Kolonεli Asimi Goyita ka fɔ
la, « n’i b’a fε ka koba kε, a kε ko ye, min ɲɔgɔnna tε yen ». Nin ye ko kura ye Mali
tariku kɔnɔ. Sεtanburukalo
tile 25 san 2023, gɔfεrεnaman ka laselisεbεn dɔ
kalanna telewisɔn na, k’a jira ko Faransi cakεda
min bε wele « Idemia », k’o bε ka Mali Arawεki sεbεnbaju jaso k’a
sigi n’a ye. Arawεki lakurayali la san 2022 nowanburukalo la, cakεda in ye
baaraw biisibaasa. A jate bεε sɔgɔra
san 2023 awirilikalo kɔnɔ, u ma se ka
labaara mɔgɔ wεrε fε. O kεra
sababu ye ka kariti NINA sɔrɔli
gεlεya Maliden caman fε. Hali mɔgɔ
minnu si hakε tun sera kariti NINA tali ye, olu tɔgɔw
ma se ka don a sεbεnbaju kɔnɔ kalatasεbεn ka se ka dilan u ye. A bε fɔ sεbεn suguya min ma
« fisi εndiwidiyεli », n’o ye mɔgɔ kelen ta ye, o tun dεsεra ka sɔrɔ.
Fili bε minnu ka jatew la, latilencogo fana tun t’o la.
Walasa ka se
ka fura sɔrɔ kariti NINAko gεlεya la, mara ni desantaralizasɔn minisiriso ye
jεkulu kεrεnkεrεnnen sigi senkan, min mɔgɔ bεε ye Maliden εnfɔrɔmatiki dɔnbaa
ŋanaw ye. Mɔgɔ 13 don. U sera ka jatew tacogo kura dilan waati kuntaala surun
kama. O de y’a to ni Kariti NINA sera ka sɔrɔ hijiden dɔw ye u ka se ka taa
hiji la.
Arawεki jatew
tacogo kura in bε wele « Mali kura biyometiri ». O tɔgɔ in dajirala
jamanakuntigi la a k’a hakilila di a kan. Sabula ale de tun ye laɲinin kε fura
ka sɔrɔ gεlεya la. Mali kura biyometiri dilanna ka kεɲε ni Mali taabolo saba ye,
minnu bε kuntilenna di gɔfεrεnaman ma a ka baara kεtaw la ; n’o ye jamana
ka yεrεmahɔrɔnya bonyani, jamana bε jεɲɔgɔn minnu sugandi ani a ka fεεrεw
bonyani, ani Malidenw haminankow tali ba la bεnkan tataw kɔnɔ.
Mara ni
desantaralizasɔn minisiri ye hakililajigin kε hakilila in buruju kan. A y’a
jira ko poroze in baaraw mabεnbaa Abudulu Karimu Sidibe ye dantigεli kε, gɔfεrεnaman
ka laselisεbεn kalannen kɔfε a don na. O tun y’a fɔ a dɔnbaa dɔ ye, ko Mali
Arawεki sεbεnbaju jasoli k’i sigi n’a ye, o ye maloya ye Mali εnfɔrɔmatigi dɔnbaa
ŋanaw ma. A labanna k’a yεrε kofɔ fura ɲininni na a gεlεya la, fu la hali a tε
wari minε a kunkɔrɔ.
U fasoden ɲuman
damadɔ y’u kε baara satantan in kan. Kasɔrɔ a tun fɔra ko Mali ka sefawari
miliyari 6 de sara walasa a ka se k’a ka Arawεki sεbεnbaju sɔrɔ. Hali o la, a
tun bε se ka kε an sirilen tun bε to o cakεda in na halibi a koɲε dɔw la.
Mali kura
biyometiri ye sεbεn basigilen ye. Yεlεma ɲuman bε se ka don a cogoya la ka taa
a fε ka kεɲε ni waati kɔnɔko ye. Wa cakεda caman bε Mali kɔnɔ, minnu bεna a
nafa bɔ kosεbε. O dɔ ye polisi dɔnniyatigiw, faso ka wariko kunnafoniw ɲεnabɔli
cakεda (Centif), faso nafoloko lakananni jεkuluba, an’a tɔw. Nin bεε bε baara
kε ni hadamadenw bugunnatigε jεlenw ye.
Mali kura
biyometiri ye yεrεmahɔrɔnya sɔrɔlen banbali fura ye. A labaarali ka nɔgɔn an ka
dɔnkotigiw ma kosεbε. A b’an tanga kɔkanmɔgɔw ka dajugukumaw ma. Sεbεnw dilanni
ni sεbεnbaju in jatew ye, o waribɔda ka nɔgɔn ; sabula mako tε jɔ
lisansiko la.
Ɛnfɔrɔmatikiko
ɲεdɔnbaa ŋana minnu ye nin babugubaara in kε, u ɲεmɔgɔ ye Abudulu Karimu Sidibe
ye. Ale de ye baara kεlen in dantigεli kε. Sεbεnbaju tun bε cogo min na kɔrɔlen,
yεlεmani minnu donna a cogoya la, ani a bε se ka yiriwa ka taa a fε cogo min
na, a da sera o bεε ma.
Nin dɔnkojεkulu
in ye baara in waleya kalo 3 kuntaala kɔnɔ. Furancεlafanga jamanakuntigi y’u
jansan ni medayiba ye, min bε wele tubabukan na « sewaliye de lɔrɔduru
nasiyonali du meriti ». Kolonεli Asimi Goyita ka fɔ la, nin kεra yεrεmahɔrɔnya
sɔrɔli daminε ye numerikiko la Mali kɔnɔ. Wa a hami ye yεlεma ɲuman ka don ko tɔw
fana na, min b’a to an b’an ka yεrεmahɔrɔnya sɔrɔ olu la Mali kura jɔli hukumu
kɔnɔ.
Sεki Amadu Ja
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.