Su saba sɔrɔla
ka labɔ ji la dɔgɔkun
laban tεmεnnen in na. O de ye su hakε dafa saba la. Cεkɔrɔba
san 60 kelen, ani paranti fila. O kelen si hakε bε san 22 la, kelen dɔ
bε san 15 la. A b’i n’a fɔ mɔbilibolila yεrε
de ma ye fɔlɔ.
Su saba ninnu yera sibiri ani kari ɔkutburukalo
tile 28 ni 29 san 2023 nεgε kanɲε 11 ni 15 furancεw
la ; nka u ma ye yɔrɔ kelen na. Mɔgɔ
fila fɔlɔ yera Maɲanbugu
yɔrɔ la Bamakɔ
komini 6nan kɔnɔ. kelen yera Sanfili yɔrɔ la
Bamakɔ komini 1lɔ kɔnɔ. U yεrε tun ye tolili daminε kaban.
Hakililajigin
na, mɔbili min ko don, a cunna Bajoliba ji la alamisa ɔkutɔburukalo tile 26 san
2023 nεgε kanɲε 18 waati la Bamakɔ babili fɔlɔ kan. O y’a sɔrɔ a jirala erezo
sosiyo kan fan bεε fε, ko Sotarama dɔ falen jama na, k’o cunna Bajoliba ji la.
Kasɔrɔ donitamɔbili dɔ tun don, min tun falen bε farininbɔrεw, tulubidɔnw ani
dunfεn suguya wεrεw la. A bɔtɔ tun don Bajoliba numanbolo kan k’a kunda a
kininbolo kan. A selen babili de ma, mɔbili y’a bolibaa kεɲε ka mototigi dɔ
furan ka babili nεgε kari ka jigin n’o ye ji la.
Kasaara in
juguyara kosεbε. O bε dɔn nεgε kεcogo la a fε. Zandaramaw ni sapεri pɔnpiyew
nana o su kelen bεε la. Sira tigεra ka waati jan kε sanni ka jateminεw kuncε.
Nka halibi mɔgɔ hakε min tun bε mɔbili in kɔnɔ, o ma dɔn fɔlɔ. Mɔbilibolila ni
mototigi min furanna, olu kɔni ma ye halibi lakananbaaw ka cεsiri n’a ta bεε.
Lakananbaaw kɔni
sera ka mɔbili in saman ka bɔ ji la o su kelen. A b’i n’a fɔ boli dantεmεn de
ye kasaara in sababuya. Yanni o cε ɲininniw bε sen na halibi mɔgɔ wεrεw la ji kɔnɔ.
Sεgεsεgεliw daminεna walasa k’a ko tɔ ɲεdɔn.
Yaya JAKITE
Dɔkala Yusufu
JARA
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
