Kelen si bɛ san 19, kelen dɔ si bɛ san 23 la. Siga kɛlen don u la, k’u ka baara ye ka sira da mɔgɔw ɲɛ k’u bagabaga ni marifa ye, k’u bolofɛnw bɔɔsi u la. U tun lakodɔnnen bɛ ni motow bɔɔsili ye u tigiw la Dawudabugu kɔnɔ ; fo u tun bɛ ka sonjɛkulu dɔ sigi nin waleya jugu in kama. U tun kɛlen bɛ ka sunɔgɔ tigɛ ka bɔ sigidalamɔgɔw ɲɛ na pewu o bɛ waati jan bɔ. Nka an ka nsana dɔ b’a fɔ ko don bɛɛ ye son ta ye, nka don kelen ye fɛntigi ta ye. Tɛgɛ kɛra binkannikɛla fila in na ka taa u datugu kaso la.
Nowanburukalo tile 10 su k’a dugu jɛ a tile 11 na, polisiw ye tɛgɛ k’u la. O su in na, ka M.T ni polisiw ɲɛ kɛra naani ye k’olu fana to u mununmununsaalo la nɛgɛ kanɲɛ 3 fanfɛlaw la. A tun bɛ moto kura dɔ kan. Nka a kɛcogo ma polisiw diya, sabula a y’a ɲinin ka taa ka bɔ u ɲɛkɔrɔ teliya la. Nka polisiw fana teliyar n’ale ye. U ye goro k’a la k’a mɔmɔ, ka marifa dɔ sɔrɔ a kun. O tun ye farafin marifa pisitole dɔ ye. U taara n’a ye u dagayɔrɔ la ka ɲininkaliw k’a la.
A ma fila kɛ, a sinna k’a jɛɲɔgɔn K.D kofɔ. Dugu jɛlen u taara o minɛ. O fana ɲininkalen jɔra a ni MT ka jɛɲɔgɔnya la sonyani sira fɛ. A y’a jira k’u ye binkanniwale caman kɛ ɲɔgɔn fɛ Dawudabugu n’a lamini na, wa k’u ni sonjɛkulu wɛrɛw mɔgɔw ye ko caman kɛ. Ninnu tun bɛ seereyaw bɔ polisiw bolo, k’u bila ka taa kaso la, u ka koɲɛ ka don kirritigɛlaw bolo.
Dɔkala Yusufu JARA
Tanba KAMARA
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
