A bε fɔ ko, ko bεε n’a banwaati don. Nin nsana in b’an ka bi
kuma kan : kodɔnbalininw lajabaliko kafoɲɔgɔnya na. Lakɔlikaramɔgɔ don, min tɔgɔ n’a jamu daminε ye F.G ye. A si hakε bε san 28 na.
A tun bε to ka musomannin min lajaba, o y’a sigiɲɔgɔn ye. Lamini na, bεε b’a dɔn lakɔlikramɔgɔ ye ; nka u tun m’a dɔn nin ɲɔgɔnna jogo tolilen b’a la ka se fo nin hakε ma. A tɔ tun ye kɔ kelen min ye, a y’o mɔn, tεgε kεra a la. A kokεɲɔgɔn tun y’a ka kalanden musomannin dɔ ye, min si hakε ye san 9 ye.
Lakɔlikaramɔgɔ minnu bε kalanw di lakɔliden dɔw ma u ka so, o dɔ don. Nka
woroyanfan kanuko jugu ani fiyetɔbere tali a fε, o y’a se kunko ma. U tora nin waleya jugu la, fo dennin somɔgɔw bɔra u kalama waati min na. U taara u ka nisɔngoya jira Kuluba polisiso la. Komisεri Santigi Kamisɔkɔ y’a ka cεdenw ci ka na a minε sεtanburukalo banwaati
la, ka taa n’a ye.
Nin ko in kεra Bamakɔ komini 3nan kɔnɔ a tile
damadɔ ye nin ye. Denmansaw
sigalen u den cogoya fε, sabula a tun b’a fɔ siɲε caman na, ko n’ale bε sugunε kε, o bε digi ale la
kojugu k’a sababu kε « Baa la dunankε » bε to ka ko min kε ale la. Hali
n’a tun tε sin ka kuma bila a ba la o fɔcogo la, mansaw y’a faamuya k’o de don. Nka, ka da
dannaya min b’u ni lakɔlikaramɔgɔ cε, u y’o kuma cε ka bɔ yen, k’i b’a sɔrɔ dilannabana dɔ b’u den na. U ye o furaw ɲinin a ye.
A ba de y’a sεbεkɔrɔ sεgεsεgε ni baya fεεrε ye, fo a ye « jɔn ko Ala » fɔ. A ko
tuma o tuma n’u y’ale ci ka taa sanni na bitiki la, lakɔlikaramɔgɔ in bε sira
da ale ɲε k’a minε ka don a ka so kɔnɔ, ka da tugu u dala. Mansaw y’u sinsin nin
seereyaw de kan, ka taa u ka nisɔngoya jira polisiso la, u kεlen kɔ ka
kalanyɔrɔ ɲεmɔgɔso ladɔnniya o la.
O don kelen bεε, polisiw nana lakɔlikaramɔgɔ in minε ka taa n’a ye. Sεgεsεgεliw daminε na, a tun
y’a dalakan ko la. A ko ale kɔni bε tulon kε a fε ; nka ko kafoɲɔgɔnya ma deli ka tεmεn u cε. A ko ladamu ani hadamadenya
min b’a la, o yεrε de y’a kodiya ale ye, k’a sɔrɔ woroyanfanko tε.
Nka taalen ɲεfε kɔrɔfɔ kɔnɔ, jɔsen ma ye a ka kumaw na waleya kεlen ɲεkɔrɔ. Sabula dɔgɔtɔrɔsεbεn y’a
sεmεntiya, ko sigidalamɔgɔw ye min fɔ kamalennin in ka ko la, o ye wulibali
ye : dennin tε so, a jogincogo fana ka jugu. Hali ka dan o seereyaw ma, o y’a jɔkun bɔ kiiritigεlaw ɲεkɔrɔ ; sanni
o don cε, a lamarala bolo kɔrɔ fɔlɔ.
Cεjε Dunbiya
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
