Dugumɛnɛ sima ninnu bɛ caya cogo di ka yɔrɔ bɛɛ labɔ ? I b’a muso
kelen b’u cɛla min bɛ den caman sɔrɔ, nka cɛ kelen de b’a gosi, n’a ye kɔnɔ sɔrɔ
dɔrɔn o ka baara banna, o bɛ sa.
Bamakɔ falen don bi dugumɛnɛ sima na. Muso motobolila dɔ tun bɛna kasara sɔrɔ
bawo dugumɛnɛ sima y’a cin k’a to motoboli la, ale y’o yɔrɔ siɲɛ k’a to siraba
kan. Suguw kɔnɔ, cɛ fara muso kan, bɛɛ bɛ k’a yɛrɛ ɲini nin fɛnɲɛnamanin ninnu
bolo.
Nka dugumɛnɛcinda in tɛ bana bila mɔgɔ la. I cintɔla, a bɛ digi i la haali.
O kɔfɛ, cinnida in b’i sɛbɛkɔrɔ ŋɛɲɛ, nk’a kuntaala tɛ janya.
Dugumɛnɛ sima bɔli ye waatilako ye, a bɛ bɔ samiyɛ bantɔla, nk’u camanba de
bɛ poyi poyi fan bɛɛ, ka bɔ dingɛninw kɔnɔ, kaman b’u la, u bɛ pan, ka mɔgɔw
cin fan bɛɛ. Denmisɛnninw ni musomisɛnnin caman bɛ kule u bolo.
Dɔgɔtɔrɔw y’a jira k’an bɛ se k’an yɛrɛ tanga u ma ni tulu suguya dɔw munni
ye minnu kasa b’u gɛn, nk’u tɛ bana kɛrɛnkɛrɛnnen si bila mɔgɔ la.
Mayimuna So, Mahamadu Kɔnta
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
