O la, kupu fila in bɛɛ bonni kɛra bi ye nɛgɛ kanɲɛ 11 waati la, (CAF) dagayɔrɔ la Eziputi. Afiriki ŋanaw ka Ligi la ntolantantɔn 16 minnu ye sebaaya sɔrɔ ɲɛbila ntolantanw na, olu tilala kulu naani ye.
Joliba tun bɛ daga 4 kɔnɔ ka fara MC Alize, Sitadi Abijan (Kɔnɔwari) ani AS Maniyema (RD Kongo). O b’a jira ko Joliba siɲɛ fɔlɔw la, a n’o tɔn si tɛna ɲɔgɔn sɔrɔ, nka a bɛ se ka kɛ kupu in bɛ tɔn min bolo, a n’o bɛ se ka bɛn, n’o Eziputi « Al Ahly » ye, ani ŋana-dankan n’o Ɛsiperansi Tunisi ye, walima Afirikidisidi « Mamelodi Sundowns » ani RD Kongo « Tu-Puwisan Mazɛnbe.
Afiriki ka nin tɔn juguba ninnu bɛɛ tun bɛ daga 1 kɔnɔ. Joliba ni tɔn wɛrɛ minnu bɛ se ka bɛn olu bɛ se ka kɛ Tanzani « Young Africans », Mali jɔkɔlɔsila Jigi Jara ka tɔn, Alizeri « CR Belouizdad », Kasabilanka « Raja » Marɔku, Eziputi « Pyramids », Araba « AS Far » Marɔku, Sudan « Al Hilal Omdurman », Afirikidisidi « Orlando Pirates », Angola «Sagrada Esperança ».
Joliba degelikaramɔg tun ɲɛna ko a bɛ sɔn ka kɛ bonni gɛlɛn ye olu ma, nka, a ye jigisigi kɛ, ko a ka cɛdenw labɛnnen don ka tɔn bɛɛ makɔnɔ. Tako laban de don sa. A kɛra « Al Ahly » min ye kupu in ta siɲɛ 12, « TP Mazembé » min y’a ta siɲɛ 5 walima Tunisi « Espérance » min y’a ta siɲɛ 4, tɔn ninnu si tɛ tɔn denninw ye. A k’u ka laɲinin kɔni ye ka taa ɲɛ dɔrɔn ; degelikaramɔgɔ Dɛnba Mamadu Tarawele ka fɔ la ; ale min kɛra Mali degelikaramɔgɔ fɔlɔ ye ka se Ligi ŋanaw ka kupu kuluntolantan ma.
Fɛn min ye kɔnfederasɔn kupu ye, Sitadimaliyɛn min ye san 2009 ta, ale tun bɛ daga 2 kɔnɔ, ka fara Tunizi « Club sportif sfaxien » Eziputi « Al Masry » ani Kɔnɔwari « Asec Mimosas » kan. O siratigɛ la, Sitadimaliyɛn ni tɔn minnu ka telin ka ɲɔgɔn sɔrɔ, o bɛ se ka kɛ Eziputi « Zamalek », Marɔku « RS Berkane », Alize « USM » (Alizeri), Tanzani « Simba SC », Nizeriya « Enyimba », sɛnɛgali "ASC Jaraaf », Alizeri « CS Constantine », Angola « CD Lunda Sul », Agola « Bravos do Maquis », bɔsiwana « Orapa United », Afirikidisidi « Stellenbosch FC » ani Mozanbiki « Black Bulls ». A ka degelikaramɔgɔ Mamutu Kanɛ y’a jira ko a dalen b’a ka cɛdenw na nin ko in na.
A ko tɔn fitinin tɛ yen tuguni Afiriki kɔnɔ ; nka ko a mana kɛ tɔn fɛn o fɛn ye k’olu kunbɛn, u n’u jilaja ka fɛn jira o la. Sabula k’olu sen bɔra tulon tɔ la kabini karidefinali la kupu tɛmɛnnen na.
Nin kanpa in na, Mamutu Kanɛ « Murule » ka laɲinin ye ka se finali ma. A k’u bɛna u fasaw fili cogoya bɛɛ la, u ka se k’o lasɔrɔ. Hakililajigin na, kupu fila in bɛɛ taaliw tile 1lɔ ye nowanburukalo nata in tile 26 ni 27 ye, kɔmaseginniw n’o ye tile 2nan ye, o ye desanburukalo tile 6 ni 8 ye. U tile 3nan ni taaliw laban ye desanburukalo tile 13 ni 15 ye. A kunnafoni tɔ bɛna dafa kɔfɛ.
Dɔkala Yusufu JARA
Jɛnɛba BAGAYƆGƆ
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
