Dannaya tora minisiri fanba kan ; nka minisiri kura 7 kura farala u kan dɔw nɔ na. N’o ye Bakari Tarawele (jamana jɔli kura ka ɲɛsin gɔfɛrɛnaman ni fangabulonw cɛ koɲɛnabɔ ma). Ale bilala Ibarahimu Ikasa Mayiga nɔ na, ale tun ye minisiriɲɛmɔgɔ kɔrɔ Sogɛli Kokala Mayiga masunnamɔgɔ ye. Mamanin Nasire tun ye laadibaa ye mara ni desantaralizasɔn minisiriso la ; ale kɛra minisiriɲɛmɔgɔ dɛmɛnni minisiri ye ka ɲɛsin politikow ni fangabulonw yɛlɛma kuraw ma, Madamu Fatumata Seku Dikɔ nɔ na. Bubakari Janɛ n’a bɛ wele Mawo, o bilala yeelenko ni joko minisiriso kunnan Madamu Bintu Kamara nɔ na. O minisiri kura fila in bɛɛ ye baara kɛ jamanakuntigiso la sanni u bɛ bila minisiriya la. Umu Sall Sɛki bilala baaradako, baarako ani baaradege minisiriso kunnan Madamu Bagayɔkɔ Aminata Tarawele nɔ na. Madamu Jara Jɛnɛba Sanɔgɔ bilala muso ni den ani denbaya ɲɛtaa minisiriso kunnan Madamu Kulubali Mariyamu Mayiga nɔ na. Madamu Dunbiya Mariyamu Tangara bilala lamini, lasaniyali ani yiriwali kuntaala jan misinisiriso kunnan Mamadu Samakɛ nɔ na. Kunnafoniw y’a jira k’o mɔgɔ fila labilalen ninnu bɛ Baku Azɛribayijan faaba la, ka Mali jɔyɔrɔ fa « COP 29 » lajɛ kɛnɛ kan.
Mamu dafe bilala bololabaara, seko ni dɔnko, lotoliko ani ɲɛ daamuda minisiriso kunnan Andoli Gindo nɔ na. Minisiriɲɛmɔgɔya farala Zenerali de diwisɔn Abudulayi Mayiga ka baara kan ; n’o ye mara ni desantaralizasɔn, gɔfɛrɛnaman ka kumalase ye. Kɔrɔ b’o la ; sabula kalata nataw ɲɛsigili don, mara ni desantaralizasɔn minisiriso jɔyɔrɔ ka bon o la kosɛbɛ. A y’a laadibaa dɔ sugandi ka fara a yɛrɛ kan ka ɲɛsin politikikow ni fangabulonw yɛlɛma kuraw ma ani kalata tɛmɛnsiraw senkɔrɔmadonni kama ; n’o ye Mamanin Nasire ye. A ka ca a la, sira min bɛna don Zenerali de diwisɔn Abudulayi Mayiga ka gɔfɛrɛnaman kura sigilen kɔrɔ, o bɛ sɔn ka dantigɛ minisirilajɛ nata senfɛ.
Dɔkala Yusuf JARA
Madiba KEYITA
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
