An bε se ka
fili ; n’o tε, nin bε sɔn ka kε a siɲε fɔlɔ ye Samatasεgε ntolantannaw ka ta u tɔgɔw
ma jamana tɔgɔla tele kunnafoni kεnε kan. Kɔrɔlen,
a tun bε kε Mali sennantolantan tɔnba (Femafutu) de la, o ka laadalakunnafonidi
senfε. Femafutu kɔni ma dalilu di fɔlɔ nin yεlεma kura in na ; nka, an b’a dɔn
kɔni,
ko degelikaramɔgɔ Eriki Seku Sεli yεrε ka kan ka ye tele la o
waati in na, k’a ka mɔgɔ sugandiliw kofɔ.
Ntolantannaw
farali ɲɔgɔn kan ka labεnw daminε, o daminεna kabini
desanburukalo tile 27 san 2023 Usumani Tarawele tɔgɔla farikoloɲεnajεyɔrɔ la Kabala. A mumε ye mɔgɔ 32 ye ; nka nin kunnafoni bε sεbεn waati
min na, mɔgɔ 10 tun tε kεnε jε ; baara kɔni
daminεna waati y’a sɔrɔ mɔgɔ 22 ye kεnε sɔrɔ fɔlɔ.
O mɔgɔ
22 tun ye jɔkɔlɔsila Jigi
Jara (Young Africans, Tanzani), Abubakari Dunbiya (Afrique football élite), Ŋolo
Tarawele (Stade malien), Burama Kɔnε (Yeelen olympique), Isimayεli Jara Jawara (AIK
Fotboll, Suyεdi), ɲεfεmɔgɔw
Bubakari Kiki Kuyatε (Montpelier, Faransi), Falayi Sakɔ (Montpellier, Faransi), Amadu Dantε (Sturm Graz,
Otirisi), Mamadu Fofana (Amiens, Faransi), Masajo Hayidara (Lens, Faransi), cεmancεmɔgɔw Amadu Hayidara (RB Leipzig, Alimaɲi),
Kamori Dunbiya (Brest, Faransi), Jaajε Samaseku (Hoffenheim, Alimaɲi),
Aliyu Jεngi (Al Ahly, Eziputi) ani ɲεfεmɔgɔw
Nene Dɔrizelεsi (RB Salzbourg, Otirisi), Yusufu Ɲagatε
(Bani Yas FC, Emira Arabu Ini), Seku Koyita (RB Salzbourg, Otirisi), Mamadu Dunbiya
(AS Black stars Badalabugu), Serine Dukure (Lorient, Faransi), Ibarahimu Sisɔkɔ
(AS Saint-Étienne, Faransi), Lasinε Sinayɔkɔ (Auxerre, Faransi), Fuseni Jabatε (FC
Lausanne-Sport, Suwisi).
Samatasεgεw bε teriya ntolantan kelen kε Gine-Bisawo fε zanwuyekalo tile 6 « 26Mars »
la, sanni u ka pan ka taa u cun Korogo Kɔnɔwari
jamana kan. Ntolantankulu E
dagayɔrɔ ye yen ye : Mali, Afirikidisidi, Tunizi ani
Namibi. Samatasεgεw ɲεmɔgɔ Hamari Tarawele n’a tɔɲɔgɔnw bε fɔlɔ ka Afirikidisidi kunbεn tarata zanwuyekalo tile
16 Amadu Gɔn Kulubali tɔgɔlafarikoloɲεnajεkεnε na, sanni ka se u ni Tunizi ta ma
sibiri zanwuyekalo tile 20, ka kuluntolantan kuncε ni Namibi ye araba
zanwuyekalo tile 24 Loran Poku tɔgɔla ntolantolantankεnε na San-Pedoro.
Jamana fila minnu
mana ye ten kan u ka kuluntolantanw na, olu bε yamaruya ni wicεmufinali ntolantanw
ye.
Laji Madiheri JABI
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
