Joli lasiyayɔrɔ saba bεna sɔrɔ sɔɔnin kɔmɔkilibanabaatɔw ka lafiya kama. K’a sababu kε furancεlafanga
jamanakuntigi Kolonεli Asimi Goyita ka hadamadenya sabatili waleyaw ye. A bε
dabɔ ka kεnεyasow
sɔrɔ bolo kɔrɔ banabaatɔw mako bε se ka ɲε yɔrɔ minnu na.
O hukumu kɔnɔ jamanakuntigi ka hadamadenya sabatili jεkulu taara a ɲε da Karicemali Bamakɔ komini 5nan na, Lafiyabugu Bamakɔ komini 4nan na ani Zeni militεri joli lasiyayɔrɔ kuraw kan.
Baarakεminεn nafamaw b’u kɔnɔ, zeneratεri
13 b’o la ; n’o ye kurandilanw ye. Jama
bisimilayɔrɔ saba-saba, joli lasaniyayɔrɔ kelen, banabaatɔw kɔlɔsiliyɔrɔ kelen, maabaw bisimilayɔrɔ (VIP) kelen, katetεriso kelen, banabaatɔ gεlεnw dayɔrɔ kelen, baarakεbirow, ji nɔgɔw ladonyɔrɔ, dɔgɔtɔrɔ kɔlɔsilikεlaw siyɔrɔw ani mangasaw ani kafeminyɔrɔ b’a bεε kɔnɔ.
Kunnafoni duman wεrε ye min ye nin bεε kɔfε, yɔrɔw ka bon, dɔ bε se ka fara baarakεyɔrɔ kofɔlenw kan. Sigilan fεn o fεn b’u kɔnɔ ninakilifiɲε ɲuman dulonyɔrɔ b’a bεε la. A bεna a to joli lasiyayɔrɔ damadɔnin min bε yen, o jama ka tila yɔrɔw cε kɔmɔkilibanabaatɔw ka lafiya sɔrɔli kama.
Kapitεni Sa n’a bε wele Baba Kulubali, o ye kɔmɔkilibana furakεla ye Zeni militεri kεnεyaso la. Ale
y’a jira ko nin joli lasiyayɔrɔ kura ninnu bεna se k’a to u ka a banabaatɔ caman mako ɲε ; sabula a hakε tun ka dɔgɔ kosεbε Mali kɔnɔ.
A b’a to fana lakananbaa fara siwili kan, u ka se k’u wasa don a bεε la. Kεnεyaso
ninnu jɔra ka ban, a tɔ ye b’u baara daminε. Baarakεminεn nafama minnu don, u
ɲɔgɔn ka dɔgɔ Afiriki tilebinyanfan fε. Nin y’a siɲε fɔlɔ fana ye Mali k’u sɔrɔ. A kεnεyaso kelen o kelen joli lasaniyabaa kelen an’a
dεmεnbaa furakεlikεlaw don.
Dr Sanba Konatε ye kɔmɔkilibana furakεbaa ye Lafiyabugu kεnεyaso la. O fana
seginna o kuma kelen kan. A ko ni nin minεn suguya ninnu tε, kɔmɔkilibana furakεli ka gεlεn, a ɲε ka misεn. A ko olu dan tun ye u seko ye n’u bolokɔrɔ minεnw ye. Lafiyabugu kεnεyaso furakεlikεla in ka fɔ la, olu bεna baara in daminε ni sigidama fila ye tile
kɔnɔ fɔlɔ (o bε bεn banabaatɔ 14 fo 22 tali ma). Nka taalen ɲεfε, dɔ bεna se ka fara o hakε kan
Fatumata NAFO
Dɔkala yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
