Tɔnba in fε, taama in bɔli a ma, o sababu ye mɔgɔ ŋaniya ɲumantigiw ka taakasegin ye, k’a ɲinin Mahamudu Dikɔ fε, a ka nin ko in ɲɔngirin. Laadatigiw, diinεɲεmɔgɔw, politikiɲεmɔgɔw, ka fara mɔgɔ suguya wεrεw kan, olu de ye wulikajɔw kε, k’a ɲinin Mahamudu Dikɔ fε, u bε ka taama min boloda ka bεn jumadon ɔkutɔburukalo tile 13 ma san 2023, u k’a bolo kan.
« CMAS » fana y’a jira k’a ye laadilikanw mεn ; ka da a kan kumaɲɔgɔnya ani ɲɔgɔn bilasirali, o ye danbe kɔrɔ ye Mali kɔrɔ yan. O hakililaw y’a to Mahamudu Dikɔ yεrε ye lafiya ani donɲɔgɔnna cakεda sigi senkan Sahelikungo jamanaw kɔnɔ. Nin kunnafoniw sɔrɔla « CMAS » ka baaraw ɲεmɔgɔba Yusufu Daba Jawara la. O siratigε la, « CMAS » b’a da a tɔndenw an’a kanubaaw tulo kan, k’a bε to a kan kan, furancεlafanga seginni na siwilifanga ma, ka kεɲε n’o waleyacogo dantigεlen ye sariya fε ; wa k’o de ye demokarasi ani hakεw labatoli jamana taabolo ye. Suleyimani Sidibe Dɔkala Yusufu Jara
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
