tile 09 san 2013 san 5 kuntaala kama. A ka baara ye yɛlɛma ɲuman donni ye bagan sɔrɔcogo, an’a nafa bɔcogo la, n’a lamarali, a labugunni an’a kunnafoni gansili ye.
A ka baara kɛcogo kɔnɔ ka kɛɲɛ n’o sarati dantigɛlen ye, cakɛda in bɛ jaabi ɲuman sɔrɔlenw kafo k’u lamara bolo kɔrɔ don dɔ kama.
Jɛn kɛra ni poroze ninnu ye o hukumu kɔnɔ. Sariya ninnu fana bɛ baara kɛta kuraw dayɛlɛ minnu sirilen don fɔlɔ la sarati dantigɛbali kɔnɔ, nka cakɛda yɛrɛ ka baara sarati bɛ to a dantigɛcogo la.
KUMAƝƆGƆNYAW NASIRA LA
1. Mara ni desantaralizasɔn minisiri ye minisirilajɛ ladɔnniya komini dɔw kɔnseyejɛkulu cili la ; n’o ye Kɔnsiga (Kayi mara la), Kula ni Baginda-kan ani Kanbila (Kulukɔrɔ mara la.
Kɔnseyejɛkulu cili kofɔlen don sariya n°2023-004 kɔnɔ, min tara marisikalo tile 13 san 2023 sigidaw kunkan. A sariyasen 8nan na, a fɔlen bɛ ko kɔnseyejɛkulu bɛ se ka dulon, walima k’a ci. A mana k’a fɛn o fɛn ye, kɔnseyejɛkulu bɛ ladɔnniya o la fɔlɔ, k’a ɲinin Mɛri fɛ a ka jaabi sɛbɛn ka di gɔfɛrɛnaman tɔgɔla mɔgɔ ma komini bɛ mara min kɔnɔ, jalakili kun na.
A kɔlɔsira ko Kɔnsiga (Kayi mara la), Kula ni Baginda (Kulukɔrɔ mara la), o kɔnseyejɛkuluw ka baara kɛcogo man ɲi, k’u b’a la ka sariya sɔsɔ.
O majɛ min b’u ka baara kɛcogo la, a ɲininna u fɛ u ka ɲɛfɔli kɛ kow cogoyaw kan, i n’a fɔ sariya b’a jira cogo min na.
A ma ɲɛ min kɔ, kɔnseyejɛkulu ninnu cira, walasa ka se ka dan sigi mara kɛcogo jugu kɔlɔsilenw na u kɔnɔ.
Dɔkala Yusufu JARA
Esɔri sɛbɛnnijɛkulu
Rédaction Lessor
Minisiriw y’u ka laadalatɔnsigi kɛ araba utikalo tile 20 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Minisiriw y’u ka laadalatɔnsigi kɛ araba zuluyekalo tile 09 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakutigi Zenerali darimɛ Asimi Goyita bolo..
Minisirw y’u ka laadalatɔnsigi kɛ juma zuluyekalo tile 04 san 2025 Kuluba, jamanakuntigiso la. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Waatiba foroba taama in kɔnɔ Irisila : Ɲɔgɔnye Asimi Goyita ni a tɔɲɔgɔn Irisila jamanakuntigi Wiladimiri Putini cɛ. U jamanakuntigi fila ka tɛgɛdiɲɔgɔnma jɛlen kɛra Kɛrɛmulɛn bisimilaso kɔnɔ nɛgɛ kanɲɛ 16 Musuku lɛrɛ la..
