Laseli in kɛra ORTM na Mali sennantolantan tɔnba (Femafuti) ɲɛmɔgɔ dankan 1lɔ Musa Siliwɛn Jakite fɛ sufɛkunnafoni diwaati la. Bɛliziki jamanaden in jɔyɔrɔ tun ka bon kosɛbɛ sebaaya sɔrɔli la jɔyɔrɔ in ɲininbaa tɔw cɛla. U mɔgɔ 6 de tun b’a la ka Mali Sɛgɛw degelikaramɔgɔya ɲinin. Degelikaramɔgɔ Tɔmu Sɛnfiye lakodɔnna kosɛbɛ a ka baara ɲuman kɛlenw fɛ Afiriki kɔnɔ ani Azi gun kan. A bɔra Ganbi ntolantantɔn kunna zanwuyekalo tɛmɛnnen in na.
A ye kunkɔrɔta sɔrɔ yen : Ganbi sera ka KANI lasɔrɔ siɲɛ fila ka da ɲɔgɔn kan ; n’o tɛ o tun ma deli ka se a janjo la fɔlɔ ; fo a sera karidefinali ma san 2021 KANI na Kameruni. Sanni Tɔmu Sɛnfiye bɛ sugandi ka bila Mali Sɛgɛw kunna, cɛ san 51 in tun bɛ Filipini ntolantantɔn degelikaramɔgɔya la. A ka laɲininw ye ka se ka kɛ sababu ye, Mali Sɛgɛw ka sebaaya sɔrɔ ka se KANI nata in janjo demifinali ma, ani k’u se kupudimɔni nata in fana wicɛmudefinali ma.
Mali sennantolantan tɔnba ɲɛmɔgɔ dankan 1lɔ Musa Siliwɛn Jakite ka fɔ la, u y’u ka dannaya da Tɔmu Sɛnfiye kan, a ka se ka Sɛgɛw lase yɔrɔ jan na fadenkɛnɛw kan. A k’u jigi b’a kan, ko a bɛna kɛ mɔgɔ ye, min bɛna se ka jama fara ɲɔgɔn kan ani ka kɛ hakilitigi ye ntolantantɔn ma.
A k’u ka dugawu b’a ye baara sababtili la a bolo, Maliden miliyɔn 20 ka kunnatigɛ kama. Mali Sɛgɛw bɛ Mozanbiki bisimila juma nata in, sɛtanburukalo tile 6 san 2024 « 26Mars » ntolantankɛnɛ na, sanni a bɛ taa Ɛsiwatini kama ; nka o ntolantan bɛna kɛ Afirikidisidi.
Dɔkala Yusufu JARA
Djeneba BAGAYOGO
-.
U gosira 2-0 Sɛnɛgali fɛ u bɔko fɔlɔ la. O siratigɛ la, Mali ka ko b’a yɛrɛ bolo kari nata in sɛtanburukalo tile 22. A ni Ganbi de bɛna ɲɔgɔn sɔrɔ nɛgɛ kanɲɛ 16 waati la, Mɔrɔbiya Antuwanɛti Tubuman tɔgɔla farikoloɲɛnajɛkɛnɛ na. Ka sɔrɔ kow bɛ sɔn ka nɔgɔya dege.
Afiriki ntolantantɔnw ka ɲɔgɔndanw taali tako filanan daminɛna jumadon. Mali ka cɛbɔ fila, n’o ye Joliba min bɛ ntolantantɔnw ka ŋanaɲinin na ani Sitadimaliyɛn min bɛ kɔnfederasɔn kupu la, u y’u ka balontanw kɛ sibiri tɛmɛnnen in sɛtanburukalo tile 14 san 2024.
O furu suguya in, ni dɔw b’a wele « yɛrɛfuru », a bɛ kɛ tuma caman na, nka a caman fana tɛ mɛɛn si la. Sababuw : bɛnbaliya duw cɛ, furuɲɔgɔn dɔnbaliya a ɲɛma ani kɛlɛ misɛnninw. Furuɲɔgɔn dɔw bɛ bala ko kolonw na ɲɔgɔn na ; i n’a fɔ bana dogolenw, walima jogo kolon.
Ntolantanna 27 welelenw na degelikaramɔgɔ nɔnabila Badara Alu Jalo fɛ, seegin de ma ye. Olu ma se ka ma ka da kun dɔw kan. I n’a fɔ ntolantannaw ɲɛmɔgɔ Hamari Tarawele, Amadu Hayidara n’a bɛ wele Dudu, Nene Dɔrizelɛsi, Masajo Hayidara.
