Tasuma wulila ka buulubɔ
ka fan caman lasɔrɔ
teliya la : bitikiw, gaw ani sonin turulenw. Hali mangasnin minnu bε
kεrεdaw fε, a ma nin si to. Mɔgɔ kɔni
ni ma to a la ; nka minεn caman sisira. Mangasa jeninnen hakε bε bi saba
ni kɔ bɔ.
Sugu yɔrɔkɔlɔsila
dɔ ka fɔ
la, tasuma in wulila sufεnεgε kanɲε
12 masurunna na ; nka a ma se k’a sababu dɔn.
Kabini wele sera siwiliw lakananni cakεda ma, o cεdenw ye kεnε sεgεrε. U ye
lεrε caman sɔrɔ
tasuma in kan k’a faga. An bε se yen kunnafoniɲinin
na tuma mi na, o y’a sɔrɔ
sapεri pɔnpiye mɔbili
duuru bε yen. U tun bε ka koorilamini dɔ
ci mɔgɔ
gansan kana se yen, walasa u na se ka fεrε u ka baara ma.
Fεn minnu jeninna, olu sisikasa tun bε ka fan bεε
labɔ. Jagokεlaw
tun b’a la k’u bolofεn ɲuman
kelen-kelenw sama ka bɔ
ka da kεrεw fε ; o y’a sɔrɔ
tasuma sisi bε ka mɔgɔ
minnu kirin, sapεri pɔnpiye
mɔgɔw
b’a la k’u wasa don olu la. O waati kelen na, lakalitaɲininnaw
bε ka jaw ta u ka telefɔniw
na. Sonw fana ka telin k’u dεn-dεn jama senkɔrɔ
nin ko suguyaw senfε.
Usumani Tesuke ye jagokεla ye tasuma in ye tiɲεni
don min kun kosεbε. A ma to a ka nisɔngoya
jirabali ye. A ka fɔ
la, mɔgɔ
b’u la, tasuma ma hali da kelen bila u bolofεnw na u ka mangasaw kɔnɔ. Madu
ye pano solεriw feerebaa ye ; ale ka fɔ
la, hali miseli ma bɔ
ale ka yɔrɔ
la. A bεε jeninna. An bε nin kunnafoni sεbεn waati min na, o y’a sɔrɔ
tasuma in sababu ma dɔn
fɔlɔ.
Fadi SISE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
