Furancɛlafanga jamanakuntigi Zenerali darimɛ Asimi Goyita, kunun a ye Irisila minsiriɲɛmɔgɔ-dankan Alɛkisandiri Nowaki bisimila jamanakuntigiso la Kuluba. O tun ye cidenjama dɔ ɲɛmɔgɔ ye, u ka gɔfɛrɛnaman, depitebulon ani kɛnyɛrɛyew mɔgɔw tun bɛ min na.
A lajɛ kɛra minisiriɲɛmɔgɔ Zenerali de diwisɔn Abudulayi Mayiga, lafasa ni sɔrɔdasi kɔrɔw minisiri Zenerali de kɔri darimɛ Sajo Kamara, kɔkankow ni diɲɛ tɔnbaw cɛ koɲɛnabɔ minisiri Abudulayi Jɔpu ani wariko ni nafoloko minisiri Aluseyini Sanu ɲɛna.
Lajɛ kuncɛlen, minisiriɲɛmɔgɔ-dankan in y’a jira ko a tun nanen bɛ dɔ farali la Mali ni Irisila cɛ ljɛkabaara fanga kan kuranko, lafasa, taamako, sirako ani sɛnɛko nasira la. Alɛkisandiri Nowaki ka fɔ la, kɔrɔfɔw bolila fana jɛkabaara bolodacogo kan AES lakanantɔn min filɛ Mali, Burukina Faso ani Nizɛri cɛ, o dɛmɛnni na.
A y’a jira k’o jamana ninnu falen don hadamaden ani dugukolo nafamafɛnw na ; k’o bɛna a to u ka se ka poroze nafamaw sigi senkan don nataw la n’o terijamana ninnu ye. Minisiriɲɛmɔgɔ Zenerali de diwisɔn Abudulayi Mayiga ye hakililajigin kɛ, ko u ka nin taama in bɛ jamanakuntigi Goyita ni Irisila jamanakuntigi ka kandili kɔnɔ.
N’an seginna teriya ani badenyasira ma jamana fila in cɛ, Zenerali de diwisɔn Abudulayi Mayiga y’a jira ko kɔsa in in, ni kura fiyɛra Mali ni Irisila cɛ jɛkabaara la ; min kosɔn, Mali b’a la ka jaabi ɲumanw sɔrɔ ; kɛrɛnkɛrɛnnenya la kougubakɛ kɛlɛli la ani lafasa ni basigi sabatili la.
Minisiriɲɛmɔgɔ Mayiga bolo, nin taama in ye dakun kura ye dɔ farali la irisila ni mali cɛ jɛkabaara Fagan kan. A b’o to fana, ka se ka dɔ fara AES jamanaw ni irisila cɛ jɛkabaaara yɛrɛ fanga kan.
An b’aw hakili jigin, ko nin taama in dara minisirilajɛ fɔlɔ kan Irisila ni Afiriki cɛ. O lajɛba in kɛra Sosi, nowanburukalo tile 9 k’a kuncɛ a tile 10 san 2024. Kɔkankow ni diɲɛ tɔnbaw cɛ koɲɛnabɔ minisiri Abudulayi Jɔpu tun ye Mali ka cidenkulu ɲɛmɔgɔ ye o lajɛba in na.
Dɔkala Yusufu JARA
Alasani Suleyimani
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
