Waleya in tara tuma jumɛn na ka fara Mali seko ni dɔnko kan ? Yokoro ye cɛmanninw ta ye, Salawale-wale ye musomanninw ta ye. A bɛ jamana in kɔnɔ a mɛɛna. Denmisɛnninw bɛ yaala k’u kɛ ni sunkalo ye tile 10 sɔrɔ. Kabini saafo mana jigin cɛmanninkuluw walima musomanninkuluw bɛ ɲɔgɔn dalajɛ ka yokorofiniw don, k’u ɲɛdaw koyokoyo ni bugurinjɛ ye, ka dugu bɔlɔnw minɛ ka don du ni du, ka buwati kolonw kɔngɔ ka dɔnkili da ka dɔn cɛ juguw kɛ. O dɔn senfɛ yokoro b’a bin duguma ka ban ka wuli fo ale ka sɔn. Ni fɛn sɔrɔla ka di a ma, a bɛ wuli, ni fɛn yɛrɛ ma sɔrɔ ka di, dugawu bɛ k’u ye, a bɛ wuli, u bɛ bɔ ka taa. Musomanninw fana b’o cogo la ; nka olu tɛ yokorofini don, u t’u ɲɛdaw koyokoyo ni bugurinjɛ ye. U bɛ filen dɔ fa ji la ka galama bila o kan. N’u donna du min kɔnɔ, u bɛ jidunun fɔ ka dɔnkili da ka dɔn kɛ... Dɔkala Yusufu JARA
Dɔkala Yusufu Jara
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Selen Marɔku sibiri su k’a dugu jɛ kari la, degelikaramɔgɔ Tɔmu Sɛnfiye n’a ka cɛdenw y’u ka farifoni balontanko fɔlɔ kɛ ntɛnɛn marisikalo tile 17 san 2025. Cidenkulu mɔgɔ tɔw ka kan ka se Ujuda bi tarata ni Ala sɔnna. Ujuda ye dugu ye, min bɛ Marɔku ni Alizeri dancɛ la.
Kameruni sennantolantan tɔnba (Fecafoot) ɲɛmɔgɔ Samuyɛli Eto’o kɛra Afiriki sennantolantan tɔnba « CAF » ɲɛmɔgɔkulu mɔgɔ ye..
