Poroze
min ɲεsinnen
bε gɔfεrεnaman ani sigidaw baarakεlaw hakε jateminεni ma (SIGRH), o waleyali
hukumu kɔnɔ,
jamana jɔli
kura minisiriso ye lajε boloda ɔkutɔburukalo tile 17 ka se a tile 20 san 2023 (CICB)
la Bamakɔ taratadon. A
baaraw daminεni ɲεmɔgɔya tun bε jamana jɔli
kura minisiriso sekeretεri zenerali Abarahamu Bεngali bolo. Ale de ye baara in
kolabεnjεkulu ɲεmɔgɔ fana ye.
Gɔfεrεnaman
ka baarabolodalen (PAG) kɔnɔko dɔ ye poroze (SIGRH) ye, fangabulonw yiriwali
siratigε la. Jamana sigikafɔba min fana kεra, o laɲininw
dɔ
don jamana jɔli kura la. Poroze in laɲinin
ye gɔfεrεnaman
ani sigidaw tɔgɔla baarakεlaw hakε ka dɔn
a ɲεma,
O b’a to saraw hakε fana ka dɔn. Baarakow cogoya fana bε se ka dɔn
o la seko kunda.
Poroze
in ɲεmɔgɔya
bε jɔsen
fila bolo : fεεrεjεkulu min ɲεsinnen bε kuntilenadi ma (COS) n’a ɲεmɔgɔ
ye jamana jɔli
kura minisiri ye, sigidaw cakεdaɲεmɔgɔw, nafoloko ni wariko minisiriso mɔgɔw,
gɔfεrεnaman
baarako ani kalanko mɔgɔw, ka fara jamana basigili cakεda ɲεmɔgɔba
kan, olu b’o kulu kɔnɔ. Fεεrεjεkulu min ɲεsinnen
bε waleyali ma (CTE), o mɔgɔw bε jεkulu misεnnin caman na. Olu de bε (COS)
bεnkanw waleya. A ɲεmɔgɔ ye jamana jɔli kura minisiriso sekeretεri zenerali ye.
Gɔfεrεnaan
ani sigidaw baarakεlaw hakε dɔnni, o baaraw foroba daminεni ye ɔkutɔburukalo
tile 26 nata ye Segu, minisiriɲεmɔgɔ Dr Sogεli Kokala Mayiga ka ɲεmɔgɔya
kɔnɔ. Jamana
jɔli
kura minisiriso sekeretεri zenerali ka dantigεli kɔrɔfɔw
la, a ye hakili jigin kε, ko baara in nun donna kabini san 2022 mεkalo tile 24
furancεlafanga jamanakuntigi Kolonεli Asimi Goyita fε. O don ni bi cε baara dɔw
waleyara. I n’a fɔ baarakεlaw hakε jateli.
Abarahamu Bεngali ka fɔ la, o dakun in waleyali sera k’a to gɔfεrεnaman
ani sigidaw baarakεla hakε ka se ka dɔn. A dakun filanan bεna kε mɔgɔw
bugunnatigεw dɔnni ye. O de kosɔn
gɔfεrεnamanyεrε
bε k’o ta ba la. A ko si tεna siri kɔkanmɔgɔ la.
Mɔgɔ
306 de bεna ta ka baara in kε. U bε don cakεda kelenna kɔnɔ
jamana kɔnɔ
yan ani kɔkan
ka tila a la yanni nowanburukalo tile 1lɔ
cε.
Abubakari
TARAWELE
Dɔkala
Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
