Sanni ka minisiriɲɛmɔgɔ kura sugandi o ka gɔfɛrɛnaman kura sigi, minisiriɲɛmɔgɔso ani minisiriso tɔw sekeretɛri zeneraliw bɛna tɛmɛn ni baara kɛta bolodalenw waleyali ye.
Sogɛli Kokala Mayiga tun sugandira ka kɛ minisiriɲɛmɔgɔ ye zuwɛnkalo tile 7 san 2021, lɛrɛ damadɔ Kolonɛli Asimi Goyita kɛlen ka fanga ta, ka kɛ furancɛlafanga jamanakuntigi ye. Faraɲɔgɔnkankulu (M5-RFP) min ye wulikajɔbaw kɛ Bamakɔ ani marayɔrɔ tɔw la kalo saba kuntaala kɔnɔ k’a ɲinin jamanakuntigi Ibarahimu Bubakari Keyita ka walan sɛmɛn, jamanakuntigi kura tun y’a ka dannaya da o ɲɛmɔgɔ kan k’o sugani ka kɛ minisiriɲɛmɔgɔ ye.
Dr Sogɛli Kokala Mayiga de sigira o furancɛlafanga latilennen gɔfɛrɛnaman minisiriɲɛmɔgɔya la ka hakilila caman ta Mali jɔli kura siratigɛ la. A tun sera fana ka caman bɔ fasodenw ka nisɔngoyaba la ka ɲɛsin jamana ɲɛmɔgɔw ma, min sababuya la lafasatɔnw sɔnna ka dan sigi u ka wulikajɔw la furancɛlafanga kama.
Nka politikiko nasira la, Sogɛli Kokala Mayiga ma se ka jama fara ɲɔgɔn kan a yɛrɛ la furancɛlafanga ka laɲininw sabatili kama. A sina politikimɔgɔw y’a kɛ mɔgɔ ye, min bɛ fara-farali kɛ, ka Malidenw kɔ don ɲɔgɔn na waati la, waati min ni jamanakuntigi tun b’a la k’a ɲinin ka jama fara ɲɔgɔn kan ka jɛ k’u disi da jamana gɛlɛyaw furakɛli la, kɛrɛnkɛrɛnnenya la kojugubakɛ kɛlɛli ani jamana dugukolo mumɛ bɔɔsili juguw la.
Yala minisiriɲɛmɔgɔ, Tabango dankelen kɛlen filɛ k’a ta a ɲinkini kan politikimɔgɔ tɔw fɛrɛfɛrɛli kama wa ? Kɛrɛnkɛnnenya la minnu tun b’a la k’u disi da M5-RFP la ani ka demokarasi cɛbaw kɛ bolo kɔfɛ mɔgɔw ye. Mɔgɔ bɛ se k’o ɲininkali in k’i yɛrɛ la a bolo bɔlen kɔ a jɔyɔrɔ baara la kunun, furancɛlafanga jamanakuntigi Zenerali darimɛ Asimi Goyita fɛ.
Dɔkala Yusufu JARA
Madiba KEYITA
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
