Hali n’i y’a sɔrɔ balontan in tun tɛ koba ye jamana fila ninnu si bolo, Sɛgɛw sera ka gan kɛ kosɛbɛ u ka degelikaramɔgɔ kura Tɔmi Sɛnfiye ɲɛna. A ntolantan kɛra biko dan bɛɛ ye Sɛgɛw bolo. Nɛnɛ Dɔrizelɛsi kelen ye bi saba don sanga 17nan, 23nan ani 77nan na, Kamori Dunbiya ye kelen don sanga 43nan na, Ɛli Bilali Ture ye bi fɔlɔ don sanga 7nan na, Mamadu Dunbiya ye Mali ka bi dafa wɔɔrɔ la sanga 89nan na.
Kabini balontan daminɛ na, Mali fɔlɔla k’a yɛrɛ jira a ka dunanw na. Ɛli Bilali Ture ye bidon datigɛ sanga 7nan na sorobaɲagami dɔ senfɛ Ɛsiwatini jɔda la.
O kɔfɛ Nɛnɛ Dɔrizelɛsi ye bi fila don ka da ɲɔgɔn kan sanga 17nan ani 23nan na. A sennataliyako jugu, dunanw ma se ka firifiriyɔrɔ sɔrɔ a bolo. Mali ye tako fɔlɔ laban 4 -0 la, sabula Kamori Dunbiya ye Mali ka bi 4nan don sanni sɛgɛnnafiɲɛ ka se. Hali tako filanan kɔnɔ a dɔnna ko Mali b’u kan kosɛbɛ.
Balontan tun banna kabini tako fɔlɔ la ; nka o n’a ta bɛɛ, Mali m’a bolo jigin ko a ye bi 4 sɔrɔ ka don. Nɛnɛ Dɔrizelɛsi y’a ka bi 3nan don sanga 77nan waati la.
Mali ka bi laban donna Mamadu Dunbiya fɛ ka Marɔku san 2025 ɲɛbila ntolantanw kuncɛ hɛrɛba la Mali bolo. Mali ye jɔyɔrɔ fɔlɔ ye u ka kulu I kɔnɔ ni kuru 15 ye.
Ka da kunun balontan jaabi kan, Sɛgɛw senkɔrɔmadonbaaw bɛ se ka jigisigi sɔrɔ yanni Marɔku janjoba ka daminɛ. Sɛgɛw ɲɛmɔgɔ Iwu Bisuma y’a jira ko an’a tɔɲɔgɔnw nisɔndiyara kosɛbɛ n’u ka nin wasaba in ye Ɛsiwatini kan. Tɔmu Sɛnfiye ye foli ni tanuni lase u senkɔrɔmadonbaaw ma ani k’a jira ko ɲɛbila ntolantanw kuncɛra ni wasa ye.
KANI Marɔku san 2025 ɲɛbila ntolantanw kuncɛra. Jamana 24 minnu garijɛgɛ ye fara ci a ko la, n’u bɛna taa janjo la k’a daminɛ desanburukalo tile 21 san 2025 k’a kuncɛ zanwuyekalo tile 18 san 2026 olu dɔnna. Ɲɛbila ntolantan tile 6nan balontanw kɛra kunun tarata nowanburukalo tile 19. Kulu 12 kelen o kelen jamana fila fɔlɔ minnu ka kuru hakɛ cayara ni tɔw ta ye, olu de bɛna ye kɛnɛ kan k’a ɲinin ka kupu bɔɔsi Kɔnɔwari la.
Jamana fila laban minnu ye KANI tɛmɛnnen finali tan (Nizeriya ani Kɔnɔwari), o fila bɛɛ b’a la. Nizeriya kɛra kulu D jɔyɔrɔ fɔlɔ ye, Kɔnɔwari kɛra kulu G jɔyɔrɔ filanan ye Zanbi kɔfɛ. Jamana tɔ 21 ye Komɔri, eziputi, Alizeri, Angola, RD Kongo, Mali, Kameruni, Afirikidisidi ani Sɛnɛgali, olu kɛra jɔyɔrɔ fɔlɔw ye u ka kuluw kɔnɔ. Tunizi, Gabɔn, Bɔsumawa, Benɛn, Gine-Ekuwatoriyali, Sudan, Tanzani, Mozanbiki, Zinbawe, Uganda ani Burukina Faso. Nka fɛn min ye Gana ye, hali n'a ye Katari san 2022 kupudimɔni janjo kɛ, ale tɛna ye KANI Marɔku san 2025 kɛnɛ kan.
Dɔkala Yusufu JARA
Jɛnɛba BAGAYƆGƆ
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
