Sɛgɛw y’u ka farifoniko fɔlɔ kɛ kunun Zenbeto farikoloɲɛnajɛkɛnɛ na Maputo
Sɛgɛw degelikaramɔgɔ Tɔmu Sɛnfiye ka kan ka labɛn kura kɛ joona Mozanbiki-Mali ntolantan in kama juma nata in na Maputo. Sabula, ntolantanna saba ye walan sɛmɛn k’u ka nani bɔ a ma k’u joginnen don ; o la k’u tɛna se ka Mali ka balontan laban fila in lasɔrɔ. Mozanbiki- Mali ye juma nata in ye, Mali-Ɛsiwatini ye nowanburukalo tile 19 ye san 2024 Bamakɔ.
Ntolantanna minnu ko don, o ye kɔfɛmɔgɔ Musa Jara ye ka fara ɲɛfɛmɔgɔ fila kan, Musa jɛnɛpo ni Lasinɛ Sinayɔkɔ. O siratigɛ la, degelikaramɔgɔ ye wele bila Amadu Dante (FC Arouca Pɔritigali) ma Musa Jɛnɛpo nɔ na.
Ntolantanna 8 taara fara tɔw kan kunun : Adama Tarawele «Malouda» (Ferencvaros, Hɔngiri), Seku Koyita (CSK Musuku, Irisila), Ɛli Bilali Ture (VFB Stuttgart, Alimanɲi), Nɛnɛ Dɔrizelɛsi (RB Salzbourg, Otirisi), Mamadu Sangare (Rapide Vienne, Otirisi), Kamori Dunbiya (Brest, Faransi), Isimayɛli Jawara (AIK Sitokɔlɔmu, Suyɛdi) ani Abudulayi Jabi (Saint Gallen, Suwisi). U mɔgɔ welelen tɔ ye Amadu Dante, ɲɛfɛmɔgɔ Ibarahima Sise (Schalke 04) fila dɔrɔn ye sisan. Ni Ala sɔnna degelikaramɔgɔ ka fɔ la, olu ka kan k’u sɔrɔ Maputo bi.
Ntolantanna 23 welelenw ye
Jɔ kɔlɔsilaw : Jigi Jara (Young Africa, Tanzani), Yusufu Koyita (Joliba, Mali), Isimayɛli Jawara (AIK Sitokɔlɔlɔmu, Suyɛdi).
Kɔfɛmɔgɔw : Foden Dukure (Red Star Faransi), Amadu Dante (FC Arouca, Pɔritigali) Abudulayi Jabi (Saint Gallen, Suwisi), Mamadu Fofana (Amiens SC, Faransi), Siku Ɲakate (Braga, Pɔritiali), Usumani Jalo (Joliba, Mali), Sɛki Umaru Konate (Clermont, Faransi).
Cɛmancɛmɔgɔw : Aliyu Jɛngi (Al Kholood, Arabi Sawuditi), Mohamɛdi Kamara (Al Sado, Dubayi), Ibarahima Sisɔkɔ (Bochum, Alimanɲi), Iwu Bisuma (Tottenham, Angiletɛri), Fadi Kulubali (Sitadimaliyɛn, Mali), Mamadu Sangare (Rapide Vienne, Otirisi).
Ɲɛfɛmɔgɔw : Kamori Dunbiya (Brest, Faransi), Nɛnɛ Dɔrizelɛsi (RB Salzbourg, Otirisi), ƐLI Bilali Ture (VFB Stuttgart, Alimanɲi), Seku Koyita (CSK Moscou, Irisila), Adama Tarawele «Malouda» (Ferencvaros, Hɔngiri), Mamadu Dunbiya (Watford, Angiletɛri), Ibarahima Konɛ (Al-Ohkdood, Arabi Sawuditi). Degelikaramɔgɔ : Tɔmu Sɛnfiye.
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
