A nɛfɛmɔgɔ bɛ se mɔgɔ mugan ni kɔ ma ; bololabaara, seko ni dɔnko, izininko ni ɲɛ daamuda minisiri Mamu Dafe, muso ni den ani denbaya ɲɛtaa minisiri Madamu Jara Jɛnɛba Sanɔgɔ b’o la. Denmisɛnya ni farikoloɲɛnajɛ minisiriso ka ɲɛsin fasodenya ni fasoden ɲuman dilanni ma, o sekeretɛri zenerali Modibo Tarawele fana bɛ cidenkulu in cɛla. U bisimilala pankurunjiginkɛnɛ na Nizɛri minisiriɲɛmɔgɔ Mahamani Lamini Zeyini fɛ Zenerali de diwisɔn Abudulayi Mayiga n’a jatigikɛ ma tɛmɛn sanga damadɔ kan ni Burukina Faso minisiriɲɛmɔgɔ Irimutaliba Zan Emanuyɛli Wedarawogo fana ma na u sɔrɔ yen. U mɔgɔ saba jɛra kunun kari desanburukalo tile 29 san 2024 nɛgɛ kanɲɛ 10 waati la, ka taa Kokowa barita jɔyɔrɔ sabanan ɲininni an’a tako 45nan finali lajɛ Doso ; o ni Ɲame cɛ ye km139 ye. Kokowa ye Hawusaw ka laada kɔrɔba ye. Barita ye farikoloɲɛnajɛ kanunenba ye Nizɛri fasojama bolo. Kɛnɛ ɲɛnamanba b’u bolo o kama Doso, min bɛ wele Salima Dan Arani. Lajɛlikɛla 15.000 bɛ ku a kɔnɔ ; A sɛbɛkɔrɔ fara finali don na. AES jamana saba ninnu telesow y’a jaw jɛnsɛn. A jɔyɔrɔ sabanan ɲininni tun bɛ Agadiri Adamu Abudu ni Maradi Idi Mati Yelo cɛ. A finali tun bɛ kupu in tabaa Doso Kadiri Abudu min b’a kupu tako 7nan nɔfɛ, o ni Ɲame Aba Ibarahimu cɛ ; o b’a siɲɛ fɔlɔ la panmuru kupu in nɔfɛ. A kɛra balanako ye ; sabula min b’a siɲɛ fɔlɔ kupu nɔfɛ, o sera ka Doso dan kelen dasi dugu la sanga 3 ni segɔni 28 goloba kɔfɛ. Aba Ibarahimu tɔgɔ donna barita tariku kɔnɔ. A jansanna ni sefawari miliyɔn 12 ye, ka panmuru kelen da o kan ani yɛlɛnkanso kelen. Mɔbili suguya min ye 4x4 ye, o farala o kan ani hiijilataa pankurunbiye. Kokowa tako 45nan finali lajɛlen kɔfɛ, tuma min na, Zenerali de diwisɔn Abudulayi Mayiga ni Maliden minnu sigilen Ɲame, u ye ɲɔgɔnye kɛ. Olu ɲɛmɔgɔya tun bɛ u ka jɛkulu ɲɛmɔgɔ Mahamadu Alasani Tikina bolo. Minisiriɲɛmɔgɔ ni jɛkulu min bɛ wele « Nomad art et culture », o ɲɛmɔgɔba Alihusseyini Sehu, ni seko ni dɔnko ani bɛn lasigiden fana don, o ye panmuru kelen di minisiriɲɛmɔgɔ Mayiga ma jansan ye. Bi ntɛnɛn, kumaɲɔgɔnyaw bɛna sigi AES kɔnfederasɔn jamana saba minnu cidenkulu cɛ. Nizɛri furancɛlafanga jamanakuntigi Zenerali de birigadi Abudurahamani Tiyaani bɛ laban ka minisiriɲɛmɔgɔw bisimila. Hakililajigin na, nin ye minisiriɲɛmɔgɔ Zenerali de diwisɔn Abudulayi Mayiga bɔko fɔlɔ ye jamana dafɛ kabini a sugandira ka bila minisiriɲɛmɔgɔya jɔyɔrɔ la nowanburukalo tile 21 tɛmɛnnen in na. Dɔkala Yusufu JARA Laji Madiheri JABI
Dɔkala Yusufu Jara
Musomanninw yɛrɛ dama cɛ teriya, tuma caman na a bɛ laban masiba la, ni dɔ bɔra dɔ ka janfa kalama. O la, teriya jɛlen, min donna mɔgɔw cɛ kabini denmisɛnninya waati la, a dɔw la, o bɛ sin ka dabila.
Fɔkatɛmɛn tɛ ; an ka jamana ɲɔgɔlɔnko dɔnbaa ŋana dɔ fana fatura. A fatura bana kuntaala jan dɔ senfɛ..
Marifa caman : pisitole mitarayɛri 19, AK 47, mitarayɛri PKM, mugu jugu fililan sarikɔnba kan (LRAC) o 1 ani kisɛ caman sɔrɔla u kɔ.
O yecogo in waleyali b’a to cakɛda in ka se ka sangaɲɔgɔnma saman ka taa a fɛ a toli la ten kan ka taa a fɛ kunnafoniko bolofara caman na.
Nin bonya in ka bɔ Gana jamanakuntigi la, o bɛ dɔ farali kofɔ jamana fila in cɛ jɛkabaara fanga kan ka taa a fɛ, fo ka walangata ka se a ni AES kɔnfederasɔn jamanaw cɛ ma. Gana sago don ka dɛmɛn don u ka basigi ɲɛtaa la.
Jamana dugukolo mumɛ basigili wulikajɔw, yuruguyurugu ani faso nafolo burujali kɛlɛli, sɔrɔ yiriwali, kuranko gɛlɛya furakɛli, dipulomasi ni kɔnfederasɔn sigili ye sahelikungo jamanaw cɛ (AES), ka fara ko wɛrɛw kan, olu kɛra furancɛlafanga jamanakuntigi ka laseli kɔnɔko kunbabaw y.
