Lafasatɔn
tan ni wɔɔrɔ bε Mali baarakεlaw lafasatɔnba UNMT kɔnɔ ;
kunun mεkalo tile 1lɔ san 2024, u tɔndenw sεbεkɔrɔ bɔra jamana fan
bεε fε, ka baarakεlaw tɔgɔladon diɲε kɔnɔ, o laɲεnamaya.
Bamakɔ ta kεra ni yεrεjirataama ye jamana ka hεrεmahɔrɔnya
kεnεba kan. UNTM sekeretεri zenerali Yakuba Katile, gɔfεrεnaman minisiriw, kεrεnkεrεnnenya la baarako,
gɔfεrεnaman
baara ni hadamadenya fɔkabεn minisiri Dr Fasun Kulubali,
bulonba kɔnseyejεkulu, ka fara gɔfεrεnaman mɔgɔ caman wεrεw kan, nin bεε tun b’a kεnε kan.
Bamakɔ
komini 3nan Mεri Madamu Jire Mariyamu Jalo ye hakililajigin kε don
kεrεnkεrεnnen in kunkan, ka sɔrɔ ka foli ni tanuni lase UNTM sekeretεri zenerali
ma a sugandili la ka sigi a yεrε nɔ na tɔnba in kunna. A y’a jira, ko danbe minnu bε donba
in na, o ye dusu, baara kεcogo ɲuman, ɲεtaa, jama haminankow waleyali, ani dɔwεrεw
ye. Nka, o danbe ninnu t’a jira ko ɲinε kεra diɲε gεlεya kɔ,
min b’an bεε da la bi.
UNTM sekeretεri zenerali Yakuba Katile ka fɔ la, kabini san 1989-1990, UNTM ɲεsinnen
bε hadamaden kannabilali ma. A ko mεkalo tile 1lɔ
bε ɲεsin
muso ni cε fla bεε ma ; nka tiɲε yεrε la, nafoloko siratigε la. Fεn min bε san
caman bɔ bi, nka ni waati ni waati ko don, o ye fasoden
ka laɲinin ye tilennenya, kannabila ni damakεɲεni,
ni fasoden wεrεw ye demokarasi matarafali kama mara kεli la jεlenya la baarada
bεε la, min nafa bε a ka ɲεnamaya an’a ka denbaya kan.
Kow cogoya b’a
wajibiya, UNTM sekeretεri k’a fɔ, ko furancεlafanga y’a ŋaniya, ka yiriwali
jusigi ; n’o ye bεn ni hadamadenya basigili ye. O bε mεkalo tile 1lɔ
kuntilenna kofɔ, k’an kεɲε
ni baarako taacogo ye diɲε kɔnɔ.
Yakuba Katile ye jigisigi kuma fɔ. A ko hadamadenya basigili bεnkan ni ɲεtaa,
olu ye Mali kundoni ye bi, k’a bila ka hεrε ɲinin bεε ye, ni fan bεε fana y’a ka wajibikow
matarafa. A da sera UNTM n’a jεɲɔgɔnw ka wulikajɔw ma, mara kεcogo gεlεyaw kεlεli la foroba
cakεdaw la.
I n’a fɔ yεrεsagokε, yuruguyurugu, forobafεnw burujali,
ani dɔwεrεw. O gεlεya ninnu, UNTM n’a jεɲɔgɔn
lafasatɔn tɔw bε wulikajɔw la, ka dan sigi u la pewu. Yakuba Katile ye
foli ni tanuni lase jamana lakananbaaw ma, ka laban k’a ka dannaya da Sahelikungo
jamanaw ka jεkuluba AES kan. O min ye hεrε ye an ka jamanaw makannabila kɔnɔ,
ka kεɲε ni
fasojama ka tigεnkan ye yεrεmahɔrɔnya yεrε-yεrε sɔrɔli la a tariku an’a
sɔrɔfεnw na.
Minisiri Fasun Kulubali fana ye jigisigi kuma fɔ. A ko gɔfεrεnaman ka wulikajɔ tεna kɔtigε hadamadenya basigili bεnkan ni ɲεtaa
waleyali sira fε. O kɔfε, UNTM kɔnɔ lafasatɔnw ye yεrεjirataamaw kε.
Mohamεdi TARAWELE
Dɔkala Yusufu Jara
An ka jamana kɔnɔ, jamana ɲɛmɔgɔw bɛ cɛsiri la balikukalan ɲɛtaa sabatili kama ni lafaamuyali ani kalansow dayɛlɛli ye.
Minisiriw y’u ka laadalatɔnsigi kɛ araba utikalo tile 28 san 2024 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Kolonɛli Asimi Goyita bolo. Don baara kɛta bolodalenw fɛsɛfɛsɛlen kɔ ka bɛn u kan, minisirilajɛ bɛnna sariya dɔw kan ani ka kumaɲɔgɔnya .
Kolonɛli Asimi Goyita ye hakilila falen kɛ n’a ka dunanw ye numerikiko nafaw kan. A ye laadilikanw fana di u ma, sanni a k’a jira u la, ko AES jamanakuntigi bɛɛ ka senkɔrɔmadon bɛ ka taa u ma.
Kolonɛli Asimi Goyita ye hakilila falen kɛ n’a ka dunanw ye numerikiko nafaw kan. A ye laadilikanw fana di u ma, sanni a k’a jira u la, ko AES jamanakuntigi bɛɛ ka senkɔrɔmadon bɛ ka taa u ma.
Sahelikungo jamanaw ka jεkulu (kɔnfederasɔn) sigili senkan, o ɲεbila-poroze ani a jamanakuntigiw ka lajε lataamasariya fεsεfεsεra ka bεn u kan. Sεbεn ninnu donna Mali jamanakuntigi Kolonεli Asimi Goyita, Burukina Faso jamanakuntigi Kapitεni Ibarahimu Tarawele ani Nizεri jamanakuntigi.
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
