Lajɛ senfɛ, kolatigɛkulu jɛnna ni san 2024 baara kɛlenw seereyasɛbɛn kɔnɔko ye ani ka san 2025 baarakɛnafolo bolodalen (PTBA) fɛsɛfɛsɛ ka jɛn n’o fana ye. Bankimɔnjali y’a jirali min kɛ ko a ma fiɲɛ y’u ka baara la, u y’o sɛbɛn in fana fɛsɛfɛsɛ ka jɛn n’o kɔnɔko ye u ni ɲɔgɔn cɛ wariko bɛnkan siratigɛ la. Baara sɔrɔ n’a musaka ɲɛsigilen latilennen sefawari miliyari 14,077 la, poroze sera ka miliyari 4,846 labaara kaban ; n’o ye 34,43% waleyalen ye. O hakɛ in bɛ sɔn ka se 75% ma san 2024 in desanburukalo tile 31 ni baara kɛta kuraw daminɛni ye Ofisidinizɛri kɔnɔ ani senkɔrɔ-porozew waleyali. Lamini, lasaniyali ani yiriwali kuntaala jan minisiri y’a jira ko a tɛ tɛmɛn kalo tan baara kan fɔlɔ, « PRTD » ye ɲɛtaaw sɔrɔ a ka baaraw la. O jaabi ɲumanw na, an bɛ se ka karamgɔ 137 kalanni kofɔ nafoloko, hadamadenya ani seko ni dɔnko yiriwali (PDSEC) baarabolodalen bilasiralisɛbɛn labɛnni kan, ani mɔgɔ 150 wɛrɛ kalanni, 142 b’olu cɛla minnu y’o kalanw dɔnniyaw sɔrɔli yamaruyasɛbɛnw sɔrɔ, ani seegin b’u cɛla minnu ye dipulomasi faamuyali dɔnniyaw sɔrɔ, ani fana, kalan fɛɛrɛ dɔ labɛnni ka jɛn n’o ye, min ɲɛsinnen don mɔgɔ 600 ɲɔgɔnna ma n’a musaka bɛ se sefawari miliyɔn 500 ma. Baara suguya wɛrɛ minnu waleyara poroze fɛ, o dɔ ye bolonɔ bilali ye bɛnkansɛbɛnw na baaraba dɔ waleyali kama Moti mara kɔnɔ, koɲɛɲininbaara minnu bɛ sen na, k’o ɲɛbila poroze fɛɛrɛw mabɛn ni waati ye (APD) ani sɛgɛsɛgɛli baaraw kɔlɔlɔ kan lamini ani hadamadenya kan Sanke kɔ lakurayaliko la, marayɔrɔ dɛmɛnni cakɛda naani sigili senkan poroze fɛ ji ni kungo lakananbaaw ɲɛmɔgɔsow la Kayi, Kulukɔrɔ, Segu ani Moti maraw kɔnɔ. Ka fara siti wɛbu dɔ sigili la senkan kɔlɔsili ni kiimɛni kɛcogo kama ɛntɛrinɛti fɛ. Madamu Dunbiya Mariyamu Tangara y’a jira, ko PTBA san 2025 poroze labɛnna ni baara suguya caman kɛli fɛɛrɛkulu mɔgɔw ye. PTBA san 2024 kiimɛni, kolatigɛkulu ka kuntilenna jɔnjɔnw, kuncɛliw ani bankimɔnjali ka fɛɛrɛladɛmɛn ci laban tɛmɛnnen in laɲininw fana b’o la. Minisiri ka fɔ la, o bɛna kɛ bolodali ni poroze tɔpɔtɔli baarakɛminɛn ye. O la, a bɛna kɛ musakali bɛnkan ye ka musaka kɛlenw sɛmɛntiya. Ka jigisigi di waleya kɛlenw ɲɛni kɔlɔlɔw ma k’a sababu kɛ poroze ɲɛtaa sɔrɔlenw kɔlɔsili tugulen ye. PRTD baaraw mabɛnbaa ye ɲɛfɔli kɛ, k’a jira ko nin poroze in ye furancɛlafanga ɲɛmɔgɔw ka hakilila ye. A musaka dibaa ye bankimɔnjali ye san wolonwula kuntaala (2024- 2030) kama. Dɔkala Yusufu JARA Aminata JARA
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
