Nɛgɛ kanɲɛ 17 waati la, kin kuranin min bɛ wele « lozeman sosiyo », o jurukun fɛ k’a daminɛ site wenezuyela da la fo ka se ji ni kungo cakɛda ɲɛmɔgɔso ma Segu sira kan, nsɛrɛw, binw, furabuluw, tigaɲagaw ni sɔkalaw, jiridenw ni nakɔlafɛnw, i b’olu saradalen ye sira kɛrɛ fila fɛ ka taa. Nka olu dɔrɔn tɛ ; an bɛ fonɛnɛ daminɛ na. Samiyɛ y’a kɔ don o taara kaban. Sɛnɛfɛnw ladilanni an’u dunni de bɛ sen na. Jikɔnɔfɛnko b’o cogo la. I b’o dɔn n’i mununmununnna Bamakɔ suguw kɔnɔ. I bɛ ntinɛnin tonnen ye tabaliw kan cɛw ni musow kɔrɔ.
O b’a jira ko ntinɛnin sɛbɛkɔrɔ bɔlen don ɲinan. Seereyaw ka lakaliw b’o sɛmɛntiya ka fara ɲɛ ka yeliw kan. Bɛɛ b’a la k’a fɔ ko ɲinan kɛlen don ntinɛnin ka san ye. K’a sababu kɛ samiyɛ tɛmɛnnen in sanjiko cogoya ye. Baw sɛbɛkɔrɔ fara fo k’u jiw walangata. Mɔgɔ caman ka fɔ la, ntinɛnin bɛ deli ka bɔ suguw la fonɛnɛ waati la kosɛbɛ ; nka, ko a kɛra dantɛmɛn de ye ɲinan, k’a sɔrɔ hali fonɛnɛ ma taa yɔrɔ jan na fɔlɔ. Nin waleya bɛɛ bɛ waatiyɛlɛma kofɔ. Muso jɛgɛfeerela dɔ y’a jira ko ntinɛnin kɔnna ka caya suguw la ɲinan. A k’ale bɛ ntinɛninfeere kɛ a ka ca ni san 20 ye bi.
Ka da ntinɛnin bɔliba kan ɲinan, jɛgɛ suguya tɔw feerebaaw yɛlɛmanen bɛ ntinɛninfeere kan. Jɛgɛko ɲɛdɔnbaa caman ka fɔ la, ntinɛnin ye jɛgɛ misɛn ye, min sɔrɔyɔrɔba ye Moti, Masina, Marakala ani San ye. Yala ntinɛninfeerela minnu bɛ nafa sɔrɔ a la wa ? Mɔgɔ caman de b’o ɲininkali k’i yɛrɛ la. Nka n’i y’a feerebaaw ɲininka, u ka jaabi ye awɔ ye. Fatumata Sanu min y’a ntinɛninfeerla dɔ ye, o ka fɔ la, ale b’a mako caman ɲɛnabɔ baara in nafa la. A k’ale bɛ se ka sefawari dɔrɔmɛ ba naani (d4 000) sɔrɔ tile kɔnɔ.
Ale n’a feerekɛɲɔgɔn Jɛnɛba Jawunɛ fila bɛɛ k’u wasalen don k’a sababu kɛ ntinɛnin bɔcogo ye ɲinan. O Jɛnɛba ko ale kelen bɛ sefawari dɔrɔmɛ ba wolonwula (d7 000) sɔrɔ tile kɔnɔ. Musa Kulubali y’an ni Jɛnɛba Jawunɛ sɔrɔ kuma na. O bɛ jɛgɛ san kosɛbɛ Jɛnɛba fɛ ; wa a tun nanen bɛ jɛgɛ san na. Musa ka fɔ la, ale ka denbaya tɛ sogo bilen fɛ ; k’o de b’ale bila jɛgɛ sanni na kosɛbɛ wula fɛ, sanni a ka jigin so.
SELEGE MƆBILITAYƆRƆ BAMAKƆ- Jɛgɛ sɔrɔli gɛlɛya tɛ mɔgɔ kan nin waati in na. Jɛbɛ bɔlen bɛ sugu bɛɛ la, i n’a fɔ Selenge mɔbilitayɔrɔ Bamakɔ. I bɛ tabali kɔrɔw ni firigo kɔrɔw sigilen ye duguma, ka minɛnin dɔ fa ntinɛnin na ka sigi u kan, dimɔgɔw bɛ wɔyɔ la u la. Nin don na Selege mɔbilitayɔrɔ la, jɛgɛfeerela fanba tun ye musow ye. U bɛ wele da ka tɛmɛnbaaw kunbɛn k’u wele sanni na. Jɛgɛ caman b’u bolo, fo a dɔw yɛrɛ bɛ tolili sira kan.
Hamara Gindo ka ɲɛfɔli la, ntinɛnin ninnu da ka di kosɛbɛ. A bakurubasanni bɛ kɛ ni segininw ye. O ɲɛ kelen fa sɔngɔ b’a ta sefawari d4 000 na ka se d5 000 ma ; Ale tun b’a la ka mɔbiliba dɔ falen jɛgɛ jiginni baaraw lajɛ. A y’a jira ko a gɛlɛyaw n’u ta bɛɛ, a kɛbaaw bɛ sɔrɔ k’a la. Ntinɛnin kg1 sɔngɔ jiginnenba ye d220 ye sisan. Musomannin ntinɛninfeerela dɔ ko ale bɛ segi ɲɛ saba ta don o don ka taa o dɔgɔ-dɔgɔninfeere. A k’o bɛ san ka ban pewu tile kɔnɔ.
Dɔkala Yusufu JARA
Aminata JARA
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
