Mali fagan ani batakiw kanubagaw ni sɔgɔma. Ala ka tile hɛrɛ caya,
ka bɛn don Maliba kɔnɔ. Alamisa zanwuyekalo tile 4 san 2024, ɲɔgɔnye belebeleba
kɛra Timisa kube kɔnɔ. Ɲɔgɔnye kun tun ye bɛn ni lafiya bɛ se ka don Timisa
kube kɔnɔ siyaw ni ɲɔgɔn cɛ cogomin na. O ɲɔgɔnye kɛra Dumakoyi ; o ye Bɔbɔdugu dɔ ye. Kube ɲɛmɔgɔw,
Timisa dugu bi saba n'a bugudaw ka cidenw, musojɛkuluw ani kafoɲɛmɔgɔw tun bɛ kɛnɛ
kan, ka fara faamaw kan.
Liyetinan Alasani Suleyimani Mayiga n'a nɔfεjama mɔbili duuru falen
sɔrɔdasiw la. Bɛɛ nakun tun ye ko kelen ye. Fɔɲɔgɔnkɔ baani u ni ɲɔgɔn cε. Tiɲɛ
fɔra kɛnɛ kan. Sabula waleya jugu caman kεra ka tεmεn : mɔgɔ caman fagara,
caman joginna, caman ka minɛn bɔsira a la sugu siraw la.
Kεlε fanga tun ka bon kosεbε kojugubakεlaw ni donsow cε ; i
n’a fɔ
donso minnu tun bɛ « dananbasagu » la. O dananbasagu kɔnɔ, dɔgɔnɔ de ka
ca.
Timisa kube dugukolo ye bɔbɔw ni dafinw ta ye. Nka dɔgɔnɔ jama ka ca ni
bɔbɔw ni dafinw ye. O
nana bɛnbaliya cooko kube kɔnɔ. O yaafaɲinin de kɛra Dumakuyi. Liyetinan
Alasani Suleyimani Mayiga k'ale ye dɔgɔnɔw sinankun ye. Ale bɛ bila dɔgɔnɔw ɲɛ ka taa yaafa
ɲinin bɔbɔw ni dafin
marakaw fɛ. A kɛra ninsɔndiya dan ye mɔgɔw ni ɲɔgɔn cɛ. Liyetinan y'a jεya jama
ye, ko lakanan tɛ mɔgɔ si bolo jamana kɔnɔ, fo finitigiw.
Amadu Sogo ka bɔ Timisa, Tomiɲan mara la
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.