Kunnafoni sɔrɔla seere dɔ fε, min ka surun yɔrɔ in na kosεbε. O k’u ye mɔbilibolila faga, taamaden tɔw ka kεra joginni jugu ye. Bakari
Koyita ka fɔ la, o mɔgɔ joginnenw tara ka Bamakɔ sεgεrε kaariba wεrε la. Seere wεrε
y’a jira, ko mɔbilibolila kelen tε u ka mɔgɔ dagalen ye ; taamaden fila
wεrε fagara ka fara mɔbilibolila kan ; wa ko nin t’a siɲε fɔlɔ ye, bin ka kε dugujukɔrɔfεnko cakεda in baarakεlaw kan.
Mɔbili mugan ni kɔ wεrε minnu tun bε sira in fε, olu
sirannen tun y’u jɔ kɔfε kilomεtεrε damadɔ sanni k’i se kaariba fɔlɔ in ma, dan karila min na. Kunnafoniw
y’a jira ko bin bε ka kε damanda in mɔgɔw kan sanga ni waati bεε la. Hakililajigin na, san 2022
marisikalo la, binkannikεlaw ye mugu ci kaariba dɔ la Soribugu ni Nεgεla furancε la,
mɔgɔ fila joginna o senfε Bawulen jiritu
kɔnɔ.
Ka kɔn o ɲε ni san kelen ye, Kati mara kelen
in kɔnɔ, dan karila zandaramaw dagayɔrɔ la Nεgεla. Nεgεla ni Bamakɔ cε ye km60 ye. Binkanni cayalen o
waatiw la, jamana lakananbaaw tun ye mununmununsaalo senna caya yenyɔrɔw la san 2023 zanwuyekalo kɔnɔ. O wulikajɔkulu tun bε wele « Jigi Sigi ». O tun dabɔra Bawulen jiritu mɔmɔni kama ka kojugubakεlaw ɲinin k’u silatunun.
Mohamεdi JAWARA
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
