Mali sɔrɔdasiw ɲɛmɔgɔso ka kunnafoniko cakɛda « Dirpa » ye laseli kɛ juma nowanburukalo tile 8, k’a jira ko tarata nowanburukalo tile 5 san 2024 wulayanfan fɛ, kojugubakɛla mototigi caman suurula Duru kan Sɛgɛ komini na Bajangara sɛrɛkili kɔnɔ.
U kɛlen kɔ ka nin binkanniwale in kɛ, u ye dugu bila ka taa u dogo dugu ni kɛnɛka cɛ ka digi kɔrɔn kan. Mali sɔrɔdasiw y’u lakodɔn yen ka pankurun wuli ka taa bɔnɛ jigin u kan. O y’a sɔrɔ u hakilila tigɛra sa, k’u ye dan kɛ. Kelen-kelennin minnu porokotora bonni na, olu ye kɛnɛ minɛ. Sɔrɔdasiw y’u gɛn k’a bɛɛ daji.
Mali sɔrɔdasiw ka nin sebaaya in bɛ fɔ ka fara dɔwɛrɛw kan. U bɛ lakananbaaw ka sankɔrɔta jira ka kɛɲɛ ni furancɛlafanga ɲɛmɔgɔw ka laɲinin ye kabini furancɛlafanga latilenna. A bɛ ka kɛ sababu ye jamana ka se k’a ka yɛrɛmahɔrɔnya yɛrɛ-yɛrɛ sɔrɔ a ɲɛma jamana dugukolo mumɛ kan ; o waleya min daminɛna ni Kidali bɔɔsili ye jamana bɔrɔtɔbaaw n’u dɛmɛnbaaw la nowanburukalo tile 14 san 2023.
A sababu ɲuman dɔ fana ye dɛmɛnbaa sɛbɛw ye ; kɛrɛnkɛrɛnnenya la Irisijamana jɔyɔrɔ ka bon a ko la kosɛbɛ. Siniwajamana, Turukiye ani Iran fana y’an jɛɲɔgɔn sɛbɛw dɔ ye. Nin jamana kofɔlen ninnu sɔnna ka Mali lakananbaaw dɛmɛn ni kɛlɛminɛn nafamabaw ye.
N’o ye bilɛndew (mugu man telin ka kasaara lase minnu ma), doroninw, aradariw ani kɛlɛkɛ pankurunninw ye. Irisijamana ka sɔrɔdasi karamɔgɔw yɛrɛ b’a la ka dɛmɛn don Mali sɔrɔdasiw la kɛlɛdagaw la. O waleya in sera k’a to an ka sebaaya caman sɔrɔ kojugubakɛ ani dansagonwale kɛlɛli la kosɛbɛ. Kabini kojugubakɛlaw y’a ye u tɛ ka fanga sɔrɔ Mali sɔrɔdasiw ɲɛ bilen, u b’a la ka bin sigidalamɔgɔ gansanw kan, minnu m’a min, u m’a bɔn.
An bɛ don min na, nɛgɛ b’a la ka gɛrɛntɛ kojugubakɛlaw an’u senkɔrɔmadonbaaw la, n’i ye jateminɛ kɛ AES kɔnfederasɔn sɔrɔdasi ɲɛmɔgɔw ka lajɛ kuncɛli kɔrɔfɔw la dɔgɔkun tɛmɛnnen in, Bamakɔ yan. U y’a jira ko siga t’a la kojugubakɛlaw bɛ nɔbɔ ka tɛgɛ da u kan fo u dongoyɔrɔ labanw na. U k’o bɛna kɛ ni AES kɔfederasɔn kɛlɛbolo ka baara daminɛni ye.
Hakililajigin na, Nizɛri sɔrɔdasiw ɲɛmɔgɔba delila k’a fɔ AES kɔnfedersɔn ɲɛmɔgɔba Zenerali darimɛ Asimi Goyita ye u n’o ka ɲɔgɔnye senfɛ nowanburukalo tile 6 san 2024, ko sɔɔnin o bɛna kɛlɛbaw komɛn hadamadenw n’u bolofɛnw lakananni nɔfɛ AES kɔnɔ. A ko walasa ka se k’o kɛ, Zenerali de birigadi Musa Salawowa Barinu ko a b’a ɲinin jamana saba ninnu mɔgɔw fɛ, u ka muɲun halibi, ka da AES kɔnfederasɔn kɛlɛbolo la.
Dɔkala Yusufu JARA
Suleyimani SIDIBE
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
