Minisiriɲɛmɔgɔya jɔyɔrɔ latɛmɛnni lajɛ kɛra bonya ni karaama kɔnɔ u mɔgɔ fila cɛ. A ɲɛmɔgɔya tun bɛ gɔfɛrɛnaman ani minisirilajɛ sekeretɛri zenerali Matiyasi Tarawele bolo.
Jɔyɔrɔ latɛmɛnnen ka sigili kɛ, minisiriɲɛmɔgɔ kura ye foli ni tanuni lase Burukina Faso jamanakuntigi Kapitɛni Ibarahimu Tarawele ma k’a waleɲumandɔn dannaya dali la ale kan ka nin ɲɔgɔnna jɔyɔrɔba kalifa a ma. A y’a jira ko a fana kun bɛ dannaya kura in kɔrɔ. A labanna ka foli di minisiriɲɛmɔgɔ kɔrɔ in ma a ka baara kɛlenw na.
Irimutaliba Zan Emanuyɛli Wedarawogo ka kɔrɔfɔ kɔnɔ, a ko « ne bɛna baara ta gɔfɛrɛnaman ɲɛmɔgɔya la waati la, waati min, faso jɔli baara suguya caman bɛ sen na, jigisigi kɛli la fasojama ye u haminankow tali la ba la.
A disidakow ka ca : basigiko, kɛnɛyako, kalanko, dunkafa sabatiliko ani sirako n’a tɔw. Ne bɛna baara ta nin gɛlɛyaw kɔnɔ, ka kɛlɛ kɛ ani ka yiriwali baaraw sennaminɛ hɛrɛ sɔrɔli kama nafoloko ni hadamadenya nasira la ».
Yecogo la, a bɛ dɔn k’a fana dalen don a yɛrɛ la ; sabula a y’a kandi ko a bɛna gɔfɛrɛnaman wuli ka jɔ jamanakuntigi ka kuntilennasɛbɛn kɔnɔko weleyali sennateliyali kama.
Minisiriɲɛmɔgɔ kura in ko ka kɛɲɛ ni sisan gɛlɛyaw cogoya ye, an ka kan k’an fangaw walangata ka se dakun bɛɛ ma, walasa k’an ka jamana ka muɲun ni nɔrɔnkola ani fasojama ka tigɛnkan, k’olu jira diɲɛmaa na kɛlɛ sebaaya sɔrɔli kama kojugubakɛlaw kan an’an ka yɛrɛmahɔrɔnya yɛrɛ-yɛrɛ sɔrɔli kama.
O siratigɛ la, baara kɛta ka ca ; nka a ko siga t’a la n’an tarala u matarafali la, an bɛɛ k’an kandi ani ka tigɛ a kan, ni Ala sɔnna an fanga bɛ se ko la ni jaabi ɲumanw sɔrɔli ye Burukina fasojama ka hɛrɛko la.
Minisiriɲɛmɔgɔ kɔrɔ Dr Apolinɛri Jowasimusɔn Kiyelɛmu de Tanbɛla ye foli ni tanuni lase Burukina Faso jamanakuntigi ma dannaya dali la ale kan k’a bila gɔfɛrɛnaman ɲɛfɛ waati dɔ kɔnɔ, ani ka foli di a ka gɔfɛrɛnaman minisiri bɛɛ ma a dɛmɛnni na a jɔyɔrɔ baaraw la.
A labanna ka foli lase a nɔnabilabaa in ma u ka jɛkabaara kosɔn kabini san 2022. Baara kɛta minnu sennaminɛnen don ka kɛɲɛ ni u ka furancɛlafanga karankow ye nin waati in na, a y’olu fana dantigɛ a ye, n’o ye basigiko, jamana jɔli kura baara minnu bɛ sen na ani AES kɔnfederasɔn sinsinni saheli kungo kɔnɔ.
Dɔkala Yusufu JARA
Abubakari TARAWELE
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
