Kunnafoni in
lasera mara ni desantaralizasɔn minisiri gɔfεrεnaman ka
kumalasela Kolonεli Abudulayi Mayiga fε minisiriw ka araba marisikalo tile 6
san 2024 laadalatɔnsigi senfε.
Mara ni
desantaralizasɔn minisiri ye minisirilajε ladɔnniya wulikajɔkuluw, tɔnw ani kanuba minnu bε Imamu Mohamudu Dikɔ la, olu
ka jεkuluba n’o ye « CMAS » ye, o cili la.
Jigi min
binnen don o jεkuluba in kan, o de ye ko a bε waati jan bɔ, a yεlεmanen
don ka kε politikitɔn ye, min ka baara ɲεsinnen bε lonpolanpali ma, a kεlen bε fεn jugu ye jamana basigili ma. Olu
ye waleyaw ye, minnu tun t’a sigilisariya kɔnɔ.
O siratigε la,
a bε hakililajiginkun bɔ, ko jεkuluw cili minisirilajε fε,
o kofɔlen don sariya n°04-038 kɔnɔ, o min tara utikalo tile 05 san 2004
tɔnw kunkan.
« CMAS »
ye jεkulu ye, Mali tun ye min sigili yamaruya ni eresipise n°0035/MATD-DGAT ye.
O kεra desanburukalo tile 05 san 2019. A sigikun tun ye basigi sabatili ani
lafiya sɔrɔli ye
hadamadenya kɔnɔ. Nka, a kɔlɔsira kabini waati jan, ko jεkulu in
ka baara kεlen bε waleyaw ye, minnu t’a sigikun ye. Laselisεbεn in kɔnɔ, a jirala ko « CMAS »
yεlεmanen don ka kε politikitɔn ye, min ka baara ɲεsinnen bε lonpolanpali ma, a
kεlen bε fεn jugu ye jamana basigili ma. I n’a fɔ a ka baaraw
mabεnni sekeretεri
zenerali bɔra ka kunnafoni min lase ɔkutɔburukalo tile 07 san 2023, jamana ɲεmɔgɔw kεlen ka jamanakuntigi sigili
kalata bɔ a dɔgɔ kɔrɔ. Ani u ye
lagosili min ta ka furancεlafanga ɲεmɔgɔw sεgεrε kεnyεrεye teleso dɔ la.
Jεkuluba in
yεrε kɔkɔrɔdonbaa ye laseli minnu kε k’a to jamana kɔkan, o farala
u ka dansagonwalew kan ka ɲεsin jamana ma. O jogo jugu minnu kɔlɔsira tɔn in mɔgɔw la, o ye fiɲεba ye jamana
basigi ma ; kεrεnkεrεnnenya la, kɔkɔrɔmadonbaa in ye taama minnu kε kɔsa in na jamana kɔkan, a n’a ye senkola jamana minnu
ka mɔgɔw kumaɲɔgɔnya yen Mali kunkan, k’a sɔrɔ o ma kε ni jamana ɲεmɔgɔw ka
yamaruya ye. Nin waleya
ninnu fεn o fεn, a bεε ye CMAS sigilisariya sɔsɔli baaraw ye, wa jamana janfali waleyaw don.
Ani fana, jigi
binnen don CMAS kan, a eresipise sɔrɔli ni bi cε, ko
a ma a ka baara kεlenw seereyasεbεn fosi di fɔlɔ, kuma tε ka fanga ladɔnniya a yεlεmani na ka sira kura
ta, min t’a sigilisariya kɔnɔ. O waleya si
ni tɔn in sariyaw tε bεn.
O de kosɔn wulikajɔkuluw, tɔnw ani kanuba minnu bε Imamu Mohamudu Dikɔ la, olu ka
jεkuluba n’o ye « CMAS » ye, a cira.
Abubakari TARAWELE
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
