Laseli in kɔnɔ, furancεlafanga gɔfεrεnaman ko a dusu kasilen y’a mεn, ko jugubakεlaw ye dan kari suguba dɔ la Musuku jumadon marisikalo tile 22 san 2024, sugu min bε wele angilεkan na « Korokusi Siti Holu ».
Furancεlafanga gɔfεrεnaman y’a jira ko a ni Irisijamana faamaw ani jamanaden tɔw bε ɲɔgɔn bolo. A ye binkanni in sεbεkɔrɔ kɔn ka ɲεsin siwiliw ma se ni dabali tε minnu ye nin kow la. Mɔgɔ hakε min ni tora a kasaara la, o bε se 137 ma an bε don min na.
O dusukasi kɔnɔ, Mali furancεlafanga jamanakuntigi Kolonεli Asimi Goyita, gɔfεrεnaman, ka fara fasojama tɔ kan, u y’a jira Irisila jamanakuntigi Wiladimiri Putini na, k’u ka dugawudon bε ka ɲεsin mɔgɔ fagalenw ma, ani ka nɔgɔyada kε joginnenw ye, k’u ka gɔfεrεnaman an’u ka fasojama bεε fo.
Mali faamaw y’a jira k’u bε tεmεn ni jεɲɔgɔnya sira jεlen ye ni Irisila ye, ani k’a fanga fara u ta kan kojugubakε kεlεli la, a bɔra da o da fε.
Hakililajigin na, nin ɲɔgɔnna binkanniwale kεra, tuma min na Mali cidenkulu bε taama na u bara Musuku, dɔ farali kama u ni ɲɔgɔn cε jεɲɔgɔnya fanga kan. O cidenkulu ɲεmɔgɔya tun bε nafoloko ni wariko minisri Aluseni Sanu bolo. Taamakow minisiri Madamu Danbεlε Madina Sisɔkɔ, dugujukɔrɔfεnko minisiri Pr Amadu Keyita ani jiko ni yeelenko minisiri Madamu Bintu Kamara, ka fara furancεlafanga bulonba kɔnseye dɔw kan, olu tun b’o cidenkulu la.
O taama in senfε, jamana fila in bεnna a kan b’u bolonɔ bila bεnkansεbεn dɔw la ; kεrεnkεrεnnenya la, tile kurandi cakεda dɔ jɔli Sanankɔrɔba ani Bugunin, min b’a to kuranko gεlεya min filε Mali kɔnɔ kabini kalo damadɔ, nɔgɔya bε se ka don o la cogo min na.
Bεnkan dɔ fana tara san 2023 ɔkutɔburukalo kɔnɔ ni Irisila dugujukɔrɔfεnko cakεda Zarubeji zewoloziya ye Mali dugujukɔrɔfεnw dantigεli kama.
Abubakari TARAWELE et
Dɔkala Yusufu Jara
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
Nin baarabolodalen in laɲinin ye ka Maliden kura dilan, min b’an danbew dɔn, ka fangabulonw bonya, ani baarakεla. Jamana ɲεmɔgɔw bε wulikajɔ la ka Mali kura k’o kuntilenna in waleya, walasa ka se k’o hakilila don fasodenw na ani ka se di u ma ɲεtaa la kannabila ni hɔrɔnya kɔnɔ.
