A tun wajibiyalen don Mali ma, ka ntolantan fila sebaaya sɔrɔ a ni Gine-Bisawo cɛ ɲɛbilantolantanw tile 3nan ani 4nan na, min b’a to a bɛ se ka jigisigi sɔrɔ sebaayako la KANI Marɔku san 2025 kɛnɛ lasɔrɔli la. Hali ni Mali y’a gosi Bamakɔ 1-0 taali la, kɔmaseginni na u ye filaninbin kɛ 0-0 ; O bɛ Mali garijɛgɛ dɔgɔya a ko la.
Gine ni Mali fila bɛɛ ta ye kuru hakɛya kelen ye ; nka garijɛgɛ bɛ Gine-Bisawo de bolo ko tɔ la. Mali ka kan ka ɲɛbilantolantan tako laban ɲɛta de makɔnɔ halibi, min b’a to halisa a jigi bɛ se ka da sebaaya sɔrɔli kan ka fara tɔw kan, minnu ye wasa sɔrɔ a ko la kaban. Nin tile 4nan kɔfɛ, n’o tun ye kɔmaseginniw daminɛni ye, Mali bɛ jɔyɔrɔ filanan na kulu I kɔnɔ ni kuru 8 ye, Mozanbiki fana ta ye kuru 8 ye ; ale ye Ɛsiwatini gosi 3-0. Gine-Bisawo bɛ jɔyɔrɔ 3nan na ni kuru 4 ye, Ɛsiwatini ye laban ye ni kuru 1 ye.
Tile labanw na sanni ka ɲɛbilantolantanw kuncɛ, jamana saba bɛ se k’u jigi da sebaaya sɔrɔli kan halibi : Mozanbiki, Mali ani Gine-Bisawo. Mali ni Mozanbiki bɛna ɲɔgɔn sɔrɔ o la, Ɛsiwatini ni Gine-Bisawo b’u kɔgɔ da ɲɔgɔn na. Nin balontanw bɛna kɛ nowanburukalo tile 10 ni 18 furancɛw la.
Dɔkala Yusufu JARA
Laji Madiheri JABI
Dɔkala Yusufu Jara
Mali ka baarakɛnafolo ɲɛsigilen ye sefawari miliyari 3.229,886 ye. K’a musakaw kiimɛ ka se miliyari 2.648,900 ma.
Minisiriɲɛmɔgɔ Zenerali de diwisɔn Abudulayi Mayiga tun ye ɲɔgɔnye boloda a ni kunnafoniko cakɛdaw cɛ Mali kunnafonidilaw tɔgɔlaso la. A yera o min kɛnɛ kan ni minisiriɲɛmɔgɔya ani mara ni desantaralizasɔn minisiriya jɔyɔrɔw ye..
Ni furacɛ walima furumuso ma se k’a furuɲɔgɔn lasɔrɔ telefɔni na, o bɛ se ka na ni dimiw, furukufurukuw, kɛlɛw ani dannabaliyaw ye furu kɔnɔ tilenbaliyako la. Telefɔniko kɛlen bɛ mankanw sababu ye furuɲɔgɔn caman cɛ. An ye sɛgɛsɛgɛliw kɛ nin ko in kan, a b’i n’a fɔ a .
Kabini samiyɛ banna, Mali sɔrɔdasiw, ni fɛɛrɛladɛmɛnw ye, kow y’u ta ye kɛlɛdagaw la ; wa u b’a la k’u fanga walangata kojugubakɛlaw ɲininni, u dajili an’u dogoyɔrɔw tiɲɛni kama jamana dugukolo fan bɛɛ fɛ..
Nisɔngoyajirasɛbɛn 27 minnu kalanna lajɛ kɛnɛ kan, o fanba bolila dugukoloko ni soko fɔɲɔgɔnkɔw kan Bamakɔ ani jamana marayɔrɔ dɔw la.
Mali ni Moritani ka ɲɔgɔn kunbɛn taa ni segin hukumu kɔnɔ desanburukalo tile 22 Moritani an’a tile 29 Bamakɔ, « CHAN » tile filanan an’a laban kama, Mali ntolantannaw dalajɛra tile 10 kuntaala, Usumani Tarawele tɔgɔla farikoloɲɛnajɛyɔrɔ la Kabala..
