Mara ni desantaralizasɔn minisiri
Kolonεli Abudulayi Mayiga n’a nɔfεjama
taara taama na Kidali dɔgɔkun
tεmεnnen in na. Minisiri seegin tun b’a nɔfε ;
kεrεnkεrεnnenya la, fɔkabεn,
lafiya, mɔgɔw
tin donni ɲɔgɔna
na ka taa a fε minisiri Kolonεli-mazɔri
Isimayila Wage, kiiriko, hadamadenw ka hakεw, faso taamasiyεnw marali minisiri
Mahamadu Kasoge, yeelenko ni joko minisiri Madamu Bintu Kamara, kεnεyakow ni
hadamadenya yiriwali minisiri Kolonεli Asa Bajalo Ture. Bulonba kɔnseye
caman fana tun b’a la, ka fara sɔrɔdasi
ɲεmɔgɔw
kan.
Nin taama in kεra fanga ani hadamadenya bajuw
seginni Kidali mara kɔnɔ,
o hukumu kɔnɔ.
Mali sɔrɔdasiw
kεlen kɔ ka Kidali
dugu k’u sago ye nowanburukalo tile 14 san 2023, o kεra seli ye jamana fan bεε
fε. Kidali mara gɔfεrεnεri
Zenerali Ɛlihaji Gamu ni
dugumɔgɔw
ye jamaba in kunbεn koɲuman
ni nisɔndiya ye.
U kεlen kɔ ka Mali darapo yεlεn gɔfεrεnεri
ka baarakεyɔrɔ la,
Kolonεli Abudulayi Mayiya n’a nɔfεjama ye hakilila falenw kε
ni sigida ɲεmɔgɔw ye.
O lajε senfε, da sera disidako caman ma basigi nasira la Kidali mara kɔnɔ. Laɲinin
dɔ fana kεra ka dɔ
fara dannaya fanga kan faamaw ni sigida ɲεmɔgɔw
cε, u ka faamuyacogo ka se ka kε kelen ye Mali marayɔrɔ
8nan in kunkankow la. Mara ni desantaralizasɔn
minisiri y’a jira, ko kabini Kidali bɔɔsira
juguw la nowanburukalo tile 14 san 2023 ni furancεlafnga jamanakuntigi Kolonεli
Asimi Goyita ka ɲεmɔgɔya kɔnɔ,
n’u ye Zenerali Ɛlihaji
Gamu sugandi ka kε Kidali mara gɔfεrεnεri
ye, desanburukalo tile 13 san 2023, a sigira mara in kunna. Nka sanni a ka taa
a ka baara daminε, laadilikan caman dira a ma jamana ɲεmɔgɔw
fε ; o dɔ
ye k’a jilaja ka fanga ani hadamadenya bajuw segin joona mara kɔnɔ.
Minisiri ka fɔ
la, jamanakuntigi tɔgɔ
la, u tun nanen don foli di a n’a jεɲɔgɔnw
ma u ka baara la. A k’u minisiri 9 kelenna bεε nakun ye laɲinin
kelen ye Kidali. Faamaw ni sigida ɲεmɔgɔw
ka lajε senfε, a ɲininna
dugumɔgɔw
fε, furancεlafanga jamanakuntigi ye ŋaniya ta n’o ye fɔkabεn
ye Malidenw yεrε dama cε, u k’o hakilila in senkɔrɔmadon,
min b’a to lafiya ka don an ka jamana kɔnɔ. Mara
ni desantaralizasɔn
minisiri ye jigisigi kuma fɔ Kidali
mara mɔgɔw
ye, ko gɔfεrεnaman ni
fangabulon tɔw
bεna u seko jira u ka hakεw tiimεni na, an’u haminankow tali la ba la.
Minisirijama taara a ɲε
da cakεdaw dagayɔrɔw
ani mara ɲεmɔgɔso
dɔw kan, walasa
k’a dɔn n’u ka
baaraw daminεna a ɲεma.
Sigida tiɲε caman sidɔnna
o senfε, ka laban ka kumaɲɔgɔnyaw
kε gεlεya kεrεnkεrεnnen kɔlɔsilenw
furakεcogow kan Kidali mara kɔnɔ.
Taama in kuncεra ni fεn dɔw
dili ye ; i n’a fɔ
balow, furaw ani kεnεyasow minεn dɔw.
Nin waleya in b’a jira ko gɔfεrεnaman
hakili bε Kidali mara mɔgɔw
la. A bε furancεlafanga ka wulikajɔ
fana kofɔ dugumɔgɔw mako gεlεnw ɲεnabɔli la, u ka se ka
hεrε sɔrɔ.
Suleyimani SIDIBE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
