Yiriwali kuntaala jan lajɛba tako 4nan bɛ sen na Bamakɔ kabini taratadon. Ko dɔnbaa ŋanaw ani waleyalikɛla lakodɔnnenbaw masalakun jɔnjɔnw walanwalanni na ; i n’a fɔ « hakililaw sɛnɛ sɔrɔko la, « fɛrɛ kuraw ani sɔrɔ jɛlen » ani « ɲamanw tɔpɔtɔli ani sɔrɔ mununmununta ». Tile fila lajɛ in sigira dununya tɔgɔla cakɛda min ɲɛsinnen bɛ laadili ani kalan (CICF) ma, o ka lajɛkɛso kɔnɔ A ka kan ka bɔ ni dajiraliw ye, minnu bɛna se ka fara foroba fangaw taabolo ani cakɛdaw taw kan « sɛnɛ sɔrɔko » la.
Jagoko ni izininko minisiri Musa Alasani Jalo de ye lajɛ in daminɛni ɲɛmɔgɔya kɛ. Lamini lasaniyali ani yiriwali kuntaala jan minisiri Mamadu Samakɛ tun b’a kɛrɛfɛ, ka fara Mali makobatigiw ka jɛkuluba (CNPM) ɲɛmɔgɔ-dankan 4nan Ibarahimu Sakɔ ani CICF ɲɛmɔgɔba Madamu Berete Maniyan Bɛngali kan.
Nin sigi laban in nafaw an’a bɛnɛw ka ca ka da waatiyɛlɛma cogoya kan. Ko kuraw, dugukolow tiɲɛni ani falenfɛnw ni nimafɛnw hakɛ dɔgɔyali, olu ye taamasiyɛnw ye, minnu ka kan k’an bila ka ko dɔ kɛ teliya la. CICF ɲɛmɔgɔba ka fɔ la, kandili sɛnɛ sɔrɔko kama, an sago t’o la tuguni, wajibi de don ; sabula yɛlɛmacogo ɲuman don an ka ɲɛnamaya jigi sigili la, an ka nafoloko an’an ka jama ka hɛrɛko la.
Nin lajɛ masalakunba, « kandili sɛnɛ sɔrɔko la », o ye wele ye ka taa hakilijakabɔ ma cogoyaw kan, minnu bɛ se ka yɛlɛmaba don an ka sɔrɔ kɛcogow la. Ka sinsin sɛnɛ sɔrɔ kan, o ye kɛwale minnu bɛ lamini labato k’olu fara sɔrɔ dakun kelenna kan. O dun tɛ ɲɛ ni sɔn ma kɛ an yɛrɛ ka fɛɛrɛ kuraw ma, dugukolo kanfɛnw labaarako ɲuman ani nafolo munmununta ɲɛtaa fana ma, Madamu Berete Maniyan Bɛnkali ka laseli la. Sɔrɔ kɛcogo minnu ka fisa, n’u bɛ sangaba kuntaala jan di, ka jigisigi bɛrɛmakɛɲɛnen ani kuntaala jan yiriwa.
Walasa ka se ka sebaaya sɔrɔ o yɛlɛmani in na, wajibi don ka dusu don cakɛdaw kɔnɔ u k’u fanga digi u yɛrɛ ka fɛɛrɛ kuraw kan ani ka sɔrɔ kɛcogo ɲumanw sigi senkan, minnu bɛ lamini labato. Mali makobatigiw, olu kan dilen kɔrɔ don o sira fɛ ; wa u b’a la ka bɛnkan bolonɔbila ni lamini, lasaniyali ani yiriwali kuntaala jan minisiriso ye dɔ farali la cakɛdaw ka cɛsiriw fanga kan lamini lakananni ani waatiyɛlɛma kɛlɛli la.
Ibarahimu Sakɔ ka fɔ la, yɛlɛmani sɛnɛ sɔrɔ kan, o musaka ka ca, wa a baara ɲɛ ka misɛn ; nka a bɛ nɔgɔyada caman fana di an ma.
Ka sebaaya sɔrɔ sɛnɛ sɔrɔko la, o ye haminankoba ye, min bɛ foroba fangaw ka kandiliba wajibiya. A ko bɛ ka kɛ mɔgɔw fɛkoba ye politikiw ani fɛɛrɛw kɔnɔ Mali la ; ale min ye jamanaw dɔ ye, minnu bɔgɔ ka fɛgɛn waatiyɛlɛma kɔrɔ. Minisiri Mamadu Samakɛ bolo, waatiyɛlɛma kɔlɔlɔw tɔpɔtɔli dama tɛ bilen ; nka u kunbɛnni de don, ani k’u bayɛlɛma ka kɛ nɔgɔyadaw ye.
O siratigɛ la, a ka minisiriso ye ko dɔw dantigɛ, minnu bɛ nɔgɔyadaw di kɛnyɛrɛye cakɛdatigiw ma. N’o ye goninsun yɛlɛmabaliw, sigida taamako, falenfɛnw bayɛlɛmani, k’o kɛ dɔgɔ ni sarabon nɔnabila ye, ani u senkɔrɔ baara kɛtaw ɲamanw. « karabɔni » sugu b’o la ; o min jatelen don k’a kɛ nɔgɔyadaba kura ye waati nafamafɛnw tɔnɔ bɔliko la diɲɛ suguba la.
Jagoko ni izininko minisiri Musa Alasani Jalo y’a ŋaniya nin lajɛba min filɛ sen na, sɔnin ka sigi dabali tigɛtaw kan walima ka cakɛdaw delili ɲɛsigi waatiyɛlɛma kɔlɔlɔw la. Ale bolo, cakɛdaw de ka kan k’a daminɛ k’u ka yiriwali fɛɛrɛw don waatiyɛlɛma kow kɔnɔ. Ani fana, u ka kan ka fɛɛrɛ kura fɛn o fɛn b’a ɲinin ka yiriwali kuntaala tiimɛ sɛnɛ sɔrɔko la, k’olu don a kɔnɔ.
Dɔkala Yusufu JAR
Isa DANBƐLƐ
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
