Mali ntolantanna minnu tɛ ntolantan na kɔkan, olu degelikaramɔgɔ Bayi Ba ye wele bila ntolantanna 30 ma D1 ani D2 kɔnɔ k’u fara ɲɔgɔn kan. O b’a jira k’u ye labɛn labanw daminɛ « CHAN » ɲɛbila ntolantanw kama sanni u bɛ taa Nuwasɔti alamisa desanburukalo tile 19 nata in na. Ntolantannaw dalajɛli Kabala, o tun ye wajibi ye ; sabula u hakɛ tun ma se ka dafa fɔlɔ k’a sababu kɛ Mali ntolantantɔnw ka ŋana ɲinin daminɛni ani Afiriki tɔnw ka kupu ɲɔgɔndanw ye.
Degelikaramɔgɔ ka fɔ la, sisan ntolantanna caman bɛ a bolo kɔrɔ, nka halibi jama ma dafa, ka da a kan Sitadimaliyɛn ni Joliba bɛ Afiriki tɔnw ka kupu ɲɔgɔndanw na. O siratigɛ la u bɛ labɛnw na tile 3nan ntolantanw kama kari nata in, desanburukalo tile 15. O b’a jira k’olu ka ntolantannaw tɛna se ka lasɔrɔ yanni o don fɔlen in ka tɛmɛn, n’o ye tile 4 ye ka kɔn taali ɲɛ Nuwasɔti. Bayi Ba ye foli di denmisɛnya ni farikoloɲɛnajɛ minisiri ani Mali sennantolantan tɔnba ma ntolantannaw dalajɛli la yɔrɔnin kelen na, baara ka se ka nɔgɔya a bolo.
A k’u yamaruyalen don ni farifoni kɛko fila ye tile kɔnɔ, kasɔrɔ o tun tɛ lasɔrɔ fɔlɔ. Wa k’u tun tɛ se ka farifoni fosi kɛ k’a sababu kɛ balontannaw farali ɲɔgɔn kan, o gɛlɛyaw ye. Laɲinin ye sebaaya sɔrɔli ye Nuwasɔti ka segin ni jaabi ɲuman ye, wa k’a ɲinin fana ka sebaaya wɛrɛ sɔrɔ Bamakɔ yan ; nka Bayi Ba bɛna taa Moritanitaa la ni balontanna 21 ye.
Mali ma wajibiya tako fɔlɔ ntolantanw kɛli la ; nka a bɛ sebaaya sɔrɔli balontanw kɛ Moritani fɛ. « CHAN » yɛrɛ bɛ daminɛ feburuyekalo tile 1lɔ k’a kuncɛ a tile 28 san 2025. A labɛnw kɛbaa ye jamana saba ye : Keniya, Uganda ani Tanzani.
Dɔkala Yusufu JARA
Jɛnɛba BAGAYƆGƆ
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
