Jamana sɛgɛsɛgɛlikɛlaba ka seereyasɛbɛn bɛ yeelen
da foroba nafolo burujali kan baaraw dicogo, u waleyacogo u kɛbaaw fɛ, ani
sariya labatobaliya baaraw dibaaw fɛ. Kɛrɛnkɛrɛnnenya
la, a y’a bolokɔnnin sin lamini, lasaniyali
ani yiriwali kuntaala jan minisiriso ka nafoloko ɲɛmɔgɔso (DFM)
ani Bamakɔ faaba Meriba ma.
Sɛgɛsɛgɛliw ye
majɛ caman jira wariko, baaraw dicogo an’u waleyacogo
la Bamakɔ dugu jɛyali
nasira la. Bakurubafɔ la, a bɛ sɔrɔ tɔpɔtɔcogo jugu
an’a yuruguyuruguli de kofɔ ; ka da a kan foroba nafolo ma labaara jelenya kɔnɔ. Seereyasɛbɛn in ye dajirali kɛ,
k’a jira ko yɛlɛma ɲuman ka kan a don kow kɛcogo la, ka dɔ fara
foroba nafolo kɔlɔsili dabali tigɛlenw
fanga kan, walasa ka se ka jigisigi kɛ mara kɛcogo la ani foroba nafolo tɔpɔtɔtɔli la.
Jamana sɛgɛsɛgɛlikɛlaba ka seereyasɛbɛn kumana baaraw kɛcogo
dusukasiw kan, k’a sababu kɛ mara kɛcogo jugu ye Bamakɔ
Meriba ani DFM fɛ. A kɔlɔsira ko
cakɛda dɔw ye
baaraw waleyali ɲinin ni sɛbɛn
lankolonw ye faso nafolo sɔrɔli kama k’a buruja.
Bamakɔ faaba lɛnpoko cakɛda bolofara 1lɔ ni 4nan fila bɛɛ
y’o waleya in sɛmɛntiya. O b’a jira ko bɛn tun kɛra fɛn o fɛn kan, a
si ma bɔ a sira fɛ. O
namara min kɛra baara kɔnɔ, o nana ni sefawari miliyari 3,33 kunmaniyani ye
faso ma a ka sɔrɔ la. O la, jamana sɛgɛsɛgɛlikɛlaba b’a
wajibiya, kɔlɔsili
fanga ka bonya kosɛbɛ ani ka jɛlenya sabati
baara kɔnɔ, min b’a to nin ɲɔgɔnna dansagonwale kana se ka kɛ tuguni.
Seereyasɛbɛn in bɛ di tuma min na, o y’a sɔrɔ Bamakɔ Meriba tun ye baara di cakɛda minnu ma ; wɔɔrɔ tun ye miliyari 2,26 sara u ka nafolo burujalen
mumɛ na kaban. Cakɛda fila wɛrɛ bɛ yen lamini, lasaniyali ani yiriwali kuntaala jan
minisiriso ka nafoloko ɲɛmɔgɔso ye
baara di minnu ma, olu de tun ma fosi sara u nɔminɛnen don sefawari miliyari 1,07 min na.
Sɛgɛsɛliw bolila dugubaw lasaniyali ɲɛmɔgɔso jɛnna ni
warikosɛbɛn min kɔnɔko ye, o
kan ; kasɔrɔ majɛ caman
b’o jatew la, ka da kɔlɔsilibaliya ani baara kɛcogo jugu kan u waleyabaaw fɛ. A jirala ko furanni hakɛ min kɛra, ɲɛmɔgɔ y’o musakaw sefawari miliyari 5,698 sarali
yamaruya di ten.
O b’a jira ko kɔlɔsili tɛ baara kɔnɔ ;
da mana min fɔ, o wari bɛ sin ka bɔ ka di. Faso nafolo bɛ buruja nin cogo
de la ɲɛmɔgɔw ni baarakɛlaw fɛ. A ɲuman ye ka kɔlɔsili fanga bonya min b’a to dannaya bɛ se ka to fangabulonw kan fasojama fɛ forobafɛn
ladoncogo la.
Jamana sɛgɛsɛgɛlikɛlaba ka seereyasɛbɛn ye yeelen da majɛ
dɔw fana kan foroba nafolo tɔpɔtɔcogo la. O b’a jira ko sariya labatoli ka wajibiya
lamini, lasaniyali ani yiriwali kuntaala jan ka nafoloko ɲɛmɔgɔso kan cakɛdaw
tacogo la damakɛɲɛ kɔnɔ foroba nafolo ka se ka ladon ka ɲɛ.
A ɲininna Bamakɔ Meriba mɛri fɛ, a ka
baaraw dicogo jateminɛ kosɛbɛ. O b’a
to jɛkulu min sigira Mebiba kunnan, o ka se ka baara kɛ ni wasa ye, ka bɛnkansɛbɛnw kɔnɔkow kɔlɔsi, jɛlenya ka don baara kɛcogo
la fasojama ka da ɲɛmɔgɔw la. O
laɲinin ninnu bɛ dɔ fara yɛlɛma ɲuman
donni fanga kan mara kɛcogo la, ka dannaya fana to
fangabulon kan, koɲɛw bɛ min bolo. Majɛ minnu kɔlɔsilen filɛ nafoloko ni baaraw kɛcogo
la, u bɛ jɛlenya
matarafabaliya de kofɔ foroba suguko la.
Sefawari miliyari 1,07 min
burujara k’a sababu kɛ baara sɔrɔli ye ni
sɛbɛn
lankolonw ye, ka fara nɔminɛni kɛlen don
ni miliyari 5,698 min ye, o bɛɛ bɛ foroba nafolo burujali an’a kunmaniyani kofɔ. Nka nin ko ninnu bɛɛ
donna kiiritigilamɔgɔw bolo jamana kiiritigɛso sanfɛdan ka
nafoloko kiiritigɛ bolofara la. A bɛ dabɔ kɔlɔsili gɛrɛntɛli ani mara kɛcogo ɲuman kama foroba nafoloko la.
Kofɔliw jɔyɔrɔ ka bon
kosɛbɛ
yuruguyurugu kɛli la. A b’a to jamana ɲɛmɔgɔw ka se ka dabali jɔnjɔnw tigɛ faso
nafolo tɔpɔtɔko ɲuman
kama, tiɲɛni min kɛra segin
kana k’o ɲɔgɔnna kan.
Dɔkala Yusufu JARA
Amara Bɛni Yaya TARAWELE
Esɔri sɛbɛnnijɛkulu
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
