Taalen ɲεfε, o kɔnfederasɔn bε se ka yεlεma ka kε federasɔn ye. O laɲininba kεrεnkεrεnnen de kεra AES kɔkankow koɲεnabɔ minisiriw ka lajεba fɔlɔ senfε, min daminεna nowanburukalo tile 30 k’a kuncε desanburukalo tile 1lɔ san 2023 Bamakɔ.
Mali, Burukina Faso ani Nizεri kɔkankow koɲεnabɔ minisiriw ka nin lajεba in laɲinin tun ye ka bεnkanw ta AES labaaracogo la, ani k’u kandi sariya wεrε minnu bε sariyaba talen dafa ; ka bεn politiki ni fangakow baara kεtaw mabεnni dabaliw kan AES jamanaw kunkan. Ani fana, ka dabali jɔnjɔnw tigε dɔ farali la Burukina Faso, Mali ani Nizεri doncogo la ɲɔgɔn na ka taa a fε.
Jamana saba ninnu kɔkankow koɲεnabɔ minisiriw ye laseli kε u ka lajεba fɔlɔ kuncεlen jumadon desanburukalo tile 1lɔ. Mali, Burukina Faso ani Nizεri sɔrɔdasiw b’a la ka wasa min sɔrɔ kojugubakε kεlεli la, ani jamanaw lakananni nasira la, minisiriw y’o foli ni tanuni kε. Ka laban ka taasibila kε ka ɲεsin mɔgɔ fεn o fεn ni tora dansagonwalew la sahelikungo kɔnɔ.
Kεrεnkεrεnnenya la, Burukina Faso ni Nizεri kɔkankow koɲεnabɔ minisiriw ye Mali sɔrɔdasiw sεbεkɔrɔba fo, u kεlen ka sebaaya sɔrɔ kojugubakεlaw kan, ka Kidali bɔɔsi u la. O ye fanga segincogo dɔ ye ka sigi Mali fan bεε fε. A fɔlen ko ka AES laɲinniw dayεlε ka kɔkankow minisiriw haminankow ani sɔrɔ yiriwali don a kɔnɔ, o bεnna kɔkankow ɲεnabɔli minisiriw ma kosεbε ; sabula k’o yεrε de ye jamana saba ninnu bεnkan ye ; n'o ye k’u fanga fara ɲɔgɔn kan jε in kɔnɔ.
Kokankow ɲεnabɔ minisiriw ye laɲinin kε, ko ka ba don kɔnseyew, depitew ani jamanakuntigiw, musow, denmisεnw ani mɔgɔ minnu tε politikitɔnw na, u sendonni na AES hakiliaw tali la. U bεnna a kan, ka jamana saba ninnu cε sinsin ka taa a fε, ni politiki ni nafoloko donɲɔgɔnna ye. U bεnna a kan fana, ka Mali, Burukina Faso ani Nizεri fangabulonw cε sankɔrɔta ka se hakε ɲuman ma, jamanadenw b’u yεrε ye min kɔnɔ, ka kεɲε ni jamanakuntigiw ka laɲinin ye.
Ka da nin kow cogoya kan, kεrεnkεrεnnenya la, ko gonin minnu bε u bεε lajεlen kan, ani lafiya ni basigi sabatili, fangako barika, ani nafoloko bilali sira ɲuman kan, o bε sira don politiki faraɲɔgɔnkan ma. Kɔkankow koɲεnabɔ minisiriw ye faamuyali kε jamanaden tɔw ka laɲininw na AES kɔnɔ, k’u bila ka don jan ɲεsigi ; n’o ye Burukina Faso, Mali ani Nizεri ka faraɲɔgɔnkan ye. O siratigε la, u ye laɲinin kε jamana saba ninnu ka kε kɔnfederasɔn ye AES kɔnɔ.
Suleyimani SIDIBE
Et
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
