Diɲε tɔnba
ka basigi sabatilijεkulu ka sayira 2690 min tara san 2023 in kɔnɔ,
o waleyali siratigε la, bi, nowanburukalo tile 14 san 2023, Ala barika la, ka
da jamana sɔrɔdasiw ka cεsiri
ni dusu kan, pankurunw tun b’a la ka juguw bon, o bε tile damadɔ
bɔ. O kεra sababu ye k’u mako sa bɔgɔbɔgɔ.
Jamanakuntigi
ka fɔ la, bi, an ka sɔrɔdasiw ni lakananbaa tɔ bεε, u sera k’u tεgε da Kidali
dugu kan. Nka, a ko u ka baara ma dagu fɔlɔ. Hakililajigin na, ko laɲinin ye ka
se ka jamana dugukolo mumε bɔɔsi juguw la k’a lakanan ka bɔ u mantɔɔrɔ ma,
wolomani tεna kε baara kɔnɔ. A bεε bεna kε ka kεɲε ni basigi sabatilijεkulu ka
dantigεcogo ye.
Jamanakuntigi
ko a bε segin ka taasibila kε ka ɲεsin mɔgɔ o mɔgɔ, siwili fara lakananbaa kan,
minnu ni tora jamana kunmabɔli kεlεw la. Ka hakililajigin kε fana, ko nin baara
ma dabɔ ŋaniya wεrε si kama, ni jamana kelenya sabatili tε : jamana kelen,
a tε tila abada. Wa kun wεrε fana t’a wulikajɔw la ni kojugubakε kεlεli tε, ani
an ka jamana basigili.
O de kosɔn
baara kεtaw senkɔrɔma donnen don jamanaden mumε fε. Don nataw la jamana
lakananbaaw bεna tεmεn ni kunmabɔli kεlε tɔw ye, Maliden bεε ka dannaya toli la
u kan.
A ko fεn min
ye nin sebaaya in sababuya, o dɔ ye tin min bε jamanadenw cε. Sabula wasa sɔrɔli
nin ko suguyaw la, o bε bɔ dugawu la jamana lakananbaaw kan. An bε lajεlen sen
bε Mali kura jɔli la. Ala ka duga Mali ani Maliden bεε ye.
Dɔkala Yusufu Jara
Muso dɔw furucε mana fatu, jogo jugu suguya bεε dɔ bε tigε ka da u la sigi kɔnɔ. A caman bε bila u yεrε la denbaya doni tali la, u bε don baara suguya caman dafε. A dɔw yεrε bε wulikajɔ suguya bεε dɔ kε cε fatulen, walasa ka se ka don mɔgɔ tɔw la, ani ka se k’u ka baaraw.
Saya in kεra Bamakɔ komini 4nan kɔnɔ Hamudalayi. Dalamankan dɔ wulila minnikεla fila cε baari kɔnɔ, min labanna saya la. Kunnafoniw y’a jira, ko I.D ye K.T sɔgɔ ni buteliwalo ye a ka dɔlɔ tɔ nɔfε ; a ni tora o la..
Kidali dugu bɔɔsilen kɔ kojugubakεlaw n’u dεmεnbaaw la Mali sɔrɔdasiw fε tarata tεmεnnen in, gɔfεrεnaman ye wele bila yεrεkunkalifala bεε ma, jamana kɔnɔ an’a kɔkan, u ka kɔsegin u ka so..
Ninnikεlaw, kunnafonidilaw, sannayεlεnkalandenw, gɔfεrεnaman tɔgɔla jɔyɔrɔbatigiw, mɔgɔ minnu tε politikitɔnw mɔgɔ ye, fεεrεko ɲεɲininni cakεda kɔkankow ni diɲε tɔnbaw cε koɲεnabɔ minisiriso la, o ye wele min da hakilijakabɔko la, u bεε y’o jaabi.
Jamanakuntigi Kolonεli Asimi Goyita ye denmisεnw ka sɔrɔdasiya kalan kalandenkulu 4nan bɔli lajε ɲεmɔgɔya kε. A y’a jira k’u bεna dɔ fara fasoden ɲuman hakε kan jamana ka fεεrε bolodalenw waleyali siratigε la lakananni hukumu kɔnɔ..
Jamanakuntigi Kolonεli Asimi Goyita ye denmisεnw ka sɔrɔdasiya kalan kalandenkulu 4nan bɔli lajε ɲεmɔgɔya kε. A y’a jira k’u bεna dɔ fara fasoden ɲuman hakε kan jamana ka fεεrε bolodalenw waleyali siratigε la lakananni hukumu kɔnɔ..
