Mali furancεlafanga jamanakuntigi ani Minusima ɲεmɔgɔba, u fila ye hakilila falenw kε Minusima bɔli kan Mali kɔnɔ ka kεɲε ni diɲε tɔnba ka basigi sabatilijεkulu ka
sariya 2690 kɔnɔko ye. O tεmεnsira bεε dagunna.
Jamanakuntigi ka fɔ la u ka ɲɔgɔnye kuncεlen,
hali ni Minusima tɔgɔlamɔgɔ tɔnin bε yan halibi, taali kɔni o laɲinin sabatira. Ɛli-Gasimu Wani fana ye layidu ta, ko bɔli tɔnin bεna tεmεn cogoya ɲuman na. A
labanna k’a jira, ko Minusima ka san tan baara Mali kɔnɔ, ko caman kεra ; hali ni
Malidenw jigi ma fa a bεε la.
A k’o dɔw kεra lafiya
sɔrɔli siratigε la, dɔw kεra ka ɲεsin furancεlafanga ma, dɔw fana kεra ka
ɲεsin sigidalamɔggɔw ma ni poroze dɔw waleyali ye. A ko lakananwalew yεrε tara ka sigidalamɔgɔ siwiliw sεgεrε.
Ɛli-Gasimu Wani
ka fɔ la halibi, Minusima tun tε se ka
baara kε i n’a fɔ dɔw jigi tun b’a kan cogo min na ; sabula ko dan fana bε lafiya sinsincogo
la nin baara suguyaw kɔnɔ. A ko kojugubakε tun bε dankan min na Mali kɔnɔ, baara tun man nɔgɔ Minusima bolo. Ka da a kan, o tun ma labεn a ɲεma o kεlεli kama.
Nka, ko Mali ta in na kε misali ye ONU bolo, k’a ɲinin ka yεlεma ɲuman don
baaraw kεcogo la. Ɛli-Gasimu Wani
ko a hami ye Mali ka se ka Minusima ka san tan in kɔnɔ, waleya ɲuman kεlenw jiidi ka taa a fε, a ka se ka lafiya ni basigi kuntaala jan sɔrɔ.
Bεnbabilen
DUNBIYA
Dɔkala
Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.