Ɲɔgɔndεmεn
ani dεnkεrεfε kεlεli hukumu kɔnɔ,
kunjuw ka jεkuluba (AMPPT) ye barosigi kε Bamakɔ lajεkεsoba
Seyisebe la kunun ntεnεn ɔkutɔburukalo tile 23
san 2023. U ka jεkuluba in ye san 15 dafa u y’o laɲεnamaya
ni kunnafonidiw ni lafaamuyaliw ye kunjuya sɔrɔcogo
an’a kɔlɔlɔw
kan. Kɔrɔfɔw
bolila masalakun min kan, o ye : « kunjuw ka se ka kalan foori foroba
ani kεnyεrεye kalansow la ».
Barotigi tun ye u ka jεkuluba ɲεmɔgɔba
Madamu Jara Kadi Bari, ɲɔgɔndεmεn
ani dεnkεrεfε kεlεli kalo denba ka ciden Alu Badara Makalu ani kalanko minisiri
ka ciden Baritelemi Sagara. Madamu Jara Kadi Bari ye lajε in bila ɲɔgɔnmεmεn ani dεnkεrεfε kεlεli kalo tako
28nan kɔnɔ. O min sasalakun
ye « ɲɔgɔndεmεn bε lafiya, basigi ani yiriwali ka bila la,
Mali kura kɔnɔ ».
Ɲɔgɔndεmεn
ye Mali danbe kɔrɔ ye. Jamana ɲεmɔgɔw y’u sinsin o danbe ɲuman in kan, ka san o
san ɔkutɔburukalo kεrεnkεrεn ka kε ɲɔgɔndεmεn ani dεnkεrεfε kεlεli kalo ye.
Madamu Jara Kadi Bari ka fɔ la, a ɲuman ye ka yεlεma ɲuman don hadamadenw jogow
la, min b’a to u bε fεrεfεrεli ani jatebaliya min ta ka kunjuw sεgεrε, dɔ ka se
ka bɔ o la. Kalan ye denmisεnnin bεε ka hakεw dɔ ye. O de kosɔn AMPPT ye
barokεnε in sigi k’a fεla jira kunjuw dabolo la kalo in dɔgɔkun 3nan kɔnɔ.
Kunju kelen o kelen, a bεε n’a kunkan tariku don.
A
ko ale min ye jεkuluba in ɲεmɔgɔ ye, tɔɔrɔ caman tara k’ale yεrε sεgεrε. U tun
t’ale jate, u tun b’a kε dεnkεrεfε ye ko caman na. Kalanyɔrɔw la mɔgɔ tɔw bε
kunjuw kε filεlifεnw ye. U sigiɲɔgɔnw an’u tɔɲɔgɔnw fana b’o k’u la. O siratigε
la, barosigi in ye damakasili kεnε ye kunjuw ka jεkuluba bolo, ani k’a ka san
2022 ɔkutɔburukalo ka se san 2023 ɔkutɔburukalo ma, k’u ka baara kεlenw jaabiw
da jama tulo kan. Baara fanba kεra barosigiw ni damakasiliw la kunjuw babolow
kan. Baara dɔ fana kεra kunjuw sεgεsεgεli ye wolonugubanaw ani sinnabanaw na.
Baritelemi
Sagara y’a jira, ko nin barosigi bεnna ni kunjuw ka jεkuluba sigilen san 15
dafa ma. Fεn min y’u ka kalanko ye, a ɲuman ye k’u ni denmisεnnin tɔw minε
kelen ye, fisamanciya kana kε u cε. Baarabolodalen min bε wele tubabukan na
« Project 2 », kunjuw ka kalanko kεcogo ɲuman bolodalen b’o kɔnɔ.
Alu
Badara Makalu y’a jira ko kunjuw babolo ka kan ka kε bεε kunko ye. An ka kan
k’an sinsin ɲɔgɔndεmεn ani dεnkεrεfε kεlεli kalo kan, k’a ɲinin ka yεlεma ɲuman
don u dabolo la halibi. O sira dɔ ye kalansow donni nɔgɔyali y’u bolo, ni
yεlεnyɔrɔ kεrεnkεrεnnen labεnni y’u kama, k’u damana ɲεgεn lasɔrɔ dumanw fana
jɔ kalanyɔrɔw la. U bε se ka sigi sigilan minnu kan ka fεrε, o ka bila u ka
bolo kan.
Aminata SUMA
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
