Kunnafoni lasera juma tɛmɛnnen in, kunnafonidilajɛ dɔ senfɛ burusi di tarawayi la jumadon. A kɔrɔfɔtigiw tun ye Fekola S.A (Synacome) sekeretɛri zenerali Musa Jara ani Fekolo S.A lafasalitɔn warimarala Siyaka Samakɛ. A ko in, sekeretɛri zenerali ka fɔ la, a daminɛna ni baarakɛlaw ka faamuyali (ewaluyasɔn de pɛrifɔrimansi) hakɛ kiimɛni galabalen ye. Kiimɛnikɛla ye kuru bɛrɛmakɛɲɛ dugumadan kɛ 13/20 ye, ka dugujukɔrɔfɛnko bɛnkanw sɔsɔ. O min b’a wajibiya ko walasa i ka se ka wasa sɔrɔ kiimɛni na ka tɛmɛn ni baara kɛli ye, fo i ka kuru kɛrɛmakɛɲɛ ka se 14/20» ma.
Musa Jara ka fɔ la, a bɛ kalo duuru bɔ u bɛ ka fɔkabɛn ɲinin cakɛda in fɛ ka dɛsɛ. A laban na, lafasalitɔn ye baarabilasɛbɛn ladon, ka sudali kɛ, ani ka dɔ bɔ baara kɛta hakɛ la baarakɛlaw bolo fɔlɔ, k’u ka nisɔngoya jira. U labanna ka don kelen kɛ sigili la baara da la u ma baara kɛ, min b’a to u bɛ se ka ɲangiliw wuli ka bɔ baarakɛla 100 ni kɔ bɔnɛnenw kan fu la ten. A kɔlɔsira ko siyawoloma bɛ cakɛda in ɲɛmɔgɔ la ka mɔgɔw galabu kari ; wa baarakɛlaw ɲɛmɔgɔ fana tɛ baarakɛla bɛɛ minɛ cogoya kelen na ; ɲɛnawolomani b’ale fanfɛ.
Lafasalitɔn ka fɔ la, hali ni cakɛda ɲɛmɔgɔba ye layidu ta ko a tɛna baarakɛlaw ɲangi, an kɔni balala k’a ye ɲangilibere dara mɔgɔ caman kun. A dɔw ka bɛnkansɛbɛn waleyali lajɔra, ka cakɛda yɛrɛ kɔnɔnasariya sɔsɔ. Lafasalitɔn in warimarala fana y’o kuma kelen de fɔ. A ko a ka ca ni baarakɛla 600 ye, sɛbɛn donna minnu bolo k’a ɲinin u fɛ u ka ɲɛfɔli kɛ nin ko in na.
Baarakɛlaw ka laɲininw ye minnu ka baara waleyali bɛnkansɛbɛnw lajɔra, k’o wuli ka bɔ yen, ani ladamuni ɲangili minnu bolodalen don k’olu fana bɔ a ma, u ma baarakɛla minnu ta sariya kɔkan, k’olu ka koɲɛ latɛmɛn Fekola S.A ka mɔgɔta cakɛda ma. Ani fana, ka dugujukɔrɔfɛnko sariya labato ; kɛrɛnkɛrɛnnenya la baarakɛlaw ka faamuyali hakɛ kiimɛni na.
(Synacome) b’a wajibiya fana, lafasalitɔnko kannabila ka labato, ka kɛɲɛ jamana ani diɲɛ bɛnkan ye ; bɛnkan minnu b’u cɛ k’olu filiw latilen ; kɛrɛnkɛrɛnnenya la, saraw cogoya k’o sariyasɛbɛn bila baarakɛlaw ka bolo kan jɛlenya la, ani ka pirimuw kunkanko baara tɔ laban ka fara baarako la basigi kan. U ka laɲinin dɔ fana ye ka sɛgɛsɛgɛli kɛ teliya la cakɛda la, mɔgɔ minnu talen don baara la dogo la, olu bugunnatigɛ kan ; walasa minnu kɛwale jugu b’o la, o ka dɔn k’a tigiw an’u dɛmɛnbaaw ɲangi, ka fara cakɛda ɲɛmɔgɔ minnu fana sen mana ye a la.
Dɔkala Yusufu JARA
Baba KULUBALI
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
