Sugudonyaw fε,
sugudenw bε na wotorow la ka caya. U n’u ka feerefεnw ni feerelikεminεn bεε bε
don o wotorow kɔnɔ ka na. O yɔrɔ bεna ni so sendonkow kofɔli ye San kow la. So
ye dafεn ye, min jɔyɔrɔ ka bon kosεbε yenkaw ka baaraw la. Sankaw fε yan, sεnε
bε kε ni so ye, dugutaaw bε kε n’a ye ; ani fεn suguya wεrεw.
Ntεnεn sɔgɔma
fε, sugudenw natɔ, i bε wotoro caman de tugu-tugulen ye ɲɔgɔn kɔ. U segintɔ
fana b’o cogo kelen na wula fε, ka taa so. Fεn suguya caman bε sɔrɔ San sugu
la : ɲɔ, malo, fini, jεgε…
Sankaw ka
ntalen dɔ bε yen, ko « Maa de bε na anw ka so, anw tε taa maa ka so, malo
bε jε la, jεgε bε Sankε ». Ne fε, o ntalen bε dunkafa kofɔ San.
Sankaw ka ɲεnajεkoba
dɔ ye u ka Sankε dalaba mɔnni ye, u bε min gintan wele Sankεmɔn. A dala in mɔnni
ye laadalakoba ye San n’a lamini bolo. U b’a mɔnko kelen laada sigi san o san
samiyεdonda fε. A bε kε gintan dan bεε ye. San 2017 Sankεmɔn kεra mεkalo tile 15. O tun y’a tako 617nan ye kabini San dugu
sigira. San dafεdugu bεε bε na. Yanni a waati ka se, Kɔtigiw bε kɔ datugu.
A tε bεn mɔgɔ
si ka kɔ in mɔn sanni a mɔndonba ka se. U b’a fɔ ko kɔ donna tɔn na. Sankεmɔn
fini bε bɔ maaakɔrɔbaw ni denmisεnw kama. Mɔgɔ bεε b’a san. Mɔgɔw bε jɔw san
kosεbε. Kɔmɔn don sufε, mɔgɔw bε aa foli kε dugu dɔ la ; min bε wele Tεrεkungo.
U mana bɔ yen, u bε taa Paranna ka su kε ɲεnajε la yen. Kɔmɔn don sɔgɔma, dugu
bε fa dugulenw ani dunanw na. Mɔgɔw bε kε ɲεnajε la fan bεε fε.
Sankaden minnu
bε San kɔnɔ ani dugu wεrεw la, a caman bε na Sankεmɔn na. Mɔgɔw bε taa ɲεnajε
la kɔlɔnba da la. U mana bɔ yen, u bε taa foli kε dugutigi fε yen, ka dεgε min
yen.
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
