Denmisεn naani don, muso kelen b’u cεla. U tɔgɔ fɔ ka
surunya tubabukan na, o ye DK, KN, SD ani FD ye. U minεna kɔsa
in na Bulukasunbugu polisiso fε Bamakɔ
komini 1lɔ kɔnɔ.
Siga kεlen don u la k’u kεlen don jεkulu ye, ka sεbεn lankolonw dilan ka di mɔgɔw
ma.
Tali sɔrɔdasiya
la, o sεbεnw ladonni min tun bε sen na dɔgɔkun
tεmεnnen in, nin mɔgɔ
naani de tun b’a la ka sεbεn lankolonw dilan ka feere mɔgɔw
ma, minnu mako b’o sεbεn suguyaw la. U tun b’u dilan ka feere Bamakɔ
n’a lamini na. U yεrε fε, nin baara kɔnnen
in na kε dibɔ
dan bεε y’u bolo. Nka Bulukasunbugu polisiso ɲεmɔgɔba
komisεri Dirisa Samakε n’a bε wele « Oroze », o bɔra
a ko kalama.
U minεna ka bila kiiritigilamɔgɔw
ka bolo kan. Kunnafoni dicogo ɲuman
de sera k’a to ni tεgε dara u kan yɔrɔnin
kelen. Bɔ kεra a
kalama, ko nin mɔgɔ
ninnu kεlen don jεkulu ye NINA fisi εndiwuiduyεli, karidantε, pasipɔri
ani wolosεbεnw dilanni kama.
Polisiw kεlen ka nin kunnafoni jεlen sɔrɔ,
u m’a ko bila daga girin da la. Nowanburukalo tile 25 san 2023, Dirisa Samakε
ladɔnniyaa, ko
muso dɔ bε ka
karadantε dilan ka feere lakananbaaya ɲininbaaw
ma sefawari dɔrɔmε
ba duuru (d5 000). O kεlen, a n’a dankan Baraka Kamara ye sεgεsεgεli
daminε. O y’a kun ɲε.
O y’a sɔrɔ
kunnafoni wεrεw sɔrɔla
polisiw bolo ka fara nin fɔlen
kan. A dɔnna ko nkalon
tε kumaw na. Polisiw sɔrɔla
ka mɔmɔni
daminε. U ye wulikajɔ
kε ka tεgε da u kan kelen-kelen. Muso kelen min b’u cεla o tɔgɔ
tubabukan fɔ ka surunya ye
FD ye ; o minεna Badalabugu, Bamakɔ
komini 5nan na, ka n’a ɲininkaliw
k’a la polisiso la.
FD jɔra
fɔlenw na. A y’a
jεɲɔgɔn
kelen kofɔ o yɔrɔnin
bεε la. U taara o fana minε Hamudalayi ACI 2000 la. U y’u tεgε da mɔgɔ
wεrε kan, min ka baara tun ye kariti NINA fisi εndiwiduyεli dilanni ye. O ɲinkalen
y’a jira ko mɔgɔ dɔ
b’ale dεmεn o la. A k’o bε « cyber café » dɔ
la Wεzεnbugu, Manden komini kɔnɔ.
U taara o fana minε ka na fara tɔw
kan. Tuma min na polisiw taara nin kelenna ka so woloma, u bɔra
sεbεn lankolon dilannen caman kan : karadantεw, pasipɔriw,
dipulɔmuw, NINA fisi
εndiwiduyεliw, bolifεnw bolili yamaruyasεbεnw, adw.) ka fara u dilanni minεnw
kan.
Nin kojugukεla ninnu tun b’a dɔn
ko don ka jan, tεgε bεna da u kan. Wa polisiw ma dɔwεrε
kε u ka baara kɔ.
U y’u latεmεn Bamakɔ
komini 1lɔ
kiriso yamaruyalen ma.
Yaya JAKITE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.