Jama kolomaw ka san kura dugawudon jamanakuntigi la : Foliw kεra ɲεtaa sɔrɔlenw na

Kidali seginni jamana fanga kɔnɔ, kandili kalata sariyasunba kura kan, Minusima bɔcogo ɲuman an ka jamana kɔnɔ, yεlεma donni dugujukɔrɔfεnko sariya ni ɲagili sariya la, kalata sariya kura tali, marayɔrɔ kuraw sigili, nin bεε ye ɲεtaako sɔrɔlenw ye, foli ni tanuni kεra minnu na kumatigiw fε. U y’a ɲinin jamana ɲεmɔgɔw fε, u ka tεmεn ni baara ye

Par

Gansira mardi 16 janvier 2024 à 11:22
Jama kolomaw ka san kura dugawudon jamanakuntigi la : Foliw kεra ɲεtaa sɔrɔlenw na

Jamanakuntigiso lajεkεso kɔnɔ Kuluba, jama kolomaw y’u ka san kura dugawudon kε jamanakuntigi Kolonεi Asimi Goyita la. Minisiriɲεmɔgɔ Dr Sogεli Kokala Mayiga, bulonba kuntigi Kolonεli Maliki Jawu ani minisiri caman, nin bεε tun bε kεnε kan.


Bamak
ɔ dugulensow ka kumatigi Mamutu Ɲarε fɔlɔ ye kuma ta, ka taasibila kε ka ɲεsin mɔgɔw ma, siwili ni lakananbaa, minnu ni tora Maliko la. A ye foli ni tanuni lase furancεlafanga ɲεmɔgɔw ma kandili kalata labεncogo ɲuman na jamana sariyasunba kura kan, ani fasokanw donni na ba la. Ani waleya ɲuman wεrε tɔ fεn o fεn n’u b’a la k’o kε Maliko la, nin bεε foli kεra. Mamutu Ɲarε y’a ɲinin jamanakuntigi n’a jεɲɔgɔnw fε, u ka tεmεn ni u hakilila ɲuman dantigεlenw waleyali ye.

 

Mali silamεtɔnba ka kumatigi Cεrinɔ Hadi Camu y’a jira ko salon nin san kura dugawudon kelen in senfε, a jirala ko jamanadenw hami ye basigi sɔrɔli ye an ka jamana kɔnɔ. A ka fɔ la, o don ni bi cε, basigi donna Mali kɔnɔ.

Ni Ala ka dεmεn ye, jamanakuntigi ka hakilitigiya, ka fara lakananbaaw ka wulikajɔ ani cεsiri kan, ani jamanaden tɔw ka senkɔrɔmadonni, basigi donna mali kɔnɔ Minusima ni Barikani taalen kɔfε. Cεrinɔ Hadi Camu ye hakililajigin kε diinε ka hinε kan. Ka sɔrɔ k’a jira, ko bin kεra Mali kan a ka dugujukɔrɔfεnw nɔfε. A ye jamanakuntigi fo a ka hakiliɲumantigiya la fɔkabεnko la Malidenw yεrε dama cε, sabula ko Malidenw ka gεlεya fura de b’u yεrε bolo.

 

YAAFA ANI FƆKABƐN- Mali egilizi katoliki ɲεmɔgɔba Karidinali Zan Zεribo ye foli ni tanuni kε u ka diinεtɔn tɔgɔ la, k’a jira ko san 2023 kεra disidako dan bεε la jamana jɔli kura nɔfε, basigibaliya kεlεli, ani an ka yεrεmahɔrɔnya taabolow dantigεli. A ka fɔ la, Malidenw ma tila a fɔli la, ko u mako bε Mali kura la, wa k’o bε se ka sabati ni yεlεma ɲuman donni ye jamana maracogo la ani mɔgɔw jogow la.

O yεlεma
ɲuman na, a da sera jamanakuntigi kεwalew ma ka ɲεsin ko dɔw ma ; i n’a fɔ sariyasunba kura, dugujukɔrɔfεnko sariya, poroze labεnnenw ɲangili sariya ani kiiriw tigεcogo kan. Karidinali Zan Zεribo ka fɔ la, o yεlεmaniw ka kan ka senkɔrɔmadon ni jogo ɲuman tali ye ani kεlεminεn nafamaw laseli lakananbaaw ma, u ka se k’u disi da kojugubakε kεlεli la ni wasa ye an ka jamana kɔnɔ ; ka da a kan kojugubakε waralen don an ka jamana kɔnɔ o bε san caman bɔ.

Karidinali Zan Zεribo y’a jira ko dɔ farali sɔrɔdasiw fanga kan ni dɔnniyaw ni baarakεminεn nafamaw ye, o sera k’a to u ka se ka Kidali ni Agelihɔku bɔɔsi juguw la. A labanna k’a jira jamanakuntig la, ko sebaaya sɔrɔli kojugubakε kεlεli la, o ye kεlεba kura wεrε daminεni ye, min ka gεlεn kosεbε : n’o ye yaafa ani fɔkabεn ye. A ko san 2023 kεra jigisigi daminεni ye Malidenw fε.

Mali egilizi porotεsitanw ka kumatigi Ereweran Dr Nu Agi Infa Yatara y’a jira ko, ko caman kεra san 2023 k
ɔnɔ. Degelikaramɔgɔ ɲuman sɔrɔli Samatasεgεw ye. A y’a jira fana, ko jamanakuntigi ka hakilitigiya sera k’a to Mali kura jɔli sira ka ta. Jamana ye sariyasunba kura sɔrɔ, min hakililaw bɔra Malidenw yεrε la. A ko fana, ko yεlεma donna ko caman na ni hakili ɲuman ye.

Lakananbaaw ye baarakεminεn nafamaw sɔrɔ, yεlεma ɲuman donna u dabolo la an’u ka ɲεnamaya kεcogo fana na jamana lafasali an’a basigili nasira la.  Jama kolomaw ka kumatigi Burema Alayi Ture ye foli lase furancεlafanga ɲεmɔgɔw ma, u ka waleya kεlen na Mali kura jɔli kama ni yεlεma doni ye politikikow ni fangabulonw cogoyaw la. A ye foli kε fasodenw ka kɔlɔsilibaara la jamana sariyasunba kura kɔnɔ, ka foli kε Kidali bɔɔsili la juguw la. A y’a jira fana, ko an bε waati min na, kuran tε setigiko ye bilen ; a dama ka kan Maliden bεε la.


Kurantigε banbali bε gεlεya don cakεda fitininw ni mankanw ka baaraw kεcogo la, ka gεlεya don baara s
ɔrɔli la ; kεrεnkεrεnnenya la denmisεnw ni musow fε. Burema Alayi Ture bolo, nafoloko bilali sira ɲuman kan, o tεmεnsira dɔ ye kuran sɔrɔli ye ka tugu jamanadenw fε, hali n’i y’a sɔrɔ mɔgɔw bε ka muɲun a ko kɔrɔ. A b’a ɲinin jamana ɲεmɔgɔw fε, u ka dabali wεrε tigε kuran sɔrɔcogo la ni baraziw jɔli, ani tile ni fiɲε kurandiyɔrɔw jɔli ye, ka fara a sɔrɔcogo wεrεw kan.

Mɔgɔ o mɔgɔ ye kuma ta kεnε in kan, a bεε y’a jira k’u bε furancεlafanga ɲεmɔgɔw kɔkɔrɔ, wa k’u b’u jɔyɔrɔ fa a ɲεma Mali kura jɔli la.

 

POLITIKI KUNDA- Jaabili la, furancεlafanga jamanakuntigi Kolonεli Asimi Goyita y’a jira kumatigi bεε la, ko yεrεmahɔrɔnya bε daminε ni basigi ye. Yεrεmahɔrɔnya nafoloko ani politikiko la, o bε sɔrɔ kεlεbolo kologεlεn fε. Sɔrɔdasiya bε ko bεε daminε an’a laban na jamana bolo. Jamanakuntigi ka fɔ la, jamanadenw ye laɲinin minnu kε sigikafɔba senfε Mali kura jɔli la, gɔfεrεnaman b’a la k’o de waleya. O de kosɔn sɔrɔdasiw sera ka don Kidali, Tesaliti, Agelihɔku ani Bεri.

Jamanakuntigi ye foli ni waleɲumandɔn kε Malidenw na sɔrɔdasiw senkɔrɔmadonni na kojugubakεlaw ka gεlεyaw n’u ta bεε, jamana dugukolo mumε bɔɔsili kεlεw kɔnɔ. Kolonεli Asimi Goyita ka fɔ la, Mali tun kεra jamana kelen tigi caman ye. O de kosɔn Malidenw tun y’a ɲinin Mali ka segin u ma ani ka sɔrɔdasi dunanw gεn ka bɔ Mali kɔnɔ. Furancεlafanga jamanakuntigi ye ɲεfɔli kε Mali bɔcogo la kεlεbolo G5 Sahel jεkulu la ani Minusima bɔli la Mali kɔnɔ, ka fara ONU ŋaniyaw kan o bɔli in kɔnɔna na jamana kɔrɔnyanfan Minusima dagayɔrɔ dɔw la.

A y’a jira ko kojugubakε ye politiki kunda, setigijamanaw ka nafa
ɲinin ye. A ye foli kε kandili kalata tεmεncogo la, kalata sariya kura tali la, marayɔrɔ kuraw sigili la, kalata jεkulu kεrεnkεrεnnen (Aige) ka baaraw daminεni na, dugujukɔrɔfεnko sariya kura tali la. Kolonεli Asimi Goyita bolo, Mali tε faantan jamana ye, ka da a kan, a dugukolo falen don nafamafεnw na : sanu, litiyɔmu manganεnsi, uraniyɔmu... A ka fɔ la, n’o dugujukɔrɔfεn ninnu labaara la a ɲεma Mali ye, caman bε bɔ Maliden tungafεtaala hakε la.

O kɔfε jamanakuntigi da sera yurugu-yurugu kεlεli ma. A y’a jira k’o bε kεlε ka se a dan na, wa ko a tεna mɔgɔ si lafasa a ko la, hali ni min kεra gɔfεrεnaman mɔgɔ ye. A ko ni yurugu-yurugu ma kεlε basigi tε se ka sabati jamana kɔnɔ. Sabula ko yurugu-yurugu bε kε cakεda bεε la. A b’a ɲinin Malidenw fε, u mana yurugu-yurugu mεn ko o ko la ani yɔrɔ o yɔrɔ la, u ka kofɔli kε ni seereya jɔnjɔnw ye. Fεn min ye kurantigεko ye, furancεlafanga jamanakuntigi ye foli lase Malidenw ma u ka muɲun na. A ko furancεlafanga sinsinbɔlɔ ye fasodenw de ye. Ko dabaliw bε sen na kurantigεko gεlεya ka se ka furakε waati kuntaala surun walima kuntaala jan kama.

Jedone JAMA

dɔkala Yusufu JARA

 

Dɔkala Yusufu Jara

Nin fana kalan : Mɔbiliw asuransi : Munna nɔladilanwari bɛ mɛɛn ?

Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.

Nin fana kalan : Sanubɔ Kangaba : Sanuko ni kalanko bɛɛ, siniɲɛsigi ka labɛn

Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.

Nin fana kalan : San 2026 kupudimɔni : Santarafiriki-Mali 0-0, Sɛgɛw ye baara gɛlɛya u yɛrɛ bolo

Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.

Nin fana kalan : Marisikalo tile 26, Seyidusuw tɔgɔladon, san 1991-2025 : Syidusuw miiriya waati disidakow la

Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.

Nin fana kalan : Baaradegekalan : Degeden 2.500 y’u kali k’u bɛna baara kɛ ni ladiriya ye

Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.

Nin fana kalan : Seko ni dɔnko : Yokoro ani Salawale-wale bɛ ba la halibi

Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.

Tigi ka sεbεnniw

Mɔbiliw asuransi : Munna nɔladilanwari bɛ mɛɛn ?

Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.

Par Dɔkala Yusufu Jara


Publié lundi 12 mai 2025 à 12:36

Sanubɔ Kangaba : Sanuko ni kalanko bɛɛ, siniɲɛsigi ka labɛn

Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sanu sɔrɔli kan ka tɛmɛn kalan kan..

Par Dɔkala Yusufu Jara


Publié mardi 25 mars 2025 à 12:27

San 2026 kupudimɔni : Santarafiriki-Mali 0-0, Sɛgɛw ye baara gɛlɛya u yɛrɛ bolo

Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.

Par Dɔkala Yusufu Jara


Publié mardi 25 mars 2025 à 12:26

Marisikalo tile 26, Seyidusuw tɔgɔladon, san 1991-2025 : Syidusuw miiriya waati disidakow la

Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.

Par Dɔkala Yusufu Jara


Publié mardi 25 mars 2025 à 12:24

Baaradegekalan : Degeden 2.500 y’u kali k’u bɛna baara kɛ ni ladiriya ye

Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.

Par Dɔkala Yusufu Jara


Publié mardi 18 mars 2025 à 11:27

Seko ni dɔnko : Yokoro ani Salawale-wale bɛ ba la halibi

Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.

Par Dɔkala Yusufu Jara


Publié mardi 18 mars 2025 à 11:21

Kupudimɔni 2026 : Komɔri-Mali, Sɛgɛw ye jabaaya don Ujuda

Selen Marɔku sibiri su k’a dugu jɛ kari la, degelikaramɔgɔ Tɔmu Sɛnfiye n’a ka cɛdenw y’u ka farifoni balontanko fɔlɔ kɛ ntɛnɛn marisikalo tile 17 san 2025. Cidenkulu mɔgɔ tɔw ka kan ka se Ujuda bi tarata ni Ala sɔnna. Ujuda ye dugu ye, min bɛ Marɔku ni Alizeri dancɛ la.

Par Dɔkala Yusufu Jara


Publié mardi 18 mars 2025 à 11:20

L’espace des contributions est réservé aux abonnés.
Abonnez-vous pour accéder à cet espace d’échange et contribuer à la discussion.
S’abonner